Македонија
СДСМ: Советниците на ВМРО-ДПМНЕ самите си ги блокираат проектите што заедно со Арсовска ги ветуваа
![](https://makfax.com.mk/wp-content/uploads/2017/12/jsp-2.jpg)
Се случува тотален хаос со јавниот превоз во Скопје, ВМРО-ДПМНЕ го доведе ЈСП во катастрофална состојба, вели СДСМ преку соопштение.
„Автобусите доцнат а често и воопшто ги нема, по топлото време граѓаните со часови губат време и не можат навреме да стигнат никаде.
Во преполни автобуси луѓе колабираат, интервенира брзата помош, а возењето со распаднатите кинески автобуси е ризично и небезбедно. Секој ден има немили настани.
ВМРО-ДПМНЕ со години не набавува нови автобуси, само заради теснопартиски интереси.
Откако им пропаднаа зделките со Арсовска, ВМРО-ДПМНЕ буквално ги малтретираат скопјани.
Во Советот на Град Скопје токму советниците на ВМРО-ДПМНЕ ја блокираат работата на градот, сами ги блокираат проектите кои заедно со Арсовска ги ветуваа, како набавка на нови автобуси.
После катастрофата којашто му се случи на Скопје со Коце Трајановски, Скопје 2014 и набавката на кинеските автобуси кои се распаѓаат, сега ВМРО-ДПМНЕ приредува нова катастрофа.
Со блокади ВМРО-ДПМНЕ сака да го уништи ЈСП на кое му фалат 50 автобуси само за да функционира.
Цената за ваквото однесување на ВМРО-ДПМНЕ секојдневно ја плаќаат граѓаните на Скопје“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Донации и награди за вработените за Денот на рударите од Рудник САСА
![](https://makfax.com.mk/wp-content/uploads/2024/08/FOTO_SASA-Vlez-vo-Industriski-komleks.jpg)
Рудникот САСА и оваа година со низа активности и донации го одбележува 28. Август – Денот на македонските рудари, како и двојниот празник на Македонска Каменица. Традиционално, секоја година, САСА ги наградува сите свои над 770 вработени со парични награди и пригодни подароци. Оваа година посебно признание му беше доделено на Александар Стоимиров кој е прогласен за најдобар рудар за 2024 година. Тој и уште 121 негови колеги, кои дале особен придонес за остварување на безбедно и стабилно производство во САСА, добија и дополнителни парични награди и признанија.
Во својата постојана заложба за благосостојба на заедницата, САСА за време на прославата најави и реализираше неколку донаторски проекти. Конкретно, рудникот го започна третиот дел од проектот наменет за подигнување на јавната свест и зајакнување на безбедноста во сообраќајот, кој САСА го спроведува во партнерство со Општина Македонска Каменица и Министерството за внатрешни работи.Оваа фаза опфаќа поставување на нови сообраќајни знаци, ознаки на пешачки премини и други технички решенија на неколку улици во Македонска Каменица, со цел да се подобри безбедноста на сите учесници во сообраќајот. Општината изработи соодветен технички план за проектот со кој се идентификуваат критичните области за подобрување на локалната сообраќајна инфраструктура. Дополнително, како дел од едукативната компонента на овој проект, што се одвива под мотото „Отвори очи и со памет! Во сообраќајот не си сам“, САСА ја поддржа дистрибуцијата на едукативни брошури за возачите од страна на отсекот за превенција при Секторот за внатрешни работи – Штип, во кои се нагласени најважните безбедносни правила и совети за поголема безбедност на сите учесници во сообраќајот.
Вториот донаторски проект кој во овој период се реализираше со поддршка од САСА е обновата на ентериерот на детската градинка во Македонка Каменица. Притоа, целосно е обновена просторијата наменета за најмалите во градинката, а набавени се и нови шкафчиња, гардеробери, масички, столчиња и друг потребен мебел, со што значително се унапредуваат условите за престој на децата.
