Македонија
Реакција на невладините организации за говорот на омраза кон трансродовите лица: Здравјето е право, а не привилегија
Во текот на вчерашниот ден во медиумите беше споделена информацијата дека министерот за здравство на РСМ, Венко Филипче, во рамки на регионалната конференција за ЛГБТИ права, во ко-организација на МТСП, Советот на Европа и ЕРА, дал изјава за хируршките интервенции за потврдување на родот (во јавноста познати како операции за промена на пол), односно дека „овие операции досега се правеа приватно, или во странство или во нашите приватни болници. Отсега тоа ќе биде на товар на ФЗОМ”. За само неколку часа по споделената информација, извесни јавни личности и политичари, како и голем број на корисници на социјалните мрежи започнаа застрашувачка кампања против ваквата ,,одлука” на Министерот, со мноштво трансфобични изјави и говор на омраза против трансродовите лица. За кратко време после оваа лавина на трансфобични коментари на социјалните мрежи, Министерството за здравство излезе со демант на првичните изјави на министерот, се вели во реакцијата на Коалиција МАРГИНИ и ТРАНСФОРМА во врска со говорот на омраза кон трансродовите лица.
,,Како организации кои со години работиме посветено на застапување за правата на трансродовите лица, вклучително и здравствените права, како и на спроведување на истражувања, анализи и препораки поврзани со правното признавање на родот, искуствата на трансродовите лица, нивните репрезентации, и состојбата во здравствениот систем поврзана со медицинското потврдување на родот, Коалицијата Маргини и Трансформа сме вознемирени и згрозени од степенот на омраза, трансфобија, но и свесни за незнаењето со кое јавноста реагираше на информацијата споделена од министерот. Чувствуваме должност да објасниме некои од дезинформациите, како и да се спротиставиме на неоснованите реакции во јавноста”, велат невладините организации.
Тие во реакцијата потенцираат дека ,,трансродовата заедница во Македонија е разнолика група, со различни потреби за медицинско потврдување на родот”. ,,Најостро ја демантираме дезинформацијата дека операциите за потврдување на родот се обичен хир, каприц или естетска хируршка интервенција. За дел од трансродовите луѓе ваквите операции се неопходен услов за ментално здравје и за да продолжат да живеат поднослив и достоинствен живот. Светските статистики во оваа насока се поразувачки, за што говори процентот на транс луѓе кои извршиле обиди за самоубиство (скоро 50 проценти). Дополнително, а следствено, целосно е неоснована хистеричната реакција дека паѓа голем товар врз ФЗОМ што би се рефлектирало или би го ускратило правото на здравствена заштита на други групи на пациенти. Средствата и бројката на луѓе кои годишно би побарала ваква медицинска услуга е толку мала што може да се спореди со статистичка грешка.
Второ, сакаме да истакнеме дека пристапот до здравствена заштита и правото на живот е уставно загарантирано право во Македонија, па така, кога станува збор за здравјето и животот нема простор за приоритети. Обезбедувањето на потребните здравствени услуги и права на една група граѓани не значи лишување на друга група граѓани од истите услуги и права. Затоа, и една од основните заложби на транс – движењето е универзален пристап до здравствена заштита, ЗА СИТЕ, ПОДЕДНАКВО! Овозможување операции на сметка на ФЗОМ е поправање на досегашната неправда. Трансродовите луѓе имаат обврска да плаќаат здравствено осигурување, и сосема е праведно во социјална држава како што е Македонија да ги добијат услуги кои одговараат на нивните потреби. За крај, би сакале да го охрабриме Министерството за здравство да го продолжи процесот за изнаоѓање на соодветно решение за покривање на трошоците и обезбедувањето на хируршки интервенции за потврдување на родот. Предрасудите, стигмата, омразата и незнаењето на мнозинската популација не може да биде, во една демократска, проевропска и социјална држава, критериум и услов за почитување на уставно загарантираната еднаквост и заштита на здравјето и животот на најранливите во општеството”, се вели во реакцијата на Коалиција Маргини и Трансформа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Измами со превозот на ученици – пријава против екс директорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука, две правни лица од Куманово и нивните сопственици за злоупотреба на постапката за доделување договор за превоз на ученици
СВР Куманово поднесе кривична пријава против В.Т. – поранешна директорка ДСУ „Киро Бурназ“ од Куманово, против правно лице од Куманово за превоз на патници и сопственикот Д.П., против В.Д., Д.Б., В.В., Ј.В., Д.Т. и Н.К., сите од Скопје, вработени во Министерството за образование против Б.С. – управителка на правното лице.
