Македонија
Почнува имунизацијата со вакцината на „Астра зенека“ во Македонија

Утрово, почна имунизацијата со вакцината на „Астра зенека“ на лица над 77-годишна возраст во Македонија.
Министерот за здравство, Венко Филипче, соопшти дека досега се закажани 5.976 термини за вакцинација.
„Првично пуштени се 9.577 термини, а досега се закажани 5.976 термини за вакцинација на граѓани над 77-годишна возраст. Вакцинацијата ќе се одвива на постојните вакцинални пунктови во здравствените установи во градовите во државата. Вакцинацијата е прецизно организиран процес, испораката на вакцини ќе оди сукцесивно“, вели Филипче.
Пунктовите за вакцинација се отворија во 8 часот, а ќе работат до 20 часот секој ден, од понеделник до петок.
Матичниот лекар на секој граѓанин, кога му закажува тремин за вакцинација, е должен да му каже во колку часот треба да се вакцинира и на кој пункт во здравствената установа каде што се спорведува вакцинација против Ковид-19.
Филипче рече дека со вакцината на „Астра зенека“ нема да бидат вакцинирани лица под 60 години по двата извештаја на Канада и на Германија.
Инаку, Германија одлучи да ја запре вакцинацијата на лица помлади од 60 години со оваа вакцина, а Канада одлучи да не ја дава на лица помлади од 55 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.
Македонија
Делови од Ѓорче Петров и Чучер Сандево денеска без струја

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска без напојување со електрична енергија ќе останат:
· од 09:00 до 13:00 часот, објектите на Полициската Станица и базата на БППЗ во Ѓорче Петров, општина Ѓорче Петров;
· од 09:00 до 15:00 часот, корисниците од дел од нас. Кисела Јабука, општина Ѓорче Петров;
· од 09:00 до 16:00 часот, корисниците од селата: Побожје, Бродец, Танушевци, Брест и Малино, општина Чучер Сандево;
· од 11:00 до 13:00 часот, корисниците од дел од ул. Кадињача, општина Ѓорче Петров.