Контакт

Македонија

Села: Основниот суд во Тетово донесе одлука дека јас сум претседател на Алијанса за Албанците

Објавено пред

Основниот суд во Тетово вчера донесе одлука со која Зијадин Села се легитимира како претседател на партијата Алијансата за Албанците.

dobivaj vesti na viber
dobivaj vesti na viber

„Основен суд Тетово Ве известува дека донесено е Решение под РПП.бр.1/24 од 01.04.2024 година, со кое Барањето за запишување на промена на претседател на политичка партиіа Алијанса за Албанците со седиште во Тетово и Барањето за промена на статусот на партијата се уважува, во судскиот регистар на Политички Партии под РПП.бр.1/24 што се води пред Основен суд Тетово, се запишува промена на претседателот, во иднина за претседател на партијата се именува Зијадин Села од с.Ливада-Струга, наместо досегашниот претседател на партијата Арбен Таравари од Гостивар“, велат од Основен суд Тетово.

Села денес на прес-конференција, објави дека одлуката е многу важна бидејќи веќе е јасно кој е претставник на Алијансата за Албанците.

Коментирајќи ги изјавите на претставниците на Алијансата за Албанците од крилото на Арбен Таравари дека ќе ја обжалат одлуката на судот, Села нагласи дека секој има право да ја обжали одлуката.

„Негово право е да обжали одлука на суд. Такво право има секој делегат на конгресот и секој член на партијата и мислам дека тој не само сега, туку требаше да биде претпазлив да не го злоупотреби печатот на партијата и неговиот потпис уште кога имаше одлука на конгрес, а тоа право постои од правен аспект. Јас на никој не можам да му го скратам, а од друга страна за жал тој не го искористи правото неговите ставови да ги каже и на Централното претседателство, а и на конгресот каде што беше повикан и каде што му беше местото. Ама по се изгледа веќе и по изјавите што доаѓаат од нивна страна тој е виден дел од хајката против Алијансата за Албанците уште од јуни 2023 според изјава на неговиот коалиционен партнер Изет Меџити, кој го соопшти кога отвораа штаб во Струга, дека тој процес почна од јуни 2023 година и според негова изјава рече дека првата цел е постигната. Од формален правен аспект Алијанса за Албанците припаѓа на членството на партијата, а претседател на Алијанса за Албанците сум јас“,рече тој.

Претходно крилото на Села се приклучи во коалицја со ДУИ, за настап на претстојните праламнетрани избори.

Од крилото на Арбен Таравари денеска рекоа дека тројца судии се смениле пред донесување на оваа одлука.

Правниот застапник Абидин Абдули посочи дека одлуката на Судот не е конечна и дека во зададениот рок, кој изнесува 15 денови, ќе се поднесе жалба на изречената пресуда до Апелациониот суд во Гостивар, како и дека ќе ги разгледаат и сите можности за кривична и процедурална одговорност на претседателот на Судот и на судечкиот судија.

Македонија

Регионална конференција на ХЕРА: Младите имаат решенија за предизвиците со кои се соочуваат само треба да се слушнати

Објавено пред

„Заедно водиме: Младите се сила на Балканот“ е темата регионалната конференција која денеска ги собра младите од Западен Балкан во Скопје. Целта е младите од регионот да се обединат, да ги идентификуваат заедничките предизвици и да се залагаат за инклузивен дијалог кој ќе им овозможи активно учество во донесувањето на важни одлуки.

dobivaj vesti na viber
dobivaj vesti na viber

Ѓерѓ Мура, извршен директор на Фондот за Западен Балкан, во воведното обраќање изјави дека регионалната соработка е клучот за просперитетна иднина на Западниот Балкан.

„Без разлика на секторот, било да се работи за спорт, култура или како, образование и младинското вклучување, нашиот напредок зависи од единството, разбирањето и заедничките можности. Во овој контекст, младите имаат клучна улога“, рече Мура.

Даворин Трпески, Декан на Природно-математички факултет во поздравното обраќање истакна дека е радосен што конференција за млади од ваков ранг се случува на овој факултет.

„Се обидуваме во нашето опкружување да ја наметнеме премисата дека вложувањето во младите е инвестиција за државата и затоа доколку се поддржуваме во нашите намери можеме да ги направиме нашите земји поубави и попријатни места за нашите млади да останат тука “, рече Трпески.

