Македонија
Се предлага итна набавка и замена на неисправните и застарени PM-инструменти во мерните станици

Владата и Министерството за животна средина во наредниот период ќе преземат низа препораки и мерки за подобрување на квалитетот на воздухот. Заменик-министерот за животна средина, Јани Макрадули, на соијалната мрежа ,,Фејсбук“ информира дека на 23 август 2018 година се одржал состанок на интерсекторската работна група за следење на состојбата со квалитетот на амбиенталниот воздух и дефинирање соодветни препораки и мерки што треба да се преземат за подобрување на квалитетот на воздухот (ИРГ), на кој, по расправата, по предлог на членовите биле донесени неколку заклучоци.
„Владата да го задолжи Министерството за животна средина и просторно планирање да подготви план за итна набавка и замена на неисправните и застарени PM-инструменти во рамките на постојните мерни станици;
Владата да го задолжи Министерството за животна средина и просторно планирање за забрзувње на процесот за подготовка и доставување до Собранието на предлог-законот за индустриско загадување;
Се задолжува Министерството за животна средина и просторно планирање да организира состанок со градоначалникот на Гази Баба, каде што ќе се дискутира за проблемите со квалитетот на воздухот во општината;
Да се задолжи Министерството за животна средина и просторно планирање да направи соодветни измени во Законот за животната средина, во членот 154, каде што „план за вонредни состојби“ ќе се преименува во „планови за хаварии“;
Се задолжува Министерството за животна средина и просторно планирање да одговори на прашањата на „О2 коалицијата“ во временски рок од 15 дена од нивното доставување;
Се задолжува претседателот на ИРГ да достави во рок од 15 дена статус на реализација на задачите од 40. седница на Владата“, напиша Макрадули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Работиме на овозможување покачување на капитацијата за матичните лекари, рече Мицкоски

Владата работи на овозможување покачување на капитацијата за матичните лекари, што би се движела помеѓу 20 и 30 проценти, соопшти премиерот Христијан Мицкоски при денешната посета на тетовскиот регион.
Тој рече дека ги слуша реакциите од страна на матичните лекари и во моментот се работи на пријатно изненадување за нив.
„Очекувам дека веќе во следната недела ќе има добра вест за матичните лекари. Работиме на овозможување покачување на капитацијата за матичните лекари, што би се движела помеѓу 20 и 30 проценти. Оставете да ги направиме конечните пресметки, ќе излеземе многу скоро со информација што мислам дека ќе биде позитивна вест за матичните лекари“, одговори Мицкоски на новинарско прашање.
Македонија
Членовите на Постојаниот комитет на Парламентарното собрание на НАТО во посета на касарната “Илинден”

Членовите на Постојаниот комитет на Парламентарното собрание на НАТО кои се во неколкудневна посета на нашата земја, денеска заедно со министерот за одбрана Владо Мисајловски ја посетија касарната „Илинден“ во Скопје.
Делегацијата беше пречекана од началникот на Генералштабот на Армијата, генерал-мајор Сашко Лафчиски, генерали во Армијата, како и високи претставници на Министерството за одбрана и Армијата.
За време на посетата, членовите на ПК на НАТО, имаа можност да проследат неколку показни вежби на Армијата со кои се прикажа обученоста на припадниците на Армијата при изведување на комплексни сценарија. Во Домот на Армијата беа брифирани за развојот на македонската Армија и одбраната „Оваа годишнина служи како потсетување дека нашето место во Алијансата е резултат на повеќе децениски труд, а нашата иднина е изградена на принципите на колективна одбрана, солидарност и соработка“ истакна генералот Лафчиски.
Македонија
Мицкоски на увид во Тетово: Изграден е нов дел од булеварот Видое Смилевски- Бато

Премиерот Христијан Мицкоски и членови на Владата денес беа во увид во градежните активности на проектот „Изградба на булевар Видое Смилески Бато – I фаза“, на потегот од Фуштанска до село Порој, во Општина Тетово.
Мицкоски по тој повод изјави дека овој значаен инфраструктурен проект опфаќа изградба на коловоз, разделен појас, тротоари, како и комплетна подземна инсталација, фекална и атмосферска канализација, водовод и електрика.
Булеварот ќе биде долг 1.783 метри, а со првата фаза успешно се реализираат 650 метри.
Заклучи дека ова е уште еден чекор кон модерна, безбедна и урбано уредено Тетово, а Владата се грижи за граѓаните преку реализација на капитални проекти кои значат подобар живот, побезбедна инфраструктура и подобри услови за сите.