Македонија
СДСМ и ЦДУ потпишаа меморандум за соработка

Денес во просториите на Социјалдемократскиот сојуз на Македонија, претседателот на СДСМ, Димитар Ковачевски, потпиша меморандум за соработка со претседателот на Централна Демократска Унија, Рикардо Сали.
Со потпишувањето на меморандумот за соработка, како што беше посочено, СДСМ и ЦДУ заеднички ќе работат на креирање политики и спроведување мерки кои се од интерес на граѓаните и исполнување на стратешката цел – членството на Северна Македонија во ЕУ.
Воедно, со потпишувањето на меморандумот, со кој се проширува соработката со сите општествени и политички чинители, а во насока на продолжувањето на активностите кои означуваат обезбедување европска иднина за граѓаните, се потврдува соработката помеѓу СДСМ и ЦДУ која има за цел обезбедување на европски стандарди и креирање и спроведување одржливи јавни политики со кои ќе се обезбеди просперитет за граѓаните и државата.
СДСМ и Коалицијата за европска Македонија се залагаат и активно придонесуваат кон развиена и европска држава. Европскиот пат е единствениот пат кој може да донесе промена во Северна Македонија и да ја претвори надежта во реалност, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.