Државниотт секретар во Министерството за здравство – Бесим Мемеди изјави дека младите лекари се главна движечка сила на здравствениот систем. Заложба на Министерството за здравство е да овозможиме што е можно поповолни услови за развој на младите лекари и соодветно вреднување на нивниот труд. Покрај зголемувањето на платите кои се значаен чекор за мотивација младите доктори да останат во државата, Министерството за здравство веќе активно работи и на процесот на вработување 300 + 300 млади специјализанти.

„Со овие чекори ја јакнеме здравствената заштита и испраќаме силна порака дека младите лекари се наш приоритет и иднината на здравствениот систем“, рече Мемеди.

На првата пленарна сесија беше истакнато дека во време на важни регионални политички и социјални промени, младите на Балканот активно учествуваат во процесите на создавање на подобра иднина.

Драгана Стојановиќ, извршна директорка на Центарот за граѓански политики и одржлив развој (ЦППОР), истакна дека во Србија се случува историски момент, бидејќи студентите ја водат најголемата демонстрација во регионот од 1968 година.

„Младите во Србија, и покрај насилството и репресијата од властите, не подлегнуваат на заплашувања и продолжуваат да се борат за својата иднина. Ова не е само политичко прашање, туку егзистенцијално”, изјави Стојановиќ.

Филип Ивковски, претседател на Националниот младински совет на Македонија (НМСМ) рече дема треба да сме свесни дека голем дел од предизвиците со кои се соочуваат младите, како што се миграциите, младинскиот стандард, вработувањето, образованието и така натаму, се всушност предизвици на кои самите млади може да понудат решенија, само треба да им се даде можност да бидат слушнати.

Савче Ѓошева, студентска правобранителка, рече дека квалитетот во високото образование останува конзистентна приказна на чиешто подобрување треба да се работи.

„Било кој студент да прашате, ќе ви посочи дека проблемите не се малку на број, но она што е најважно е дека се` уште сме далеку од бесплатно високо образование и модерен пристап кон наставата, став кој го делат сите студентски организации. Потребен ни е национален консензус и силна волја од општествените актери за да се случи ваква реформа“, рече Ѓошева.

Стојан Пандов, член на Унијата на млади сили на ВМРО-ДПМНЕ, рече дека Владата е посветена на создавање подобри услови за младите преку модернизација на образованието, поттикнување на претприемачкиот дух и создавање нови можности за вработување.

Стефанија Кузмановска, Потпретседателка на Социјалдемократска младина на Македонија рече дека во свет на брзи промени, соочени со дострелите на науката и технолошкиот напредок, идниот интелектуален капацитет треба да се подготвува преку образование кое ќе овозможи научна извонредност и вредносна ориентација.

Конференцијата низ пет работилници се фокусираше на клучни области како што се образованието, здравството, вработувањето, културата и климатските промени.

Марија Ѓорѓиевска од Програмска асистентка во ХЕРА, рече дека достапно, доверливо и квалитетно здравство е клучно за јакнење на младите. Потребна е посебна превентивна програма за млади. Новите здравствени предизвици не се препознаеини.

Вероника Гијовска членка на Студентското собрание, при Природно-математички факултет, како млад истражувач посочи дека младите се свесни за климатските промени, но не се доволно запознаени со главните предизвикувачи и политиките кои ги регулираат.

На работилницата посветена на културата беше истакнато дека културата е моќен инструмент преку кој младите можат да ги изразат своите идеи и да се борат за промени. „Преку уметноста, ние им даваме можност на младите да се ангажираат и да бидат

активни во создавањето на подобро општество“, изјави Даниела Кортоци од Министерството за култура на Албанија.

Евгенија Јанакиевска од Институт Прогрес, рече дека младите заслужуваат фер можности, достоинствени плати и работни места кои ќе им овозможат да го достигнат својот целосен потенцијал.

На крајот од конференцијата е предвидено усвојување на Декларација која ќе служи како важна алатка за креаторите на политики и лидерите на граѓанското општество да работат заедно со младите.

Конференцијата е дел од регионалниот проект „Зајакнување на младите за демократска и одржлива иднина на Западен Балкан,“ поддржан од Фондот за Западен Балкан, а имплементиран од ХЕРА – Асоцијација за здравствена едукација и истражување – Северна Македонија, Центарот за популациски политики и одржлив развој – IPPF Србија, Организација за унапредување на квалитетот на образованието (ОРКА) – Косово и Граѓанска отпорност – Албанија.

Прикажи повеќе...

