Македонија
Пренџов до Ковачевски: Груби е вицепремиер за ништо, кога планирате да го разрешите?

Со последните ваши дејствија покажувате непочитување кон највисоката институција кон оваа држава, му порача пратеникот од коалицискиот партнер на ВМРО-ДПМНЕ, ГРОМ Љупчо Пренџов на Димитар Ковачевски на денешната собраниска седница.
„Алијанса на Албанците согласно информациите кои што стигаат во јавноста е претворена во градежна фирма, а овие од Алтернатива им ги разрешуваат министрите и молчат, никаде ги нема. И тоа ќе видете зошто граѓаните немаат доверба ниту во владата, а ниту во политиката“, истакна тој.
Пренџов го праша Ковачевски кога планира да го разреши Артан Груби, додавајќи дека нема никаква одговорноста и покрај тоа што органите на прогон му висат на врат за тоа како купил деловен објект во центарот на државата по цена од 650 евра.
„Гледам денеска го нема Артан Груби до вас. Не знам како сте поделени дали тој работи ноќе, а вие дење, бидејќи една ноќ дали кога собирал кириите од дуќаните и становите што ги издава помина во собранието, па од тука наваму го нема. Сакам да ве прашам дали планирате да го разрешувате Артан Груби. Да купите дуќан во центарот на државата, на улица Македонија по цена од 650 евра и пола институции за прогон да ви бидат на врат, а вие да го третирате да седи до вас и да биде прв вицепремиер задолжен за ништо, е навистина голем срам за Република Македонија“, рече Пренџов.
Пренџов праша дали Ковачевски ќе го разреши и министерот за образование и наука бидејќи цела година не успеал да иштампа учебници.
Кога сме кај разрешувањата Ковачевски ве молам кога планирате да го разрешите министерот за образование? Не е нормално еден министер да не може да иштампа учебници цела година и да нема никакви последици ниту политички, ниту морални, ниту законски, објасни Пренџов.
Дали чувствуваш одговорност за тоа што во државата нема лекови, нема основни средства, за тоа што во државата се живее се полошо и полошо. Што ќар има државата што вчера се назначија тројца или четворица нови министри, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека по 20 минути

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 20 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Притвор за уште едно лице од групата која е под истрага за злосторничко здружување, даночно затајување и перење пари

Управата за финансиска полиција информира дека во текот на вчерашниот ден, 28.08.2025 година, на граничниот премин „Долно Блаце“, при обид за влез во РСМ, е лишен од слобода С.А., државјанин на Р.Косово, за кој постои основано сомнение дека сторил кривично дело „Злосторничко здружување“ (чл.394 ст.2) и кривично дело „Даночно затајување“ (чл.279 ст.3).
Од страна на овластени службени лица од Управата за финансиска полиција, лицето веднаш било превземено и изведено пред судија на претходна постапка од каде му била определена мерка притвор во времетраење од 30 дена, по што истиот е спроведен во КПУ Куманово.
Притворањето, појаснуваат надлежните, е продолжение на акцијата од 25 август, кога беа притворени седум лица, како резултат на сложена предистражна постапка спроведена од страна на Управата за финансиска полиција, под раководство и во координација со надлежен јавен обвинител од ОЈО ГОКК, во рамки на која беа превземени низа мерки и активности и беше обезбеден обемен доказен материјал, што резултираше со поднесување на кривична пријава против 13 физички лица и 10 правни лица, за сторени кривични дела: злосторничко здружување, даночно затајување, даночна измама и перење пари и други приноси од казниво дело, со што е предизвикана огромна штета на државниот буџет во висина од над 430 милиони денари.
Македонија
Обвинение за насилство за таткото кој повреди 15-годишни деца на фудбалскиот натпревар во Штип

Основното јавно обвинителство Штип поднесе Обвинителен предлог против едно лице за кривично дело – Насилство од член 386 став 4 во врска со став 3 и став 1 од Кривичниот законик.
На 24 август, на фудбалскиот стадион “Бело Брдо“ во Штип, за време на фудбалскиот натпревар помеѓу пионерските екипи на фудбалските клубови “Брегалница“ од Штип и “Шкупи“ од Скопје, обвинетиот со грубо насилство ја загрозил сигурноста на оштетените две 15-годишни деца, кои биле играчи во тимот на ФК “Брегалница“.
На децата им нанел телесни повреди, а кај оштетените, останатата присутна публика и во јавноста предизвикал чувство на несигурност, загрозување и страв.
Настанот се случил во 89-тата минута од натпреварот, која судијата поради прекршок (фаул) доделил втор жолт картон со што го исклучил од игра синот на обвинетиот, кој играл за „Шкупи“. Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди. На игралиштето влегле и други лица од публиката, кои спречиле натамошна ескалација на настанот.
Јавниот обвинител до Основниот суд во Штип достави и предлог за продолжување на претходно определената мерка притвор за обвинетиот.