Македонија
По налог на Општина Центар, се отстранува дивоградба во Градски парк

Овластен градежен инспектор на Општина Центар по извршен увид изготвил решение со кое на инвеститорот „Работнички консалтинг“ ДООЕЛ Скопје, му наложил во рок од три дена да ја отстрани градбата што не е согласно прописите од Законот за градење, информираа од Општина Центар.
„Инвеститорот ‘Работнички консалтинг’ ДООЕЛ Скопје почна со извршување на решението на овластениот градежен инспектор на Општина Центар за отстранување на неговата градба за која не поседува решение согласно со Законот за градење и почна со отстранување на градбата. Инвеститорот пристапи кон отстранување на шанк со челична настрешница со димензии 5.00 м x13.00 м, челична платформа со димензии 2.00 x5.00 м, дрвена настрешница со димензии 5.00 x 12.00 м, базен со димензии 5.00 x4.00 м, ограда со челични профили обложена со дрво со должина L=10.00 м + 6.00 м+ 1.50 м +8.00 м+25.00 м и влез од челична конструкција со димензии 2.00 x4.00 м во Градски парк“, се наведува во соопштението на Општина Центар.
Од општината посочуваат дека надлежните ќе извршат контролен инспекциски надзор дали инвеститорот постапува по решението издадено од овластен градежен инспектор и дека ќе продолжат внимателно да ги следат градбите на нејзина територија и нема да дозволат непочитување на Законот за градење, ниту, пак, ќе толерираат дивоградби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВЛЕН: Паднаа во вода тврдењата на ДУИ за наводен атентан врз Зеќирија Шаини

Коалицијата ВЛЕН реагира за случајот во кој беше повреден активистот и носител на листата на НАИ во Липково, Зеќирија Шаини.
Од таму велат дека особено загрижува фактот што политичките опоненти, предводени од ДУИ, се обидоа да ѝ дадат политичка димензија на оваа трагедија, грубо манипулирајќи со семеен конфликт во сред изборна кампања.
„Но случајот се покажа како семеен проблем и нема никаква врска со политиката. ДУИ доживеа тежок пораз, бидејќи не ѝ успеа обидот да ја искористи ситуацијата за сопствена политичка корист. Тие беа демантирани и од самиот нивен активист, Зеќирија Шаини, кој јавно изјави дека нема политичко непријателство со никого, со што паднаа во вода сите тврдења за наводен „политички атентат“.ДУИ сакаше да се претстави како херој во туѓи сметки – но тоа не помина. Наместо да придонесе за смирување на ситуацијата, партијата повторно приредува политички театар, обидувајќи се, како и секогаш, да создаде перцепција дека „некој работи против нив“. Помогната од неколку платени новинари, кои дење и ноќе шират лаги против власта, ДУИ ги злоупотребува дури и проблемите на сопствените партиски членови. Ова е стар модел на јавна манипулација и политичка виктимизација, кој има цел да го прикрие падот на довербата и губењето на електоратот“, велат од ВЛЕН.
Македонија
Сончево со мала локална облачност, максималната температура до 21 степен

Сончево со мала до умерена локална облачност. Ќе дува слаб до умерен, наместа долж Повардарието повремено засилен ветер од северен правец. Минималната температура ќе биде во интервал од 4 до 10, а максималната ќе достигне од 14 до 21 степен.
Во Скопје, сончево со мала до умерена облачност. Ќе дува слаб до умерен, во делови од котлината повремено засилен ветер од северен правец. Минималната температура ќе се спушти до 8, а максималната ќе достигне до 20 степени.
Времето во наредните денови
До почетокот на следната седмица ќе преовладува стабилно, сончево и релативно топло време со локална појава на облачност во текот на денот. Ќе дува слаб до умерен, а во сабота долж Повардарието повремено засилен северен ветер.
Македонија
Делови од Гази Баба и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 08:30 до 13:30 часот, корисниците од улица Благоја, улица Маџари, Пекара КИС МИ Стефковски и улица Ордан Поп Јорданов (општина Гази Баба)
– во периодот од 09:00 до 10:00 часот, локалите во трговскиот центар до пазарот (општина Ѓорче Петров)