Поради„Визер – Скопски маратон 2018“, што во моментов е во тек, важи посебен сообраќаен режим на улиците на кои се одвива маратонот.

Трката на 5.000 метри се одвива преку плоштадот Македонија, преку Камениот мост, лево покрај новиот театар, па лево преку мостот „Гоце Делчев“ до булеварот Илинден и по него лево по улиците Рузвелтова, М. Т. Гологанов, Димитрие Чуповски, 11 Октомври и пред портата „Македонија“ се врти лево на плоштадот Македонија, каде што е целта.

Потоа, за т.н. полумаратон, односно трка на 21 километар: стартот е од плоштадот Македонија преку Камениот мост, лево покрај новиот театар, лево по мостот „Гоце Делчев“ по булеварот Илинден лево по улиците Љубљанска и Московска, десно по „Војвода Васил Чакаларов“, на крајот на улицата се врти назад и се оди по улиците М. Т. Гологанов, Димитрие Чуповски, 11 Октомври, Крушевска република, по булеварот Трета Македонска бригада, улицата „Фрањо Клуз“, булеварот Јане Сандански до крајот пред семафорот со булеварот Србија, каде што се врти назад по булеварот Јане Сандански и улиците Фрањо Клуз, Крушевска Република, 11 Октомври, се влегува низ портата „Македонија“ и на плоштадот, каде што е и целта.

И главната маратонска трка се одвива по истите сообраќајници како полумаратонот, но со уште еден дополнителен круг.

Поради сето ова, одделението за безбедност на патниот сообраќај при СВР Скопје презеде мерки за посебен режим на сообраќајот по сообраќајниците на поширокото централно подрачје на град Скопје. Оттаму апелираат до граѓаните за разбирање и почитување на посебниот сообраќаен режим во текот на одржувањето на настанот.

Се очекува маратонот да заврши околу 14 часот.