Македонија
Се’ уште се активни двата пожари кај Македонски Брод, гори и од Галичица кон Стење

Вчера, сабота, 10 август, имаше вкупно 42 пожари на отворен простор.
Од нив, во моментов 6 се активни, 5 се под контрола и 31 се изгаснати, објави Центарот за управување со кризи.
АКТИВНИ ПОЖАРИ: 6
1. Општина Македонски Брод 1: с.Тажево – с.Брезница – Јасен – Белица (борова шума);
2.Општина Охрид: Галичица се шири во правец на место викано Магаро кон Стење, Општина Ресен (нискостеблеста вегетација);
3. Општина Новаци: с.Полог – с.Скочивир – с.Грумази – с.Сливница- Тапевци-Гнилеж (ниска вегетација);
4.Општина Македонски Брод 2: с.Слатина (мешана шума);
5. Општина Кичево: с.Патеец (борова и букова шума);
6.Општина Чашка: с.Ореше, с.Папрадиште (мешана шума);
ПОД КОНТРОЛА: 5
1. Општина Демир Хисар и Охрид: Илинска Планина, под контрола на подрачјето на двете општини (ниска вегетација, нискостеблеста шума и букова шума);
2. Општина Пласница: с.Пласница-с.Латово (нискостеблеста вегетација)
3. Општина Кичево: с-Бигор Доленци – с.Челопеци (мешана шума);
4. Општина Делчево: Депонија Делчево (депонија);
5. Општина Штип: м.в.Трештенска Скала (депонија);
ИЗГАСНАТИ: 31
1. Општина Струга 1 : с.Долна Белица – с.Октиси (ниска вегетација);
2. Општина Струга 2: с.Горно Татеши (бороа шума);
3.Општина Желино: с.Долна Лешница (сува трева и ниска шума);
4. Општина Гостивар: с.Чегране (нискостеблеста вегетација);
5. Општина Теарце: с.Теарце (сува трева во обработливо земјиште и гранки);
6.Општина Тетово: с.Шипковица према с.Бродец (депонија);
7.Општина Штип: Кај сокара АДА (ниска вегетација);
8.Општина Делчево: с.Ѕвегор (депонија);
9. Општина Струмица: Кај градски гробишта до с.Водча (сува трева);
10.Општина Гевгелија: с.Пирава (сува трева);
11. Општина Босилово 1: с.Петралици, с.Сарај (депонија);
12. Општина Босилово 2: с.Секирник (сува трева);
13.Општина Ново Село: с.Мокриево (ниска вегетација);
14. Општина Сарај: с.Ласкарци – с.Паничари (ниска вегетација);
15. Општина Ресен 1: с.Ѓавато (сува трева);
16. Општина Ресен 2: Кај гробиштата (сува трева);
17. Општина Прилеп: ул.Дабничка (сува трева);
18. Општина Битола 1: с.Кременица (сува трева);
19.Општина Битола 2: с.Велушина (сува трева);
20.Општина Долнени: с.Пешталево (ниска вегетација);
21. Општина Македонски Брод: Во градот Македонски Брод (сува трева);
22. Општина Свети Николе: с.Орел (депонија);
23. Општина Сарај 1: с.Глумово (ниска вегетација);
24. Општина Сарај 2: с.Бојане (ниска вегетација);
25. Општина Чучер-Сандево: Аеродром Стенковец (ниска вегетација);
26. Општина Гази Баба: ул.Перо Наков (ѓубриште);
27. Општина Бутел: нас.Визбегово (ниска вегетација);
28. Општина Студеничани: с.Долно Количани (ниска вегетација);
29. Општина Куманово 1: с.Брзак (ниска вегетација);
30. Општина Куманово 2: с.Речица (ниска вегетација);
31.Општина Куманово 3: с.Војник (ниска вегетација);
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пијан Турчин приведен во Охрид, со нож влегол во угостителски објект

Охрдиската полиција приведе пијан Турчин. Викал и непристојно се однесувал на улица, а потоа влегол во угостителски објект каде што полицијата забележала дека носи нож.
„На 27.06.2025 година во 07.50 часот, во угостителски објект лоциран на булеварот „Македонски просветители“ во Охрид, приведен е Г.А.(32) од Фалса, Република Турција. Тој претходно, во алкохолизирана состојба, го нарушил јавниот ред и мир со викање и непристојно однесување а потоа влегол во угостителскиот објект каде, при извршен преглед, полициските службеници, кај него забележаа и му одзедоа нож“, извети МВР.
Против него се поднесени пријави по Законот за оружје и Законот за прекршоци против јавниот ред и мир.
Македонија
Муцунски: Одлуките донесени во Хаг без водството на Трамп и САД, немаше да бидат можни

