Македонија
(Фотовест) Преку решетки до извод од Управата на матичните книги, документи се пополнуваат на полуотшрафен дрвен шалтер

Објектот во кој е сместена Управата за водење на матичните книги во Ѓорче Петров остана непроменет. И натаму граѓаните преку решетки си ги подигнуваат документите, а барања пополнуваат на импровизиран дрвен шалтер поставен под прозорецот.
Состојбата е лоша и за вработените, на кои во зима им прокиснуваат таваните и не може да ги затоплат просториите, а во лето работат на пеколни температури.
Граѓани посочуваат дека чекаат и по половина час само за да си подигнат извод, кој претходно го нарачале и платиле преку онлајн-платформата.
Ако немаат пополнето некој документ, тоа може да го направат на импровизиран шалтер поставен под прозорецот, кој е на чекор да падне бидејќи е отшрафен. Претходно, можеше и да се влезе во објектот за да се подигне документ, но и по пандемијата, тоа не е недозволено.
Реконструкција на објектот нема. Со години од Управата за водење на матичните книги посочуваат дека причината за тоа е што немаат доволно пари. Доколку добијат од Владата, беше планирано и да се пресели објектот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.