„По 17 години чекање, нашата држава ги започна преговорите со ЕУ и има историска шанса за брз напредок во евроинтеграциите.

Потребно е да го продолжиме европскиот пат и да реализираме уште една стратешка цел.

Откако скрининг процесот што се води на официјален македонски јазик, наскоро ќе заврши, ќе следува и отворање на првите поглавја во преговорите со ЕУ.

За тоа се неопходни потребните структурни реформи што започнуваат со уставните измени.

Одговорност на сите 120 пратеници, но и на сите политички субјекти, вклучително и на Христијан Мицкоски е да дадат придонес во овој важен државнички процес.

Изборот е јасен: Или напредок и интеграција во ЕУ или стагнација и изолација во прорускиот блок.

Но Мицкоски бега и не носи одлука дали е за ЕУ или е за останување под заложништво на проруската Левица.

Доста беа врти – сучи изјави на Мицкоски, тој мора да излезе пред граѓаните и јасно да каже: Дали е за ЕУ или е за Левица.

Денес, откако по 17 години чекање конечно ги почнавме преговорите со ЕУ, откако ги надминавме сите пречки, не смееме да дозволиме самите себеси да си го блокираме патот кон Европската Унија.

Членството во ЕУ е национална стратешка цел и обврска и одговорност на сите политички субјекти е остварување на таа цел“.

Соопштение на СДСМ