Македонија
Расте бројот на пожари низ Македонија: во моментов активно беснеат 12, познато е каде гори

Центарот за управување со кризи во последното деноноќие регистрира вкупно 35 пожари. Од нив 12 се се’ уште активни, а останатите 23 се изгасени.
Вкупно активни: 12
– Општина Чашка; с.Габровник, с.Мокрени, (мешана шума и ниска вегетација);
– Општина Чашка; с.Јаболчишта и с.Дреново врв Лисец ( високостеблеста вегетација);
– Општина Росоман; с.Сирково и с. Мрзен Ораовец (нискостеблеста шума и ниска вегетација);
– Општина Кавадарци; с.Фалиш (ниска вегетација, драч, жбун и сува трава);
– Општина Штип; помеѓу селата Драгоево и Селце, с.Пухче и с. Пиперово (ниска вегетација и грмушки);
– Општина Долнени;с. Небрегово ( нискостеблеста шума);
– Општина Велес; кај Пашин мост(нискстеблеста вегетација);
– Општина Градско;с.Подлес и с.Чичево ( мешана шума);
– Општина Македонски Брод; село Тaжево кон Брезница (борова шума);
– Општина Неготино; пожарот кај армискиот полигон Криволак во правец штипско рамниште од неготинка страна е ставен под контрола;
– Општина Ново Село; с.Бадилен (мешана шума);
– Општина Делчево;градска депонија Делчево(депонија).
Изгасени пожари: 23
– Општина Студеничани 2 пожари, место викано Бегово Поле (Ниска вегетација и Шума); с.Алдинца (Ниска вегетација и мешена шума);
– Општина Неготино; с.Калањево (Ниска вегетација и мешена шума);
– Општина Свети Николе; кај с.Црнилиште према с,Кнежје (Ниска вегетација);
– Општина Крива Паланка; с.Добровница м.в.Милошинци (Ниска вегетација);
– Општина Куманово; место викано Стари лојза (Ниска вегетација);
– Општина Струмица; с.Водоча (Ниска вегетација и мешана шума);
– Општина Долнени; с.Слепче и с.Гостиражни (ниска вегетација и дабова шума);
– Општина Радовиш 2 пожари; с.Штурово (Ниска вегетација и мешена шума);с.Конче(ниска вегетација)
– Општина Македонски Брод 2 пожари; с.Слатино кај Грешница (нискостеблеста шума, ниска вегетација); : с.Девич (дабова шума);
– Општина Свети Николе; с.Црнилиште према. с,Кнежје(сува трева);
– Општина Битола 2 пожари; м.в Смолево(ниска вегетација и шума); ; ул.Караорман 111(ниска вегетација);
– Општина Зелениково;с.Вражале(нискостеблеста шума,даб);
– Општина Крушево 2 пожари; м.в.Стопанство(ниска вегетација) и с. Норово(нискостеблеста дабова шума);
– Општина Охрид ул.„Живко Чинго(депонија);
– Општина Штип;кај фабриката за мебел „Мебел инжинеринг(ниска вегетација);
– Општина Мак.Каменица; с.Моштица(ниска вегетација);
– Општина Гевгелија; кај Серменин (мешена шума);
– Општина Арачиново;с.Арачиново(ниска вегетација);
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) По десет дена борба, дождот го изгасна пожарот кај Јасен

Дождот кој заврна пред 7.00 часот утрово и врнеше нешто повеќе од два часа на подрачјето на ловиштето Јасен, помогна пожарот кој трае повеќе од десетина дена, да биде изгаснат, извести директорот на Дирекцијата за заштита и спасување, Стојанче Ангелов.
Но, додава тој, и покрај поголемата количина на заврнат дожд, на некои места од пожарната линија се уште може да се забележи чадење поради што по кревањето на маглата и чадот ќе продолжи пешадиско дејствување врз жешките точки кои покажуваат знаци на горење. Овој терен ќе биде пребаран и со дронови со термални камери.
Екипи на ЈП Јасен продолжуваат со патролирање се додека не се потврди дека пожарот е целосно изгаснат.
Дожд заврна претежно во северните и северозападните делови на државата додека во источните, југоисточните, централните и југозападните делови досега немаше врнежи.
Според прогнозите на УХМР денес се очекува силен ветар до 60 км на час кој значително ќе го зголеми ризикот од појава на пожари на отворен простор и нивно брзо ширење поради што апелирам до граѓаните да бидат исклучително внимателни за да не предизивикаат пожар но и да го лријават секое сомнително однесување.
Ангелов апелира доколку граѓаните забележат електрични жици кои се допираат или искрат веднаш да пријават во ЕВН или на бројот 112.
Македонија
Сиљановска-Давкова: Струга е поетска република што гради мостови и го менува светот

