Македонија
Рикер во Битола ја претстави новата американска амбасадорка во земјава

Во посета на општина Битола денес престојуваше висока делегација од САД и Амбасадата на САД во нашата земја, предводена од Филип Рикер, вршител на должност помошник-државен секретар на САД за Европа и Евроазија.
Како што информираат од Општина Битола, на средбата во кабинетот на градоначалничката Наташа Петровска присуствувале и амбасадорката на САД, Кејт Мари Брнс, специјалниот асистент на амбасадорот Рикер, Лахлин Сопер, како и шефот од политичко-економскиот оддел, Шенон Рунион.
Рикер изразил задоволство што повторно има можност да ја посети Битола и да ја претстави новата амбасадорка на САД.
На средбата со градоначалничката на Битола се разговарало за актуелната состојба во градот и државата.
„Битола е градот кој има стратешка позиција и во економскиот и во политичкиот живот во земјава“, истакнал Рикер.
Петровска ги посочила заложбите за натамошна соработка и се заблагодарила за поддршката која, како што рекла, Битола секогаш ја добива од страна на САД.
Филип Рикер во текот на утрешниот ден ќе се сретне со државниот врв и претставниците од политичките партии во земјава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.