Македонија
Премиерот Ковачевски на Самит во Тирана пречекан од премиерот на Албанија

Претседателот на Владата на Република Северна Македонија, Димитар Ковачевски, денеска во Тирана беше пречекан од премиерот на Република Албанија, Еди Рама, каде се одржува Самитот за Западен Балкан – Европска Унија. Ова е првиот Самит на ЕУ што се организира во регионот на Западен Балкан и тоа кај нашиот сосед Албанија, што уште повеќе ја зголемува неговата важност и значење. ЕУ покажа силно партнерството кон земјите од овој регион, со што уште еднаш потврди дека во нас гледа партнер од доверба.
Уште една силна потврда за нашата европска иднина е хајлатот на овој Самит – потпишувањето на договорот за намалување на цените во роамингот, за разговорите во роаминг помеѓу корисниците од Западен Балкан и земјите од ЕУ. Со овој договор ќе сме поповрзани со земјите од ЕУ и ќе можеме полесно и побрзо да одиме по европскиот пат. Европската Унија сака да сме поврзани, а од целото тоа имаме и практична и економска придобивка и за граѓаните и за бизнисот.
Лидерите од Западен Балкан денеска ќе имаат можност да дискутираат со европските лидери како Шарл Мишел и Фон Дер Лајен и шефовите на европските држава, за европската иднина на целиот регион и јакнењето на соработката, не само помеѓу земјите од Западен Балкан, но и со земјите од ЕУ. Оваа соработка се однесува во делот на обезбедување континуитет и стабилност во снабдувањето со електрична енергија во услови на тешка енергетска криза за што заеднички со земјите од ЕУ се справуваме со овие предизвици. Република Северна Македонија веќе спроведува Стратегија зелена трансформација на земјата и со насочување кон вложување во капацитети за производство на струја од обновливи извори на енергија со што обезбедуваме енергетска независност на земјата. Исто така, тема на Самитот е заедничката европска иднина на земјите од Западен Балкан односно нашата цврста решеност и визија со заеднички напори да обезбедиме мир, стабилност и демократија во време кога само на неколку граници од Западен Балкан имаме разорна војна во Украина.
Самитот е одлична можност да се продолжи оваа успешна соработка за надминување на заедничките предизвиците како што се обезбедување храна, енергенси, закана од хибридни напади и миграција, бидејќи само со цврсти меѓусебни врски помеѓу земјите од Западен Балкан и Европската Унија можеме да дејствуваме како едно, исклучиво во интерес на граѓаните и перспективите на државите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски по повод Денот на македонската дипломатија: „Таа е мост помеѓу народите и чувар на мирот“

По повод 29 април – Денот на македонската дипломатија, министерот за надворешни работи и надворешна трговија, Тимчо Муцунски, упати честитка преку социјалните мрежи.
Во објавата, министерот потсети дека македонската дипломатија своите почетоци ги има во Бирото за односи со странство, формирано во 1969 година, како прв институционален облик за водење на надворешната политика.
„Овој ден е посветен на дипломатите и сите вработени во Министерството за надворешни работи, чиишто посветеност, професионализам и дипломатска умешност се клучни за градење на меѓународниот углед на нашата земја, за унапредување на билатералните и мултилатералните односи и за одржување на врските со македонската дијаспора“, напиша министерот Муцунски.
Тој додаде дека Денот на македонската дипломатија нè потсетува на важноста на дипломатската мисија како мост меѓу народите, чувар на мирот и промотор на соработката, упатувајќи честитка до сите актуелни и поранешни дипломати и вработени во Министерството за нивниот придонес.
Македонија
Стојаноски: Интерпелацијата за Тошковски e доказ за глодарство и злоба

Интерпелацијата e доказ за глодарство, злоба и бескруполозност на политички актери кои што немаат никаков друг интерес, освен политичко профитерство, изјави пратеникот од редовите на владејачката ВМРО-ДПМНЕ, Бојан Стојаноски на денешната собраниска седница каде што се расправаше за интерпелацијата за министерот Панче Тошковски.
„Имаме можност денес да дебатираме по поднесената интерпелација за министерот Панче Тошковски. И мислам дека неколку работи денес треба да бидат кажани, директно кажани, јасно со цел да растуриме некои премиси кои што се создаваат во јавноста, како и која е целта на ова интерпелација, затоа што сметам дека многу неискреност има и многу зборови се споменаа во досегашните дискусии како морал, како одговорност, а за несреќа на оваа држава барем во претходните десет години можеме да направиме еден пример како се поставува по ваква трагедија, а како се постапувало, или не се постапувало во претходниот период, но и да видиме една одвратна малодушност и политички рефлектирано глодарство кое се граничи со мизерни и нечовечки особини“, рече Стојаноски на денешната собраниска седница каде што се расправаше за интерпелацијата за министерот Панче Тошковски.
Стојаноски е категоричен дека за поднесената интерпелација ќе биде потппишан писмен доказ за глодарство и злоба на политички актери кои што немаат никаков друг интерес освен политички да профитираат.
Македонија
Таравари на локалните оди со посебни советнички листи: Нема враќање назад

Министерот за здравство и лидер на едното крило од Алијансата за Албанците, Арбен Таравари, не отстапува од одлуката на локалните избори да одат со сопствени советнички листи иако на власт дојдоа како дел од коалицијата „Вреди“, која се подготвува да прерасне во една политичка партија.
„Засега имаме сигурна одлука дека одиме со посебни советнички листи и тоа е одлука на партијата и од тоа нема враќање назад. За сè друго сме подготвени и отворени да разговараме со сите во однос на локалните избори“, рече Таравари денес при посетата на вакциналниот пункт во Поликлиниката „Букурешт“.
И денес тој уверуваше дека владината коалиција е стабилна и има редовна комуникација со премиерот со кого очекува средба откога ќе се врати од службено патување.
Неговите досегашни коалициски партнери од „Вреди“, пак, сметаат дека Таравари сам се исклучил од коалицијата и треба да си замине и од Владата оти не може и да биде дел од Владата и да преговара со ДУИ.