Претседателката Гордана Сиљановска-Давкова вчеравечер го прогласи за отворено 64. издание на Струшките вечери на поезијата и во рамки на свеченото отворање на фестивалот го проследи Меѓународното поетско читање – „Поетски меридијани“.
Во своето обраќање, таа ја нагласи историската важност на фестивалот и потсети на 1961 година, кога група македонски поети се собрале за да ја одбележат 100-годишнината од објавувањето на Зборникот на браќата Миладиновци, втемелувачите на „Струшките вечери на поезијата“, коишто од Струга направија културна, поетска република.
Сиљановска-Давкова оцени дека најважните белези на струшкиот поетски републиканизам се: универзалноста, отвореноста, инклузивноста, рамноправноста, талентираноста, компетитивноста, слободољубивоста. Таа укажа дека Струга како поетска република ги обединува поетите од различни континенти, држави и култури, без разлика на политичките, или идеолошките поделби.
Претседателката постави важни прашања за релевантноста на поезијата во современиот свет, во време на дигитална зависност, сензационализам и забрзана технологија. Предупредувајќи на предизвиците што ги носи вештачката интелигенција нагласи дека неможното за вештачката интелигенција е можно за поетите, коишто се единствените господари на чувствата и волшебници на зборот.
Потсетувајќи на судбината на АБЕЦЕДАРОТ, забранетите книги, како и на делата на браќата Миладиновци, Сиљановска-Давкова констатираше дека живиот збор е делотворно оружје што може да ја разбуди совеста, да поттикне активност и да ја промени реалноста.
„Ова е вашата поетска република. Од тука, од Струга, вие сте го менувале и сѐ уште можете да го менувате светот, градејќи вечни поетски мостови од неуништливи материјали: мислата и зборот, проткаени со ум и чувства“, им порача на поетите.
Сиљановска-Давкова го поздрави враќањето на најважните белези на фестивалот: читањата кај споменикот на Свети Климент во Охрид, поетското пловење до Свети Наум и поетското матине во „Св. Богородица Перивлепта“.
Македонија
Предлогот на Мицкоски за повереници е најава за враќање на авторитаризмот на Груевски, смета ДОМ

Демократска обнова на Македонија (ДОМ) реагира, како што велат, со огромна загриженост на вчерашната изјава на премиерот Христијан Мицкоски дека, доколку локалните избори во октомври се „неуспешни“, Владата ќе именува повереници како градоначалници.
Според партијата, ваквата отворена закана е директен напад врз темелите на демократијата и претставува нескриена најава за враќање на авторитаризмот од времето на Никола Груевски, менторот на Мицкоски.
„Овој предлог е јасно антидемократски: ја поништува смислата на изборите и ја игнорира волјата на граѓаните кои можеби, замислете, би избрале независни кандидати за градоначалници или советници. Ова не е „политичка тактика“, туку директна најава за самоволие во општините, што наликува на грубото воспоставување на режим кој на сите ни е многу добро познат. Зелената партија ДОМ ја потсетува јавноста дека стравот на ВМРО-ДПМНЕ и на нивните прикриени коалициски партнери (СДСМ и ДУИ) од независните гласови го разоткрива лицето на една тивка, но сеопфатна согласност меѓу партиските „аристократии“. Молкот за ова прашање од страна на „опозициските“ перјаници од СДСМ и ДУИ само ги потврдува сомнежите за таа непринципиелна коалиција и нивната нетрпеливост кон новите, храбри независни гласови“, велат од ДОМ.
Партијата бара премиерот веднаш да ја повлече оваа закана и да ги почитува уставните права на граѓаните.
„Го повикуваме претседателот на Собранието и сите парламентарни партии јавно да се изјаснат против најавениот тоталитаризам. Секој обид за наметнување „повереници“ наместо легитимно избрани градоначалници е кршење на законот и на политичкиот морал“, велат од ДОМ.