Македонија
СДСМ: ВМРО-ДПМНЕ и Мицкоски си поигруваат со чувствата на граѓаните
ВМРО-ДПМНЕ и Мицкоски приземно и неодговорно си поигруваат со чувствата на граѓаните, реагира СДСМ по прес-конференцијата на Александар Нацев.
„Изживувањето со граѓаните, поигрувањето со нивните судбини, попречувањето на правдата и злоупотребите на судските процеси беа главна одлика на 11-годишното криминално владеење на ВМРО ДПМНЕ, партија што и денес како опозиција продолжува со ниското и приземно ниво на злоупотреба на човечките трагедии. За ВМРО-ДПМНЕ, несфатливо е дека времето кога политиката се мешаше во судството, а процесите партиски се нарачуваа и монтираа, заврши со заминувањето на таа партија во опозиција. Затоа, ВМРО-ДПМНЕ очајнички, ниско и скандалозно се обидува да манипулира и си поигрува со чувствата на граѓаните“, смета СДСМ.
Партијата на власт, преку соопштението го кртикува и лидерот на ВМРО-ДПМНЕ, Христијан Мицкоски, за кого вели дека сè уште е заробен во погрешните политики на Никола Груевски.
„За случајот ‘Монструм’, како и за другите судски процеси, надлежни се единствено правосудните органи во Република Македонија. Сите материјали што ги поседуваше СДСМ, а кои произлегуваа од незаконското прислушување што со години го правела минатата власт предводена од ВМРО-ДПМНЕ, му се предадени на специјалното јавно обвинителство“, соопшти СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нормализиран сообраќајот од и кон Граничниот премин Блаце

Министерството за внатрешни работи ја известува јавноста дека вечерва е нормализиран сообраќајот на патниот правец Стенковец-ГП Блаце.
Граѓаните можат непречено да се движат во двата правци, а нормално функционира и граничниот премин Блаце, велат од МВР.
Македонија
(Видео) Повеќе од 45 тони вода исфрли полицискиот хеликоптер во гаснењето на пожарот во Чучер Сандево

Полициски хеликоптер Бел-412 денеска повторно се вклучи во гаснење на пожарот во општина Чучер Сандево, соопшти МВР.
„И покрај тешките услови за гаснење непристапен терен и непрегледност поради чад, полицискиот хрликоптер исфли над 45 тони вода во подршка на екипите на терен за ставање под контрола на истиот“.
Македонија
(Видео) Сè уште активен и надвор од контрола пожарот кај Чучер Сандево, со интервенција од воздух ќе се продолжи во утринските часови

Пожарот кој е активен на територија на Чучер Сандево и покрај интервенциите од воздух, за жал сè уште е надвор од контрола, информираат од ЦУК.
Во текот на денешниот ден, на терен, како што појаснуваат надлежните, интервенирале сите расположливи сили и средства — општински служби, физички и правни лица, како и екипи од БППЗ, ДЗС, МВР и ЦУК.
„Сите капацитети се ангажирани, но условите на теренот се исклучително тешки.
Голема е вознемиреноста кај населението, бидејќи чадот се проширува низ целата општина и селата Чучер, Мирковци, Глуво, Бразда, сè до Бутел. Истовремено, регистриран е и нов пожар во атарот на село Кучевиште, кој зафаќа голема површина и се наоѓа во близина на куќи“, според објавеното на социјалните мрежи.
Во раните утрински часови, како што појаснуваат, беше пружена воздухопловна поддршка со три летала, а попладнето со уште еден воздухоплов.
Поради временските услови, се очекува пожарот во текот на ноќта делумно да се стиши, што би овозможило поефикасно дејствување на теренот утре.
За утре е планирано акциите да започнат уште во 5:00 часот, со ангажирање на сите институционални и општински сили на целата зафатена површина, со поддршка од два воздухоплова на МВР. Во вечерните часови, екипите ќе останат на терен и ќе интервенираат согласно приоритетите и потребите, соопштија надлежните.