Македонија
СДСМ: Владата сигурно чекори и ја враќа довербата на граѓаните во институциите

Расипничкото пустошење на екомијата е одлика на ВМРО-ДПМНЕ и сега тоа е минато, рагираат од владејачката СДСМ на прес-конференцијата на Владимир Нелоски од ВМРО-ДПМНЕ.
„ВМРО-ДПМНЕ за време на своето расипничко и криминално владеење успеа да го зголеми долгот на Р. Македонија за три пати. Овој факт зборува доволно за разнишаната опозиција која нема никакво право да зборува за економија, поле на кое покажаа дека не знаат да работат“, се наведува во партиското соопштение.
Од СДСМ истакнуваат дека новата владата покажала оти умее да се справи со хаосот и расипништвото кое зад себе го оставила ВМРО-ДПМНЕ.
„За прв пат во 2017 година јавниот долг почна да бележи пад. Иако се враќаат скапите и нерационални кредити кои ги земаше ВМРО-ДПМНЕ, СДСМ успева да креира позитивна економска клима и да добива најниски каматни стапки во историјата на Македонија од само 2.75 отсто“, стои во соопштението.
Од СДСМ додаваат дека владата што ја предводат сигурно чекори и ја враќа довербата на граѓаните во институциите и во државата.
„За 10 месеци спроведени се низа реформи во корист на граѓаните што допринесе до зголемување на просечната плата од 4,6 отсто. Тоа влијае на подобрување на животниот стандард на граѓаните. Граѓаните умеат да препознаат релевантно и транспарентно работење. Расипничкото владеење на ВМРО-ДПМНЕ е во историјата. Македонија чекори напред“, велат од владејачката партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Зголемен интензитет на сообраќај поради летните одмори

На 27.08.2025 од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на граничните преминиод македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
На ГП Меџитлија откриени над 300 шишиња со хемиски препарати за прскање: спречен обид за криумчарење

Царинските службеници на граничниот премин Меџитлија спречија обид за криумчарење на поголема количина препарати за заштита на растенија.
Во раните утрински часови, на 26.08.2025 година, при вршење на редовна царинска контрола на патничко моторно возило Mercedes со македонски регистарски таблички, со кое патувало семејство што изјавило дека се враќа од одмор во Турција и преку Грција пристигнало на влез во нашата земја, од страна на царинските службеници биле откриени 322 шишиња хемиски препарати за прскање, од кои 300 шишиња инсектицид CORAGEN 20 SC и 22 шишиња фунгицид Bellis BASF со вкупна вредност од 16.058,00 евра.
Препаратите биле сокриени на повеќе места во возилото – во багажниот простор зад куферите со лични работи, во просторот за резервна гума и на задните седишта. Возачот не поседувал соодветна дозвола за увоз, иако станува збор за стока што подлежи на посебен режим на дозволи со што безбедноста на производите не е гарантирана .
Стоката е задржана, возилото со кое била транспортирана е одземено, а против лицето ќе биде поведена кривична постапка. Случајот е предаден на Одделението за истраги при Сектор за контрола и истраги за понатамошно постапување.
Македонија
Претежно сончево и топло со температури до 36 степени

Времето денеска, претежно сончево и топло. Ќе дува слаб до умерен ветер од јужен правец. Минималната температура ќе биде во интервал од 6 до 14, а максималната ќе достигне од 27 до 36 степени.
Во Скопје, сончево со мала до умерена облачност. Ќе дува слаб ветер од јужен правец. Минималната температура ќе се спушти до 12, а максималната ќе достигне до 36 степени.
Во следните два дена ќе се задржи претежно сончево и топло време со постепен пораст на дневните температури. Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен југозападен, а во недела северен ветер, кој ќе услови опаѓање на дневните температури. Потоа следува период на стабилно и потопло време.