Првопријавената В.Т., во текот на учебната 2022/2023 и во текот на учебната 2023/2024 година, додека траела реконструкцијата на училиштето и не се изведувала настава со физичко присуство на ученици, во два наврати спровела отворени постапки за доделување на договор за јавна набавка на услуга – превоз на ученици, во кои постапки било изберено пријавеното превозно претпријатие од Куманово, застапувано од пријавениот Д.П. од Кумнаово, како единствен понудувач и носител на набавката. Д.П., потоа заедно со пријавената В.Т. изготвиле лажни записници за квалитетно и навремено извршена услуга, кои ги потпишале двајцата, па врз основа на лажните записници Д.П. изготвил лажни фактури во кои биле внесени невистинити податоци и како такви биле доставени до Министерството за образование и наука.
Доставените фактури биле одобрени и исплатени од четвртопријавената В.Д., петтoпријавената Д.Б, шестопријавената В.В., седмопријавената Ј.В., осмопријавената Д.Т. и деветтопријавената Н.К.. и покрај тоа што знаеле дека училиштето се реконструира и наставата се одвива без физичко присуство на ученици и наставници. Додека пак пријавената С.Б. – управител на правното лице за книговодствени услуги од Куманово, иако знаела дека изготвените фактури се со невистинита содржина и не се поткрепени со никаква друга задолжителна пропратна документација предвидена со закон, сепак ги книжела во финансиските книги на правното лице за превоз на патници.
На тој начин, сите пријавени им овозможиле на пријавениот Д.П. и правно лице за превоз на патници од Куманово да се стекнат со противправна имотна корист во вкупен износ од 32.620.123 денари на штета на буџетот на РСМ.
Македонија
Муцунски во Украина повика на итен и безусловен прекин на огнот од страна на Русија
Министерот за надворешни работи Тимчо Муцунски, на покана на украинскиот министер Андри Сибиха и високата претставничка на ЕУ Каја Калас, престојуваше во еднодневна посета на Лавов, каде што учествуваше на Министерскиот состанок за формирање на Специјалниот трибунал за злосторството агресија против Украина и на неформалниот состанок на Советот за надворешни работи на ЕУ. Муцунски беше единствениот министер од Западен Балкан присутен на настаните.
„На состаноците беше потврдена поддршката за Украина, нејзиниот суверенитет и територијален интегритет, како и за иницијативата за воспоставување правна одговорност за актите на агресија. Министерот Муцунски ја реафирмираше принципиелната поддршка на нашата држава, повикувајќи на итен и безусловен прекин на огнот од страна на Русија и на заеднички ангажман за постигнување праведен и одржлив мир“, соопшти МНР.
Во рамки на посетата, министерот Муцунски, заедно со своите колеги, оддаде почит на украинските херои на гробиштата „Lychakiv“ во Лавов.
Македонија
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и да го насочи вниманието на јавноста кон трагедијата во Кочани.
Тој пред собраните праша: „Па толку бргу ли нè заборавивте?“
Вели дека пред некој ден во Кочани си дошле деца што немаат прсти на рацете.
„Овие деца се пуштени од болница и ќе немаат цел живот раце. Барем да им помогнеме. Толку ли бргу нè заборавивте нас од Кочани? Зошто тој град никогаш не бил битен? Да направиме нешто за тој град. Наместо да се отвораат нелегални дискотеки, нека направат нешто во Кочани. Нека направат некој културен центар, спортски центар. Нека отворат некое кино наместо деца да одат на такви места и да се глупираат таму, нека гледаат филм“, рече човекот од Кочани.
Тој вели дека жителите на овој град не се чувствуваат добро и повика на разбирање. Ако не се преземе нешто, вели, работата ќе оди на полошо.
„Ми загинаа пет другари и некој ме прашува: нема ли да ти биде срам што ќе бидеш врзан? Јас сум секако духовно врзан. Нема што да правам, морам да живеам во тој град. Мора да направам нешто за него“, рече човекот објаснувајќи ја симболиката на врзувањето.
Рече дека донациите се намалиле, а на децата ќе им требаат многу пари.
„Само на едно дете знам дека му се потребни ракавици за рацете и за нозете. Една ракавица е 1.000 евра. Значи, ќе му требаат 4.000 евра. Како што гледаме, државата тие пари нема да ги обезбеди. Ако ништо друго, за тие деца да се соберат пари. Каков живот ќе живеат тие деца?“, рече човекот.
Тој попладнево го привлече вниманието врзан за бандера. Прашан зошто го прави тоа, одговори дека ќе каже кога ќе се соберат повеќе новинари.
Измами со превозот на ученици – пријава против екс директорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука,...
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и...
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот акведукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот што вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј-Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
Коцевски тврди дека истрагата за Кочани не е селективна, а можно е да биде проширена
Jавниот обвинител Љупчо Коцевски тврди дека нема никаква селективност во истрагата што се води за трагедијата во дискотеката „Пулс“ во...
Дурмиши ги предупреди трговците: Ако има енормно зголемување на цените, ќе има поригорозни мерки
Нови поригорозни мерки ќе бидат воведени доколку Државниот пазарен инспекторат утврди енормно зголемување на цените на производите по укинувањето на...
