„СДС е на сигурен пат да ја снема. Со нивното молчење, СДС е на пат да исчезне и да ја снема, исто како што исчезна и го снема Артан Груби. Како изминуваат деновите, а не се извинува за тоа што го остави Груби да краде и прави криминални дела, СДС губи се повеќе“, велат од ВМРО-ДПМНЕ.

„Единствени виновници и одговорни за криминалите на Артан Груби се СДС кои, иако Оливер Спасовски го имаа министер за внатрешни работи за време на целиот период на владеење, ниту го спречија, ниту против него поведоа постапка.

СДС го имаа под нивна контрола и судството и обвинителство, но иако Артан Груби се најде на црната листа на САД за примање мито за влијание, преку одредени судии, врз судски одлуки, но таквите информации не допреле до нив. Па така, се до последните денови на нивната власт немаше никаков предмет или истрага против Груби.

Судско обвинителската власт, како и МВР кои треба да постават ред и поредок како и правна држава, меѓу другото, молчеа за еден од случаите кои сега веќе два месеци ја тресе македонската јавност, а тоа е Артан Груби.

Веќе на сите им е јасно, дека СДС свесно му дозволи на Артан Груби да краде и дека тоа го направиле за да останат подолго време на власт.

Да не беа СДС и нивната желба за останување ден повеќе на власт, криминалот Груби и неговото пљачкање на државата, немаше да биде возможен.

А, со тоа што не се извинуваат, СДС само потврдуваат дека без нив Артан Груби немаше да и се случи на Македонија“, соопшти ВМРО-ДПМНЕ.

Утрово најстудено било во Битола каде што се измерени -4 степени, -2 било во Прилеп и Попова Шапка, -1 во Лазарополе, 0 во Тетово, Демир Капија, Струмица, Штип, Берово, Кавадарци, Крушево и Маврови Анови, 1 во Скопје-Петровец, Скопје-Зајчев Рид, Крива Паланка, Претор, Виница, Велес и Дебар, 2 во Куманово, 3 во Охрид и Гевгелија.

Висината на снежната покривка во седум часот утрово изнесувала 49 сантиметри на Попова Шапка, 40 Маврови Анови, 22 Крушево, 15 Битола, 7 Тетово, 5 Демир Капија, Берово, 4 Штип, Лазарополе.

Времето денеска

Променливо облачно со сончеви периоди. По котлините ќе има појава на магла. Ќе дува слаб до умерен ветер, во западните делови од западен, а во југоисточните од северозападен правец. Максималната температура ќе биде во интервал од 4 до 12 степени.

Во Скопје променливо облачно и тивко со појава на магла. Максималната температура ќе достигне до 5 степени.

„Во чин без преседан на манипулација и измама, претставниците на коалиција Вреди повторно покажаа дека суштината на целата коалиција е изградена врз лаги и манипулации. Нивните јавни изјави за некакви официјални покани за учество на инаугурацијата на претседателот Доналд Трамп претставуваат срамна измама и грд обид да се создаде илузија за меѓународна поддршка“, велат од ДУИ.

„Наместо да ги претставуваат достоинствено интересите на граѓаните, тие се појавија шетајќи по улиците на Вашингтон, објавувајќи гротескни фотографии на социјалните мрежи пред плакатите на церемонијата и владините објекти.

Оваа јавна фарса, платена со пари од даночните обврзници, е врв на манипулациите кои го карактеризираат овој политички субјект без визија, морал или одговорност кон граѓаните.

Со овој срамен потег, тие се понижија себе си, ги понижија Албанците, а го доведуваат во прашање и интегритетот на институциите кои ги предводат пред очите на светот.

Покрај политичката манипулација, во овој случај се работи и за груба злоупотреба на јавни средства за скапи прошетки во чија основа се недолични политички цели.

Овие поединци секако не ја претставуваат волјата на народот, но овој пат го покажаа вистинското лице на нивната алчност, личните интереси и темните агенди.

Бараме секој од овие поединци прво веднаш да ги објави средствата кои државата ги потрошила за оваа нивна екскурзија, а потоа обвинителството за борба против корупцијата да започне целосна и непристрасна истрага за овој скандал.

Измамниците да ја прекинат злоупотребата веднаш и средствата да ги вратат во буџетот на државата“, се наведува во соопштението на ДУИ.