Македонија
Поефикасни истраги за финансиски криминал – потпишан договор за соработка помеѓу МВР и Управата за финансиска полиција за електронска размена на податоци преку Платформата за интероперабилност
Министерот за внатрешни работи, Панче Тошковски, денеска оствари работна средба со директорот на Управата за финансиска полиција, Слободан Ивановски. На средбата беше потпишан договор за соработка и давање податоци во електронска форма преку Националната платформа за интероперабилност, со што соработката на овие две институции во борбата со организираниот криминал, перењето пари и сите други надлежности што заеднички ги имаат ќе биде многу побрза и поефикасна.
„Со потпишување на овој договор ќе овозможиме целиот процес на размена на документи во истраги и друг вид соработки да се води преку Платформата на интероперабилност наместо со физичка размена како што беше досега. Министерството за внатрешни работи ја препознава потребата од водење на финансиските истраги паралелно со истрагите за организиран криминал, и во таа насока градење ефикасен систем, кој ќе обезбеди конкретни резултати“, потенцира министерот Тошковски.
Во Министерството за внатрешни работи, поточно во рамките на Одделот за криминалистичка полиција и во Одделот за сузбивање организиран и сериозен криминал, веќе успешно функционираат организациски единици, во чија надлежност, меѓу другото, се и финансиските истраги.
„Со овој меморандум се овозможува побрза и поефикасна меѓуинституционална соработка, која е потребна за постапките што се водат преку Управата за финансиска полиција и Министерството за внатрешни работи, како и олеснување на процесот на пристап до базите на податоци. Сметам дека овој меморандум е само почеток на успешната соработка помеѓу двете наши институции“, истакна директорот Ивановски по денешната средба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Делови од Чаир без струја
Од ЕВН Македонија АД известуваат дека без електрична енергија ќе останат:
– во периодот од 08.00 до 13.00 часот, корисниците од улиците Славеј Планина, Кримска, Прохор Пчински и Топаанска (општина Чаир).
Македонија
Променливо облачно со сончеви периоди, попладне дожд
Променливо облачно време со повремени сончеви периоди најавува Управата за хидрометеоролошки работи (УХМР) за денеска. Попладне и во вечерните часови ќе има повремени локални врнежи од дожд во западните и северните делови од земјава.
Ќе дува слаб до умерен, а на места повремено засилен ветер од западен и југозападен правец.
Минималните температури ќе се движат во интервал од 4 до 11 Целзиусови степени, додека максималните ќе се искачат од 12 до 26 степени.
Времето во Скопје ќе биде променливо облачно со сончеви периоди и слаб до умерен ветер од променлив правец. Попладне и во вечерните чсови ќе има повремени врнежи од дожд во делови од котлината. Температурите ќе се движат од минимални 8 до максимални 22 степени.
Македонија
Одрони во дебарскиот регион, се препорачува внимателно возење
Дождот, кој со различен интензитет врне деновиве, во дебарскиот регион предизвикува помали одрони на патиштата во ова подрачје, поради што се препорачува внимателно возење.
„Засега има помали но чести одрони од камен и земја. Поради тоа, но и влажните коловози се препорачува внимателно возење и строго почитување на патната сигнализација“, порачуваат од дебарската секција на Јавното претпријатие за одржување на магистрални и регионални патишта.
Екипи на секцијата се постојано на терен, со цел навремено расчистување и безбедно одвивање на сообраќајот.