Македонија
СДСМ: ВМРО-ДПМНЕ нема кредибилитет да зборува, улогата на полицијата суштински зајакна
ВМРО-ДПМНЕ, партијата што 11 години го партизираше и злоупотребуваше Министерството за внатрешни работи, вршеше притисоци врз вработените во МВР, денес нема никаков кредибилитет да зборува за работата на полицијата, реагира СДСМ по прес-конференцијата на Орце Ѓорѓиевски, член на Извршниот комитет на ВМРО-ДПМНЕ.
„Започнатиот процес на ослободување и реформа на институциите резултира со темелно департизирање на МВР, негова професионализација, зголемена ефикасност и постапување во интерес на законите и граѓаните. Министерството за внатрешни активно работи на расветлување на сите случаи и транспарентно ја известува јавноста за постапувањата“, се вели во соопштението на СДСМ.
Партијата понатаму додава дека недостиг на гориво, униформи, опрема и руинирани полициски станици биле одлика на расипничкото и криминално владеење на ВМРО-ДПМНЕ, а за разлика од таквиот однос кон полицијата, денес системски и посветено се работи на подобрување на условите за работа на вработените во МВР. За таа цел, се градат нови и се реновираат постоечките полициски станици, се набавуваат униформи и соодветна опрема, нешто што, како што велат, не било направено цела деценија за време на владењето на ВМРО-ДПМНЕ.
СДСМ додава дека суштински зајакна и улога на полицијата во општеството, потсетувајќи на воведувањето на позорникарската служба или маалскиот полицаец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.