Скопје може и мора да биде град за луѓето — чист, уреден, сообраќајно среден, зелен и безбеден. Град со кој ќе се гордееме, кој ќе биде наш дом, а не пазар на интереси, кажа денеска на прес-конференција, Каја Шукова, кандидатка на СДСМ за градоначалничка на Град Скопје.

„Моите определби ќе бидат:

– да го исчистиме Скопје и направиме функционални претпријатија за управување со отпадот;

– да направиме конкретен план и постигнеме резултати за чист воздух и чиста животна средина. Ова се моите први приоритети, области во кои имам многу знаење и искуство;

– да го обновиме јавниот превоз и да создадеме град во кој може да се стигне навреме и без нервози;

– да го запреме урбанистичкиот хаос и да ја вратиме контролата на граѓаните врз урбанизмот;

– да се посветиме на обнова и одржување на постојната инфраструктура на градот;

– да направиме реформи за целосна дигитализација и искоренување на корупцијата и влијанијата кои доаѓаат од оние кои Скопје го гледаат како бизнис интерес;

– да ја вратиме културата, животот и урбаниот дух на Скопје кој толку многу недостига во моментов;

– да ја вратиме безбедноста во градот, секој ден и секој чекор по скопските улици мора да биде безбеден и удобен за секој граѓанин“, рече Шукова.

Таа нагласи дека се кандидира да стане градоначалничка на сите скопјани, независно дали се поддржувачи на СДСМ, на ВМРО-ДПМНЕ, на некоја трета партија или на ниту една. За мене, вели Шукова, сите граѓани се еднакво важни.

„Верувам дека политичките битки и поделби никогаш повеќе не смеат да бидат на штета на скопјани. Дека токму политичката алчност, бизнис и личните интереси на оваа власт, како и длабоката партизација на градот во изминатите четири години го донесе онаму каде што е денес, на своето историско дно во однос на развој, изглед и функционалност. Токму ова никогаш не смее да ни се повтори и затоа јасно порачувам: ако ја добијам вашата подршка ќе докажам дека Градот е над политиката. Скопје не е партиско седиште, туку град на сите кои живеат во него. И мора да се управува професионално“, рече Шукова на прес-конференцијата.

ВМРО-ДПМНЕ реагира на прес-конференцијата на портпаролката на СДСМ, Богданка Кузеска.

„СДС ја измами секоја категорија на граѓани во државата.

Сега преку вакви прес-конференции повторно се обидува да манипулира со фактите.

Кога станува збор за пензионерите, СДС ги занемаруваше оние со најниски пензии.

ВМРО-ДПМНЕ им ги зголеми пензиите на пензионерите за за 5.000 денари линеарно и ова важи за сите пензионери, во една година.

Во моментов Владата на ВМРО-ДПМНЕ работи на анализа за да ги зголеми повторно пензиите, оваа есен по 1000 денари, а и 1000 денари дополнително на пролет. Тоа се уште 2000 денари линеарно зголемување за сите пензионери во наредниот период. Ова го најави премиерот Христијан Мицкоски и ќе биде реализирано веќе за следното есенско покачување на пензиите.

Пензионерите ја поддржуваат политиката на ВМРО-ДПМНЕ.

Тоа се потврдува и со чекорот што Партијата на пензионерите го напушти Филипче, и премина на страната на ВМРО-ДПМНЕ, затоа што е и повеќе од јасно дека Владата на ВМРО-ДПМНЕ ги исполнува своите ветувања“, стои во реакцијата на ВМРО-ДПМНЕ.

Денеска од утринските часови хеликоптерот на Министерството за внатрешни работи Бел 412 интензивно е активен во гасењето на пожарот во струмичко.

Притоа до сега исфрли повеќе од 35 тони вода.

Активностите продолжуваат се до целосно гасење на пожарот, информираат од МВР.