Македонија
СДСМ: Лекарите добиваат рекордно покачување на платите до 40 отсто
По постигнатиот договор за покачување на платите за здравствените работници од февруари в година, Социјалдемократскиот сојуз на Македонија оценува дека се работи за рекордно покачување со кое се враќа достоинството на вработените во здравството.
По постигнатиот договор, платите на лекарите специјалисти се зголемуваат 25 отсто, а на медицинските сестри 10 проценти.
„Кумулативно заедно со сите други зголемувања од 2018 наваму, основната плата на лекарот специјалист ја зголемивме 40 проценти, а на медицинските сестри помеѓу 20 и 23 проценти“, велат од СДСМ и додаваат дека платата на лекар специјалист наставник или обичен специјалист во Клиничкиот центар на Хируршките клиники и на Интерните клиники со новото покачување ќе достигне, а на некои и ќе надмине 100.000 денари.
Просекот на платата на лекар специјалист во општите болници ќе биде помеѓу 85 и 88.000 денари, заедно со дежурствата и во согласност со бројот на дежурствата може многу лесно да достигне и до 100.000 денари, велат од СДСМ.
Во текот на следната година, додаваат од партијата, предмет на дискусија ќе биде зголемување на болничко-техничкиот персонал и администрацијата што работи во здравството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево со мала до умерена локална облачност
Сончево со мала до умерена локална облачност. Ќе дува слаб до умерен ветер претежно од северозападен правец. Минималната температура ќе биде во интервал од 8 до 16, а максималната ќе достигне од 19 до 27 степени.
Во Скопје сончево со мала до умерена локална облачност. Ќе дува слаб до умерен ветер од северозападен правец. Минималната температура ќе се спушти до 8, а максималната ќе достигне до 25 степени.
Следува период на стабилно време со пораст на дневната температура, освен во среда кога се очекува локален повремено пороен дожд со појава на ретки грмежи. Утринските температури ќе бидат пониски на почетокот на неделата, а потоа и тие постепено ќе се покачуваат.
Скопје
Посебен режим на сообраќај денеска во Скопје
СВР Скопје ги известува граѓаните на Скопје дека денеска поради официјална посета на претседателот на Владата на Република Србија, Милош Вучевиќ, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.
СВР Скопје апелира до граѓаните да ги почитуваат наредбите што ги издаваат полициските службеници.
Скопје
Три скопски општини денеска без стурја
ЕВН Македонија АД известуваат дека денеска без електрична енергија ќе останат:
– во периодот од 07.30 до 14.30 часот, корисниците од селата Дељадровци, Миладиновци и Текија, како и корисниците приклучени на приватните трафостаници Макпетрол – Миладиновци – Плинара, ЖТП Миладиновци – Рампа и Патарина Миладиновци. (општина Илинден)
– во периодот од 08.20 до 11.20 часот, корисниците од улиците Карл Либнехт и Модест Мусогорски, објектот на детската градинка Детелинка, како и дел од корисниците од улиците Карл Хрон и Темко Попов. (општина Гази Баба)
– во периодот од 09.00 до 11.00 часот, дел од корисниците од ул. Милан Марковиќ.(општина Карпош)
– во периодот од 11.30 до 13.00 часот, дел од корисниците од ул. Гаврил Лесновски. (општина Карпош)
– во периодот од 11.40 до 14.20 часот, корисниците од улиците Карл Либнехт, Анри Барбис и Темко Попов, како и дел од корисниците од ул. Благоја Стевковски. (општина Гази Баба)