Министерот за внатрешни работи Панче Тошковски оствари работна средба со градоначалникот на oпштина Бутел Дарко Костовски.

„Како што ветивме пред граѓаните уште во техничкиот мандат, еден од приоритетите во делот на изградба на нови објекти е полициската станица во oпштина Бутел, објект кој е во најлоша состојба. Oд тие причини веднаш се почнува со средување на проектна документација и пренамена на средства со цел што поскоро да започне изградбата на станицата. Вработените во МВР заслужуваат да работат во нормални услови, што ќе придонесе за зголемување на квалитетот на услугите кои ги даваат кон граѓаните и ултимативно, зголемување на безбедноста на граѓаните, што е наш приоритет“, потенцираше министерот Тошковски на средбата.

На средбата без разгледани и повеќе други аспекти на можна соработка на министерството за внатрешни работи со локалната самоуправа.

Министерот за здравство, Арбен Таравари вели дека сме единствената држава во светот сме каде што има приватни специјализанти. Најави дека ќе се сретне со нив за да се обидат да изнајдат вин-вин реение.

„На приватните специјализанти да им дадеме решение за работа, а тие да работат некаде каде што има дефицит на кадар, тие места да бидат пополнети. Сепак ќе треба да се договориме“, рече  Таравари.

Истовремено, како што додаде, ќе треба и со деканот од медицинскиот факултет да се изнајде стратегија со која одредени специјализации ќе бидат во мирување, а другите ќе бидат фаворизирани.

„Ќе размислиме и начин за мотивација на помладите доктори да одат анестезиологија, радиологија, педијатрија и други специјализации“, рече Таравари.

Во предизборитето, приватните специјализанти во повеќе наврати протестираа незадоволни од својот нерешен статус. Бараа покачување на платите од 26.000 на 44.000 денари и здравствено и пензиско осигурување.

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, извести АМСМ.

Термините се следни:

– петок од 17:00 – 22:00 часот,

– сабота од 09:00 до 18:00 часот и

– недела од 09:00 до 22:00 часот.

На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:

– петок од 15:00 – 22:00 часот,

– сабота од 07:00 до 12:00 и од 18:00 до 24:00 часот и

– недела од 07:00 до 22:00 часот.