Македонија
СДСМ: ВМРО ДПМНЕ и Мицкоски се против ЕУ и сите стратешки одлуки на земјата

ВМРО-ДПМНЕ на чело со Христијан Мицкоски е против сите стратешки одлуки коишто земјата ги има донесено од своето осамостојување до денес. Тие беа против зачленувањето во НАТО, преспанскиот договор, Договорот за добрососедство, преговарачката рамка. Секогаш ВМРО-ДПМНЕ е против, но не гласа против, туку ја напушта Собраниската сала, а потоа се затскрива зад граѓаните со барање на одредени иницијативи, референдуми, се вели во соопштението од СДСМ.
Од партијата додаваат дека од 17-те години чекање за почеток на преговори за членство во ЕУ 11 години на власт беше ВМРО-ДПМНЕ. Во тие деструктивни 11 години ВМРО-ДПМНЕ на Груевски, од една страна беше декларативно за зачленување во НАТО и ЕУ, а од друга страна правеше сè тоа да не се случи. И сега Мицкоски продолжува по стапките на Груевски, со опструкции и блокади да го запре процесот на евроинтеграциите.
СДСМ нема да дозволи блокада, ги започнавме преговорите за членство, продолжуваме по европскиот пат. Македонската иднина е европска и Мицкоски и ВМРО-ДПМНЕ нема да ја загрозат, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Снег на Стража

На Стража вечерва врне снег.
АМСМ претходно соопшти дека на сила е забрана за камиони и товарни возила.
Видео: Инфо-Сообраќај
Македонија
Задолжителна зимска опрема на патот Тетово – Попова Шапка

Поради врнежи од снег, на патниот правец Тетово – Попова Шапка од 18 часот е воведена задолжителна употреба на зимска опрема (ланци) за сите видови возила, соопштија денеска од ЈП „Македонија пат“.
Исто така, денеска од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.
Од 16:20 часот се воведе забрана за сообраќај за тешки товарни возила на патниот правец Битола – Ресен преку планинскиот превој Ѓавато, а од 17.00 часот забрана за сообраќај за тешки товарни возила на патниот правец Ресен – Охрид преку планинскиот превој Буково.
Од АМСМ велат сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на „Македонија пат“.
Македонија
Забрана за камиони на патниот правец Охрид-Битола, кај превој Буково

АМСМ информира дека од 17 часот има забрана за управување со тешки моторни возила на патен правец Охрид-Битола кај превој Буково.
Од 16:20 часот поради врнежи од снег се воведува забрана за сообраќај за тешки товарни возила на патниот правец Битола – Ресен преку планинскиот превој Ѓавато.
Од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.