Македонија
Пренџов за Извештајот од Европската комисија: Брисел јасно укажува дека судството тоне во корупција

Денеска во Собранието, во Комисијата за политички систем и односи меѓу заедниците се дискутираше за Извештајот на Европската комисија за 2023 година се обрати пратеникот на ВМРО ДПМНЕ, Љупчо Пренџов.
Пратеникот Пренџов посочи дека во Извештајот е нотирано дека нема никаков напредок во делот на судството, додека пак состојбата со корупција е загрижувачка.
Додаде дека она што може да го види низ медиумите е дека членовите од Судскиот совет се однесуваат како да живеат во паралелен универзум со оглед на тоа што ние имаме секојдневни контакти со граѓаните.
„Вие како Судски совет немате кредибилитет и авторитет да воспоставите правичен судски систем во Република Македонија. Сметав дека после ова што се случува и што го бараат граѓаните на оваа држава дека денес вие требаше да донесете папки во кои ќе беа депонирани вашите оставки, граѓаните ги бараат вашите оставки“, рече Пренџов
Пратеникот Пренџов се обрати на членовите на Судскиот совет, укажувајќи им дека од анализите и критиките за судството во Македонија зборуваат дека не можат да се пофалат со судските одлуки кои ги носат затоа што и тоа го покажува и довербата од граѓаните од 2%.
„И Европската унија не ве цени како што вие мислите дека ве цени“, заклучи Пренџов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.