Македонија
Почна кампањата „#НемаОправдување – заедно против насилството врз жени и девојчиња“
Со симболично ѕвонење портокалови ѕвончиња, претставници на Владата, Обединетите нации, Делегацијата на Европската Унија, Мисијата на ОБСЕ во Скопје, претставници од амбасадите во земјата, граѓанскиот сектор, активисти и медиуми, вчеравечер заедно го означија почетокот на годинешната кампања „16 дена активизам“, во портокалово осветлениот Парк на жената борец.
На Меѓународниот ден за елиминација на насилството против жените со овој настан почнуваат низата активности на социјалните медиуми, дебати и работилници со слоганот „#НемаОправдување – заедно против насилството врз жени и девојчиња“.
Резидентната координаторка на Обединетите нации, Росана Дуџак, порача дека секоја личност, маж или жена може да придонесе за да се спречи насилството и тоа вообичаено не бара големи акции.
„Може да се почне со подготвеност да се препознае тоа што се случува. Ако се види нешто, да се направи нешто. Да им се даде глас на тие што обично од срам молчат. Заедно можеме да ставиме крај на молчењето. Заедно може да се бориме против насилството врз жени и девојчиња. Зашто, едноставно, за насилството нема оправдување“, рече таа.
Цел на кампањата што ќе трае до 10 декември, Меѓународниот ден на човековите права, е да поттикне дискусија, споделување и активно вклучување во борбата против насилството врз жените и девојчињата.
Кампањата се надоврзува на годинешната глобална тема: „Обојте го светот во портокалово: Генерацијата еднаквост зазема став против силувањето“. Портокаловата боја, која веќе со години се користи во рамките на оваа кампања, е избрана како симбол за посветла иднина и за свет ослободен од насилство врз жени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Гази Баба и Карпош денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 08.30 до 11.30 часот, дел од улица Коце Металец и Филип Филиповиќ (од улица Рударска до Трафиките за храна пред паркингот), без струја ќе останат и зградите на два Баќа градители и зградата на Ул.Коце Металец Бр2 (општина Гази Баба)
– во период од 09.00 до 15.00 часот, дел од корисниците на ул.Струшка (општина Карпош).
Македонија
Претежно облачно со повремени локални врнежи од дожд
Времето денеска ќе биде претежно облачно со повремени локални врнежи од дожд. Пообилни врнежи ќе има во западните и јужните делови. На повисоките планини врнежите ќе преминуваат во снег. Ќе дува слаб до умерен ветер од југоисточен правец. Минималната температура ќе биде во интервал од 2 до 6, а максималната ќе достигне од 8 до 12 степени.
Во Скопје, претежно облачно со повремени локални врнежи од дожд и слаб јужен ветер. Минималната температура ќе се спушти до 3, а максималната ќе достигне до 11 степени.
Времето во наредните денови
Под влијание на циклонска активност до крајот на неделата, следува период на претежно облачно време со повремени локални врнежи од дожд, кои ќе бидат пообилни во западните и јужните делови. На некои од повисоките планини врнежите од дожд ќе преминуваат во врнежи од снег. Минималните температури ќе бидат насекаде позитивни.
Македонија
Неколку скопски улици денеска без вода
Поради итен водоводен дефект на водоводна линија Ф700мм на булеварот Александар Македонски, ЈП Водовод и канализација Скопје ќе преземе одреден технички зафат кој ќе се одвива денеска.
Прекин на водоснабдување на денеска од 7:30 часот до санација на дефeктот, ќе имаат следните улици и населени места:
– Бул. Александар Македоски
– Ул. 808 (дел од улица)
– Бул. Киро Глигоров (дел од булевар)
– Населба Автокоманда со намален притисок во ниска зона
– Триангла со намален притисок
– Населба Хиподром со намален притисок
– Ул. Перо Наков кај Кванташки со намален притисок
– Населба М.А.Ченто прекин на водоснабдување
– Ул. Маџари прекин на водоснабдување
– Ул. Палмиро Тољати прекин на водоснабдување
– С.Сингелиќ прекин на водоснабдување