Македонија

Ѓорѓиевски: ​Ретките болести не смее да значат невидливост

Објавено пред

Претседателот на ЗЕЛС и градоначалник на Кисела Вода, Орце Ѓорѓиевски, денес беше дел од одбележувањето на Меѓународниот ден на ретките болести, во организација на Националната алијанса за ретки олести на Република Македонија. На настанот присуствуваа и директорот на Фондот за здравствено осигурување, Сашо Клековски, заменик-министерот за здравство, Јовица Андовски, претседателот на Комисијата за ретки болести, д-р Злате Стојановски, како и претседателката на Националната алијанса за ретки болести, Наташа Ангелковска.

dobivaj vesti na viber
dobivaj vesti na viber

„Денес, 28 февруари, се приклучуваме кон глобалната иницијатива за подигнување на свеста за лицата со ретки болести. Ова не е само симболичен ден, туку и потсетник на нашата заедничка одговорност да градиме инклузивно општество во кое секој има еднакви можности и пристап до потребната грижа.

Како градоначалник на општина Кисела Вода и претседател на ЗЕЛС сакам да изразам длабока почит кон сите семејства, медицински професионалци и здруженија, кои секојдневно се борат за подобри услови за живеење и пристап до здравствени услуги за овие лица. Нивната посветеност е клучна за создавање поголемо разбирање и прифаќање во општеството. Ние сме свесни за тоа колку е важно да се создадат политики што ќе ги подобрат условите за живеење на лицата со ретки болести, како и да се обезбеди пристап до неопходни лекови, терапии и поддршка. Преку нашите иницијативи и во соработка со други институции и здруженија, ќе продолжиме да работиме на зајакнување на правата на овие лица и да им обезбедиме пристап до сите услуги што им се потребни за достоинствен живот.

Во насока на поддршка, Општина Кисела Вода веќе трета година обезбедува канцелариски простории за здруженијата што се посветени на лицата со ретки болести. Овие простории, сместени во рамките на општинските објекти, овозможуваат полесен пристап до поддршка и директна соработка со институциите.

Ретките болести не смее да бидат невидливи. Да останеме солидарни и посветени на создавање општество што прифаќа, поддржува и обезбедува достоинствен живот за секого“, истакна претседателот на ЗЕЛС, Ѓорѓиевски,

Прикажи повеќе...

Македонија

СДСМ: Елена Петрова брутално ја лаже јавноста, повратот на ДДВ доцни и до четири месеци

Објавено пред

СДСМ оценува дека Елена Петрова брутално и без трошка осет за одговорност ја лаже јавноста за повратот на ДДВ.

dobivaj vesti na viber
dobivaj vesti na viber

Доволно е, како што велат од партијата на Филипче, да поразговарате со компаниите и менаџерите за да ја слушнете вистината – повратот на ДДВ доцни постојано.

Оваа пракса на задоцнето ДДВ, според нив, не е непозната за ВМРО-ДПМНЕ тие така владееја во време на режимот, така владеат и сега.

„Нема никаква промена и главната цел е притисок врз компаниите и задржување на средства кои нив им се потребни за работење.

СДСМ повеќе пати апелираше дека ова е голем проблем и до нас стигаат секојдневни поплаки од компаниите. Наместо да го решат проблемот и УЈП да биде вистински партнер на бизнисот, тие мислат дека преку лаги може да го покријат својот неуспех и погрешни стратегии“, наведуваат од СДСМ.

Прикажи повеќе...

Најново

Економија6 минути

Казни од 500 до 10.000 евра, па и затворање на маркетите: Дурмиши најави контрола на над 1.000 трговски објекти

Министерот за економија и труд, Бесар Дурмиши денеска одржа прес-конференција на која информираше за мерките кои ги донесе министерството за...

Македонија1 час

Место на шалтер, уверение за остварен доход отсега се вади електронски, автоматскиот систем ќе замени 29 службеници во УЈП

Граѓаните што имаат потреба од уверение за остварен приход, за да го извадат документот, повеќе не мора да одат на...

Македонија2 часа

Кочоска да си даде оставка, министерка која понижува граѓанка не заслужува да води министерство, бара СДСМ

Пратеничката група на Социјалдемократскиот сојуз на Македонија и коалицијата, на денешената прес-конференција пред Министерството за финансии, побараа оставка од министреката...

Македонија2 часа

Петрушевски: Сокол од затворот во Шуто Оризари направил хотел, СДСМ да го осуди и исклучи од партијата

Пратеникот од ВМРО-ДПМНЕ, Бране Петрушевски го повика Социјалдемократскиот сојуз да го осуди и исклучи од Централниот Одбор на партијата, Филип...

