Македонија
Рама повика на поголема финансиска поддршка од ЕУ: Јазот е неспоредлив, не може да има граѓани од прв и втор ред
![](https://makfax.com.mk/wp-content/uploads/2023/07/рама.jpg)
Албанскиот премер Еди Рама, кој се наоѓа во официјална посета на Скопје, ја повика Европската Унија на поголема финансиска поддршка за земјите од Западен Балкан.
Рама рече дека јазот помеѓу земјите членки и нашите држави од аспект на финансиската поддршка е неспоредлив и ја повика Европа да биде покомпактна.
„Откога почнавме со преговори со ЕУ, почнавме да притискаме во овој правец, поактивно соработувајќи едни со други како земји, особено со Северна Македонија, со цел да ја истуркаме нашата заедничка цел опремувајќи ги партнерите со конкретни бројки, кои извираат од оваа реалност“, рече Рама.
Албанскиот премиер повторно ја повтори својата забелешка кон Унијата за време на пандемијата кога, како што рече, ЕУ нè оставила како риби без вода принудувајќи нè да бараме вакцини од трети земји.
„Ова не е единствениот, има многубројни заеднички предизвици, кои налагаат заеднички приод кон граѓаните. Не може да има граѓани од прв или втор ред. Тоа што нашите соседи од ЕУ користат и добиваат не може да се спореди со она што ние го нудиме од нашите внатрешни ресурси“, рече Еама.
Потенцира дека Албанија и Северна Македонија имаат усогласена надворешната политика во ЕУ и тоа е вредност што е олицетворена.
Добрата вест, рече Рама, е што Комисијата работи во оваа насока и набргу ќе имаме уште еден неформален состанок во Тирана, а ќе присуствуваат пријатели од ЕУ да дискутираме за планот за финансиската поддршка. Албанскиот премиер заклучи дека таа поддршка е потребна, ја заслужуваме заемно придонесувајќи.
„ЕУ има потреба од нас, колку и ние од неа“, заклучи Рама на заедничката прес-конференција со премиерот Димитар Ковачевски во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
На „Табановце“ и „Богородица“ се чека најмалку 45 минути
![](https://makfax.com.mk/wp-content/uploads/2024/06/granica-bogorodica-1.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен.На граничниот премин „Табановце“ времето на чекање за влез во државата изнесува околу 45 минути. На граничниот премин „Богородица“ времето на чекање за излез од државата изнесува околу 45 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Распишан е тендер за компресорите, Таравари се надева дека до крајот на годината ќе се реши проблемот со хируршките сали
![](https://makfax.com.mk/wp-content/uploads/2024/07/hirurgija.jpg)
Почнува да се решава проблемот со хируршките сали, објавен е тендер за компресорите, истакна министерот за здравство, Арбен Таравари.
„Се надевам дека до крајот на декември ќе се завршат и комплетно и ќе се вратат во функционална состојба хируршките сали во Клиничкиот центар во Скопје. Во меѓувреме ќе инсистираме ако може што поскоро да се случи тоа“, рече Таравари.
Одговарајќи на новинарски прашања, министерот истакна дека од она што можел да го види, состојбата со салите на Клиничкиот центар не била добра, а според кажувањата исто е и на Клиниката „8 септември“. Најави дека по консултација со Министерството за финансии ако добие дозвола, и се изнајде начин плаќањето да се одвива во неколку години, ќе инсистира да почнат со реновирање.
Македонија
Муцунски – Дрекслер: Заемно задоволство од развојот на одличните билатерални односи
![](https://makfax.com.mk/wp-content/uploads/2024/07/2.jpeg)
Министерот за надворешни работи и надворешна трговија, Тимчо Муцунски се сретна со амбасадорката на Германија, Петра Дрекслер, што претставува прва заедничка средба на двајцата соговорници по именувањето на министерот Муцунски на функцијата.
Муцунски изрази голема благодарност за безрезервната поддршка и посветеност на Германија на нашиот пат кон ЕУ, потенцирајќи дека новата Влада е силно фокусирана на европските интеграции и на спроведувањето на реформите.
Соговорниците разменија мислења и во однос на сојузништвото во рамки на НАТО, со посебен акцент на соработката во рамки на претстојниот Самит во Вашингтон. Воедно, беше оддадено признание за нашиот досегашен значаен придонес кон колективната безбедност, мир и просперитет на целата трансатлантска област.
На средбата беше искажано заемно задоволство од развојот на одличните билатерални односи, кои двете пријателски земји во континуитет ги негуваат во изминатиот три-децениски период, со заложби за продлабочување на соработката во периодот што следи.