Македонија
СДСМ: Мицкоски не се извини за театарот пред болницата „8-ми Септември“

Христијан Мицкоски не им се извини на граѓаните за тоа што ги лажеше, не им се извини за театарот пред болницата 8-ми септември, велат од Социјалдемократскиот сојуз на Македонија, преку соопштение.
СДСМ е децидно дека со тоа Мицкоски потврдил оти не ги почитува граѓаните.
„Граѓаните го гледаат и го ценат ваквото неодговороно и несериозно однесување на Мицкоски. Насилничките сценарија и лажните вести се единствените политики на нервозниот Христијан Хидро Мицкоски. Мицкоски се демантираше самиот себе си за неколку секунди. Прво рече дека никој од болницата не дошол да им соопшти за состојбата, а само за неколку секунди самиот призна дека не е точно“, смета СДСМ.
Обидот на Мицкоски и Груевски, додава владејачката партија, преку насилничко сценарио да го дефокусираат вниманието на јавноста вмешаност на врвот на ВМРО-ДПМНЕ во крвававиот 27 април како главни осомничени за организирање на насилствата, не успеа.
„Секаков вид на насилство ќе биде санкционирано. Одговорност за организаторите, нарачателите и извршителите на насилството од 27 април мора да има“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Променливо облачно и студено со повремени врнежи од дожд, на некои од повисоките места дожд и снег

Променливо облачно и студено со повремени врнежи од дожд, на некои од повисоките места од дожд и снег, а на планините повремен снег. Ќе дува умерен до засилен северен ветер. Минималната температура ќе се движи во интервал од 2 до 7 степени, а максималната ќе биде во интервал од 4 до 11 степен.
Во Скопје, облачно и студено со врнежи од дожд, а на повисоките места од котлината со повремени врнежи од дожд и снег. Ќе дува засилен ветер од северен правец. Минималната температура ќе се спушти со 3, а максималната ќе достигне 7 степени.
Времето во наредните денови
Под влијание на циклонска активност нашата држава е зафатена од студен бран кој доаѓа од северните делови на континентот. Вкупно од овој бран се очекува на повеќе места да наврнат над 50 l/m² дожд. Денес на планините врнежите ќе преминуваат во снег, при што ќе се формира значителна снежна покривка. Поради натамошно спуштање на студен воздух, ќе има услови врнежите од дожд да преминуваат во снег и на некои од повисоките населени места. За време на викендот времето ќе биде стабилно со ниска утринска температура, а дневната ќе биде во благ пораст.
Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.