Министерот за надворешни работи и надворешна трговија, Тимчо Муцунски, на маргините на НАТО Самитот во Хаг, имаше интервју со етаблираниот американски тинк-тенк „Атлантик кансл“, соопштинија од Министерството. Во интервјуто говори за одлуките од Самитот, улогата на САД и претседателот Доналд Трамп во глобалната безбедност, како и за придонесот на Република Северна Македонија во Алијансата и одржувањето на регионалната и светската стабилност.
На прашањето околу НАТО Самитот, Муцунски кажа дека одлуките донесени во Хаг се „многу повеќе од успех“:
„Јас лично го нарекувам генерациски самит. Мислам дека одлуките што ги донесовме ќе имаат позитивни историски последици за идните генерации. Мислам дека беше клучно да се донесе одлука, особено за идните инвестиции потребни за членките и Алијансата“, рече Муцунски.
Тој посебно ја нагласи и важната улога на САД во донесувањето на овие одлуки.
„Сакам да нагласам дека без водството на администрацијата на Трамп и САД, никогаш не би ги донеле овие тешки одлуки. Значи, заслугата треба да оди таму каде што припаѓа. Но и одлично водство меѓу сојузниците, отвореност за дискусија и дебата, и фокус на тоа дека вложувањето во одбрана не е само за тврда одбрана, туку и за инвестиции во индустриската база, инфраструктурата, сајбер-отпорноста и слично. Затоа, повторно би го нарекол генерациски самит. Минатите беа историски, но одлуките овде се многу повеќе од историја. Станува збор за нашата иднина. Генерациски самит. Тоа е навистина моќно“, рече министерот Муцунски.
Заборуваше и за нашиот придонес како една од поновите земји членки на НАТО.
„Ние сме нација која сериозно го сфаќа членството во НАТО. И веќе планираме како да го достигнеме прагот од 5%. Покрај инвестирањето во армијата, за НАТО мисиите сме присутни од Балканот до Балтикот, со нашите храбри војници кои ја претставуваат нашата горда нација и придонесуваат за колективната безбедност. Американците треба да знаат дека македонските сојузници се со нив. Рамо до рамо – од Балканот до Балтикот. Тоа е добар начин да се каже“, рече министерот Муцунски.
„Атлантик кансл“ е американски тинк-тенк во областа на меѓународните односи, кој застапува атлантистички пристап и е основан во 1961 година. Управува со шеснаесет регионални центри и програмски единици кои се фокусираат на меѓународната безбедност и глобалниот економски просперитет.
Македонија
ДУИ укажува на дискриминација во МВР: Полицајци Албанци со 20 години искуство не уживаат право на унапредување

Демократската Унија за Интеграција изрази загриженост за јавните изјави на Независниот полициски синдикат, кои, според партијата, потврдуваат една горчлива реалност: систематската дискриминација на албанските полицајци и неможноста за нивен напредок во полициската хиерархија.
„Според претставници на Синдикатот, и покрај тоа што многу албански службеници имаат над 20 години работно искуство и ги исполнуваат сите професионални услови, тие не уживаат право на унапредување. Во населените места со албанско мнозинство, раководното претставување е изедначено со македонското, додека во средини каде што Албанците се малцинство, речиси и не постојат во раководните структури. Ова е јасен пример за прекршување на принципот на правична и соодветна застапеност и дополнителен доказ дека оваа влада дејствува на етничка основа, спротивно на Уставот, Охридскиот договор и европските стандарди за еднаквост и инклузивност.
ДУИ оценува дека оваа постојана дискриминација не само што го поткопува моралот и мотивацијата на албанскиот кадар во полицијата, туку сериозно ја нарушува и довербата на албанските граѓани во државните институции“, соопшти ДУИ.
Партијата упати апел на сите надлежни институции итно да ги истражат овие дискриминаторски практики и да преземат конкретни мерки за обезбедување еднаквост во унапредувањата, вработувањата и одлучувањето во рамките на Министерството за внатрешни работи и пошироко.