Македонија
Преку „Ковакс“ за Северна Македонија 103.200 вакцини против Ковид-19

Механизмот „Ковакс“ објави план за дистрибуција на вакцини за земјите во развој, според кој околу 800.000 дози, најмногу од „Астра зенека“, ќе бидат распределени на Балканот во првата половина од годината.
Србија ќе добие најмногу во регионот – 345.600 дози, БиХ – 180.000, Албанија – 141.600, Северна Македонија – 103.200, Косово – 100.800 и Црна Гора – 84.000.
Според oбјавата на „Ковакс“, сите дози вакцини што ќе пристигнат во Македонија ќе бидат од „Астра зенека“.
Кога станува збор за земјите во светот, Индија ќе добие најмногу – 97,2 милиони дози, Пакистан – 17,2 милиони, Нигерија – 16 милиони, Индонезија – 13,7 милиони, Бангладеш – 12,8 милиони, Бразил – 10,6 милиони, Кенија – 4,2 милиони, Судан – 3,4 милиони, Јемен – 2,3 милиона и Сирија – 1,02 милион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).