Македонија3 часа

Вработените во Македонската филхармонија најавуваат нов протест

Вработените во Македонската филхармонија во понеделник со почеток во 13 часот ќе одржат нов протест пред Министерството за култура и...

Македонија3 часа

„ДУИ прави терен за бојкот на локалните избори“, велат од „Влен“

„За да избегне програмска и кадровска реформа, на ДУИ очајно му треба политичка криза. Затоа веќе подолг временски период креираат...

Свет4 часа

Зеленски пристигна во Вашингтон, ќе потпише клучен договор

Украинскиот претседател Володимир Зеленски пристигна во Вашингтон, каде што се очекува да потпише важен договор за минерали со американскиот претседател...

Македонија5 часа

Мицкоски патува во Турција, ќе се сретне со Ердоган

Денеска претседателот на Владата на Република Северна Македонија, Христијан Мицкоски патува во посета на Република Турција. Претседателот на Владата ќе...

Топ5 часа

Кривична против директорот на Центарот за култура „Григор Прличев“ во Охрид за злоупотреба на службената положба

СВР Охрид поднесе кривична пријава против Г. С. (48), директор на Националната установа Центар за култура „Григор Прличев“ во Охрид,...

Свет5 часа

Израел првпат призна сериозни воени неуспеси на денот кога Хамас изврши масакр

Израелската војска го објави првиот официјален извештај за грешките што доведоа до неуспех за време на нападот на Хамас на...

Свет8 часа

Објавени документите за Епстејн; Обвинителката: Има илјадници, ФБИ не ги испрати

Јавниот обвинител Пем Бонди објави документи за Џефри Епстејн. Како што претходно беше најавено, во документите нема нови информации или...

Свет8 часа

Ким Џонг-ун нареди целосна подготвеност за користење на капацитетите за нуклеарни напади

Севернокорејскиот лидер Ким Џонг Ун нареди целосна подготвеност за користење на капацитетите за нуклеарни напади, објавија денеска државните медиуми. Џонг...

Македонија19 часа

Кривична пријава за 10 лица: Поранешен директор и затворски полицајци обвинети за бегство на осудени лица

На 24.02.2025 Одделот за сузбивање на организиран и сериозен криминал поднесе кривична пријава до ОЈО за ГОКК против десет лица...

Македонија21 час

Јас имам два сина и знам колку троши 4-члено семејство: Димитриеска-Кочоска со навреди до Петровска

Министерката за финансии, Гордана Димитриеска-Кочоска, денеска ја навреди пратеничката од СДСМ, Славјанка Петровска, велејќи дека нема право да зборува за...

Македонија23 часа

Мицкоски: Коцевски доби шанса, но освен внатрешни пресметки во Обвинителството и браник на минатата власт, друго не видовме

Претседателот на Владата, Христијан Мицкоски на денешната собраниска седница за пратеничка прашања истакна дека на јавниот обвинител Љупчо Коцевски му...

Македонија1 ден

„Во Стоматолошката комора владее целосен тоталитаризам и самоволие“: Стоматолозите бараат оставка од Денковски

Стоматолозите се загрижени за актуелните случувања во Стоматолошката комора на Македонија под водство на Маријан Денковски. Неговите одлуки и политики,...

Македонија1 ден

Трајановски не може да даде оставка оти е разрешен пред три месеци, велат од Град Скопје

Александар Трајановски не ја извршува функцијата заменик-градоначалник на град Скопје повеќе од три месеци, тврди Град Скопје. Оттука, како што...

Македонија1 ден

МНР: Амбасадорите се известени, Сиљановска ќе го потпише указот за нивното отповикување

Министерството за надворешни работи ја појасни постапката за отповикување на амбасадорите. Од тука информираа дека се во редовна и континуирана комуникација...

Македонија1 ден

Наредено уништување на 1.980 килограми небезбедно замрзнато пилешко месо од Полска

Официјални ветеринари на Агенцијата за храна и ветеринарство (АХВ), вчера, по спроведниот вонреден инспекциски надзор, наредија нештетно уништување на 1.980...

Македонија1 ден

Отповикани осум амбасадори, кои беа назначени од Стево Пендаровски

Повлечени се осум амбасадори, кои беа назначени од поранешниот претседател на државата, Стево Пендаровски. Отповикани се амбасадорите Мето Белески –...