Македонија
Професор д-р Леонид Наков: Соопштението од ВМРО ДПМНЕ содржи редица на невистини за мене

Професор д-р Леонид Наков упати демант на соопштението на ВМРО ДПМНЕ.
Демантот го објавуваме во целост:
„Со големо изненадување и неверување го прочитав денешното Соопштение од ВМРО ДПМНЕ, објавено во медиумите, а кое содржи редица на невистини, со цел обид за дисквалификација, упатени кон мене, поради што се одлучив да ја запознаам целокупната јавност со објективната и реална фактичка состојба.
Имено, мојот ко-авторски труд The Impact of Organizational Changes on Increasing SMEs Competitiveness претставува оригинално методолошко-емпириско истражување, кои се потпира врз изворни податоци, анализи и модели, кои се обезбедени и подготвени од страна на самите автори.
Оттука, во ниту еден случај не може да стане збор за плагијат, со што, сите објавени обвинувања во Соопштението се апсолутна невистина. Ова не е ништо друго освен неуспешен обид за неосновано нанесување штета кон мојата личност и углед.
Впрочем, сите мои домашни и меѓународни експертски позиции претставуваат најдобриот одговор за мојот личен и професионален интегритет, углед и препознатливост“, се наведува во демантот на проф. д-р Леонид Наков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.