Македонија
Приватните стоматолози бараат договор со ФЗО за да не дојде до зголемување на цените
![](https://makfax.com.mk/wp-content/uploads/2020/05/w_56080334.jpg)
Стоматолозите алармираат за зголемените трошоци за заштитна опрема во согласност со протоколите за работа со цел превенција од ризиците поврзани со Ковид-19. Тие велат дека капитацијата од 48 денари не ја вклучува и дополнителната опрема и дека потребно е итно почнување преговори со ФЗО бидејќи, како што велат, во овој момент моделите се нефункционални и се на штета на пациентите и докторите на стоматологија.
„Стоматологијата се наоѓа на врвот како една од најризичните професии во време на пандемијата, каде што има можност за зараза од аеросоли поради работа на растојание помало од половина метар. Ризикот за докторите, вработените, нивните семејства, но, пред сè, за пациентите, во услови на Ковид-19 е голем“, велат здруженијата на приватните стоматолози.
Тие наведуваат дека сега во стоматолошките ординации потребна е нова вонстандардна опрема за лична заштита и дека е намален приемот на пациенти, што придонесува за зголемување на цената на услугата од 500 до 1.500 денари.
„Зголемени се цените и на материјалите и на средствата за дезинфекција, а исто така ограничени се и стоматолошките интервенции што може да се даваат на пациентите. Намален е приемот на пациенти поради почитување на мерките и протоколите и сето ова придонесува за зголемување на цената на услуга од 500 до 1.500 денари во зависност од интервенцијата“, се наведува во соопштението на Групацијата за приватно здравство при Сојузот на стопанските комори, Здружението на докторите специјалисти концесионери од специјалистичко-консултативната стоматолошка здравствена заштита и Здружението на приватните здравствени стоматолошки установи и приватни доктори на дентална медицина.
Тие испратија допис до Министерството по одржаниот состанок со министерот за здравство на 12 мај, со конкретни предлог економски мерки за ПЗУ, како и обезбедување лична заштитна опрема и продолжување на преговорите со Фондот за здравство за што сè уште се очекува одговор.
„Во ова време на криза, кога е намалена финансиската моќ на пациентите, товарот не треба да падне на пациентите, покрај стоматолошката услуга, пациентите да треба да плаќаат повеќе за вонстандардната опрема. Капитацијата од 48 денари и цените на услугите при договор склучен со Фондот за здравство не ја вклучуваат и дополнителната опрема. Во таа насока потребно е итно почнување преговори со ФЗО бидејќи во овој момент моделите се нефункционални и се на штета на пациентите и докторите на стоматологија“, велат стоматолозите.
Стоматолошките ординации беа ставени во вонреден режим од 11 март, а подоцна и целосно затворени. Од 13 мај ординациите почнаа со работа под посебни услови со ограничен број интервенции и ограничен број пациенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Средба на заменик претседателот на Владата и министер за транспорт Александар Николоски и Амбасадорот на Унгарија, Андраш Клајн
![](https://makfax.com.mk/wp-content/uploads/2024/07/IMG-1a720f5f17a630e51d946fa70a0e08c2-V.jpg)
Заменик претседателот на Владата и министер за транспорт Александар Николоски, денеска оствари работна средба со Амбасадорот на Унгарија, Андраш Клајн.
На средбата министерот Николоски упати честитки за преземањето на претседателството со Советот на ЕУ од страна на Унгарија, со порака дека Владата останува силно фокусирана на европската агенда.
Исто така министерот Николоски ги потенцираше реформските процеси, истакнувајќи ги плановите на Владата за регионална интеграција и зајакнување на односите со земјите од Западен Балкан.
На средбата се разменија информации околу искуствата за модернизација на регионалната инфраструктура, со посебен фокус на патната и железничката инфраструктура.
Во Унгарија гледаме како долгогодишен партнер и пријател и огромна е поддршката што ја овозможува Унгарија за евроинтегративниот процес како врвен приоритет, потенцираше на средбата министерот Николоски.
И двајцата се согласија за натамошно зајакнување на билатералните односи и интензивирање на соработката во области од заеднички интерес за двете земји.
Македонија
Јавниот превоз ќе продолжи сепак да функционира непречено, откако од ЈСП рекоа дека скопјани ќе останат без приватен автобуски превоз
![](https://makfax.com.mk/wp-content/uploads/2022/12/318288758_1513629612395585_5770693369473523960_n.jpg)
Јавниот превоз ќе продолжи да функционира непречено, приватните превозници ќе продолжат да возат согласно со возниот ред, а долгот ќе им се сервисира со динамиката која приватниците и в.д.директорот на ЈСП Скопје, Драги Кушовски, ја договорија по неговото именување на чело на претпријатието.
Приватниците и Кушовски денеска практично одржаа втора средба на која го потврдија претходно договореното во однос на исплатата на долгот.
Претходно приватните превозници рекоа дека од петок нема да возат, бидејќи Град Скопје и ЈСП „Скопје“ повторно не им плаќаат за услугата. Заклучно со јуни им се должи 140 милиони денари односно 2,2 милиони евра.
Денеска возачите излегоа на прес-конференција на која кажаа дека немаат веќе пари за гориво, должат на пумпите каде што полнат и веќе почнале да добиваат тужби. Како ќе им снемува гориво, така ќе ги паркираат автобусите и ќе ги исклучат од сообраќај.
Македонија
Муцунски – Димовски: Економскиот раст, новите работни места и инвестиции во фокусот на владините приоритети
![](https://makfax.com.mk/wp-content/uploads/2024/07/foto2.jpeg)
Министерот за надворешни работи и надворешна трговија, Тимчо Муцунски, денес, се сретна со новоименуваниот директор на Дирекцијата за технолошки и индустриски развојни зони (ТИРЗ), Гоце Димовски.
На средбата стана збор за владините приоритети, со фокус на активностите како што се економскиот раст, креирање нови работни места, поттикнување на трговијата и привлекување нови инвестиции. Притоа, двете страни се обврзаа на цврста и континуирана соработка во насока на остварување на приоритетите на владата.
Воедно на средбата, беше нагласена потребата од координиран пристап и континуирана соработка на полето на економијата и бизнисот, како и заложби за заеднички настап во однос на привлекувањето странски инвестиции.