Во своите тековни напори за промовирање на еколошката одржливост, рудникот САСА за празникот најави донација и на вендинг-машина за рециклирање на пластични шишиња и лименки. Вендингмашината ќе му биде донирана на општинското комунално претпријатие „Камена река“, кое треба да ја одреди локацијата каде ќе биде поставена. По неговото поставување, жителите и посетителите на Македонска Каменица ќе можат да ги одложуваат искористените пластични шишиња и лименки, а за возврат да добијат т.н. зелени поени кои ќе можат да се искористат за различни поволности. Слични машини веќе се поставени и работат на локацијата каде што се наоѓа рудникот.
Како дел од прославата на Денот на рударите, рудникот САСА го одбележа и официјалното пуштање во употреба на новиот апарат за дигитална радиографија во Здравствената станица во Македонска Каменица. Донираната опрема, вредна над 80.000 евра, е најсовремен медицински апарат којпретставува значаен напредок во медицинската технологија и овозможува прецизна рендгенска слика и дијагностика за подобрување на здравствените услуги во локалната заедница.
ПР
Македонија
Левица: Тони Коњановски учесник во најголемиот урбанистички криминал во историјата на Битола
![](https://makfax.com.mk/wp-content/uploads/2024/08/Тони-Коњановски.jpg)
На 43-тата Седница на Советот на Општина Битола, беше изгласан најголемиот криминал во историјата на Општина Битола, велат од Левица.
„Комисијата која била составена по избор на Тони Коњановски истата е против законски оформена со тоа што мнозинство во таа комисија имале надворешни соработници.
Истата таа комисија дозволи оттуѓување на општински имот без јавно наддавање во интерес на приватно лице.
Ваков преседан на Локалната самоуправа и Советот на Општина Битола, во иднина ќе создаде насилно приватизирање на општинскиот имот. И истиот треба да биде казнет“, потенцираат од Левица.
Левица го повикува Јавното Обвинителство да оформи предмет за овој настан и да отвори истрага за истиот.
Македонија
Тошковски на трибина за унапредување на правата на полициските службеници и можна злоупотреба и губење на истите
![](https://makfax.com.mk/wp-content/uploads/2024/08/1-21-1.jpg)
Министерот за внатрешни работи Панче Тошковски денеска во Центарот за обука на МВР, во организација на Македонскиот полициски синдикат учествуваше на трибина „Злоупотреба-закана за губење на права“ каде заедно синдикатите, раководството на МВР и полициските службеници разговараа на тема за унапредување на правата на полициските службеници дефинирани во колективниот договор, но и губење на истите при нивна злоупотреба.
Дел од дискусијата беше посветен на забележаната појава на злоупотреба на привремената спреченост за работа поради болест, која според министерот мора да се пресретне со дефинирање на точните услови за користење на истото.
„Утврдување на точен процент на надоместок при користење на надоместок за привремената спреченост за работа поради болест, кој што ќе ги мотивира полициските службеници да одат на работа. Треба да дефинираме обврска во рамки на законската регулатива која што ќе не води кон професионалност во работењето на сите полициски службеници“, потенцираше Тошковски.
Тошковски зборуваше и за трошоците кои министерството ги плаќа по основ на судски постапки иницирани од страна на самите полициски службеници при ускратување на некое нивно право.
„Една од приоритетните работи кои што се обврзавме да ги направиме уште на стартот е да ги намалиме трошоците кои што министерството ги плаќа по основ на судски постапки и ветувам дека ќе го направам тоа. Се надевам дека до крај на мандатот ќе ги сведеме на минимум тужбите кои што се процесуирани од страна на полициските службеници спрема министерството.“, рече министерот Тошковски.
Тошковски зборуваше и за унапредување на правата на полициските службеници кои се планираат со новите измени на Законот за полиција и Законот за внатрешни работи и новата систематизација на министерството како воспоставување јасен систем за кариера, ефикасен систем на обуки, влегување на минималната плата во пресметка во платата на сите полициски службеници, планот за набавка на нови униформи, нови возила, опрема и унапредување на сите услови за работа во министерството со цел креирање на задоволни полициски службеници кои ќе ги унапредат услугите и безбедноста која им ја овозможуваат на своите граѓани.