Македонија
Силниот ветер направи хаос во Скопје: паднати дрвја, оштетени возила, откачени лимови, искинати кабли од бандери

На Единствениот повикувачки број за итни случаи 112 во ЦУК добиени се повеќе пријави за штети и информации за опасности за граѓаните и околината, настанати од невремето во Скопје, што зафати дел од градот.
Настани поврзани со временската непогода која го зафати скопскиот регион:
Булевар Свети Климент Охридски, 66, Скопје (Пријава за паднато дрво врз жена на улицата, во близина на пекара Пастел);
Улица Скупи,бр.22, Скопје (Жици од висок напон, фрлаат искри поради невремето);
Улица Орце Николов, 132, Скопје (паднато дрво во близина на Вардар мебел кај Министерство за одбрана, оневозможен е сообраќајот);
Улица Партениј Зографски, 49, Скопје (паднато дрво врз бандера која паднала во двор);
Улица 51, 41B, Скопје (Добиена информација за паднати кабли од струја кои запалиле нискостеблеста шума трева и грмушки на улица 51 во место викано стопански двор(поег кон Галафарм);
Улица Орце Николов, 143, Скопје (откачен лим од зграда кој е ризичен да падне секој момент);
Улица Кеј Димитар Влахов, 19, Скопје (лимот на стара Комерцијална Банка е откачен и ќе удри или падне на ризично место сред улица);
Улица Борис Трајковски 18, Скопје (падната бандера се држи на кабли);
Булевар Мајка Тереза, Скопје (Паднато дрво кај кардиологија, нема материјални штети или повредени);
Улица Мајка Тереза, Скопје (паднато дрво врз „Форд Фокус“, поради невремето);
Улица Христо Татарчев 14, Skopje (паднато голево дрво од непознат вид врз бадера со кабли од струја ои искрат во моментот во населба Сопиште. Нема материјални штети во моментот.Нема повредени лица;
Булевар Јане Сандански, 52, Скопје (четири паднати дрвја поради невремето, локација Воен базен на патот према касарната);
Улица Јуриј Гагарин 4, Скопје, Козле (откачен лим од приватна куќа, постои опасност да падне и да повреди);
Булевар Видое Смилевски Бато, 30, Скопје (паднато дрво врз две возила и предизвикана материјална штета);
Булевар АСНОМ, 72, Скопје (Постои опасност да падне дрво од силниот ветер, се откорнува од земја);
Улица 12-та Македонска Бригада, Скопје (паднато дрво на улицата по која движат возила);
Булевар Видое Смилевски – Бато, Скопје (паднато дрво врз патничко моторно возило марка сузуки);
Улица 171, 2, Скопје (паднат кабел од невремето во уличката кај влез на паркинг на УКИМ.);
Улица Горноврановска, Скопје ( дрво закачено на бандера со кабли од струја и за кое постои опасност да падне врз гаража во близина. Во моментот нема регистрирани материјални штети или повредени лица);
Улица Душан Тасковиќ 42 Скопје (дрво липа е скршено и паднато врз друго дрво орев);
Локација: Амбуланта Колонија, Скопје (Пријава за скината жица од бандера која е падната во три двора на куќи);
Улица 4, 78, Ново Село, Скопје (падната гранка од дрво врз кабли од ЕВН);
Улица Мајка Тереза, 9, Скопје (паднат електричен кабел сред улица каде и е блокирано движењето во сообраќајот, локација после семафорите према Клиничкиот центар Мајка Тереза);
Улица Душан Тасковиќ, Скопје (паднато дрво, настанот е веќе пријавен);
Улица Жил Верн, Скопје (разлабавени три покрива на фабриката Славија);
Улица Горно Лисиче, 150, Скопје (бандера од ЕВН која е многу навалена и се плашат да не падне.);
Улица Париска, Скопје (паднато дрво каде е блокиран и третоарот, локација пред О.У Георги Димитров- ГУЦ);
Улица 1, 32, Скопје, Шуто Оризари ( прекин на електрична енергија);
Улица Тодор Чангов 52, 21, Скопје ( искрење на паднати кабли од бандера);
Улица Петре Георгиев, 69, Скопје ( Можност за пад на дрва); Булевар АСНОМ 2, Скопје (паднато дрво врз ограда);
Улица Васил Ѓоргов, 29A, Скопје (паднати дрвја и повлечени кабли од бандери на улицата) ;
Улица 3-та Македонска Бригада, Скопје (паднато дрво врз возило)
Улица 2 бр.68 а, Зелениково (скинати жици од ЕВН и поради тоа се без електрична енергија)
Улица Михаил и Ефтихиј, Скопје (можност за пад на дрво)
Улица Партениј Зографски, 46, Скопје (паднато дрво од приватен имот од дворот на пријавителот врз електричнит жици)
Булевар АСНОМ 8, Скопје (наведнато дрво (бор) со висина од 30 метри).
Улица 50-та Дивизија, 26, Скопје (паднато дрво врз друго дрво каде постои опасност да паднат во патеката каде се движат пешаци.)
Улица Анастас Коцарев, Скопје, Ѓорче Петров ( паднато дрво, орев, го попречува приодот на минувачите и возилата.)
Улица Јајце, 60, Скопје (бандера навалена во двор)
Од 112 добиена е пријава и за искинати кабли кои искрат од бандери кои се навалени кај ниските објекти во близина на бензинската станица на Макпетрол, извести ЦУК.
„Се наведува дека истите висат на околу 3 метри од земјата и преставуваат опасност по сообраќајот. Се наведува дека бандерите кои се во моментот навалени постои опасност да паднат со што дополнително се опасност по сите учесници во сообраќајот. Искинатите кабли се на улицата Црноризец Храбар, 34, во Скопје“, соопшти ЦУК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
МОН: Платите во училиштата од овој месец се зголемени за седум проценти и ќе продолжат да растат

Платите на наставниците и директорите во основното и средното образование од овој месец се зголемени за 7% и ова е второ зголемување во мандатот на актуелната Влада, откако претходно во октомври 2024 година беа зголемени за 5%. Повеќе никој не зема плата под минималната, како што беше тоа случај во минатото со техничкиот персонал, соопшти Министерството за образование и наука.
Реакција на МОН како што велат е поттикната од лагите кои денеска ги изнесе политичката партија Левица, за наводно енормно зголемување на платите на директорите на основните и средните училишта, споредбено со зголемувањето на платите на наставниот кадар.
„Платите на директорите и наставниците се зголемени во просек од околу 2500 до 3500 денари, во зависност од звањето, стажот и степенот на образование“.
Потсетуваат дека веќе е направен план за долгорочен раст на личните примања кои во период од 4 години ќе пораснат најмалку за 46% а најмногу до 60%, зависно од степенот на инфлација.
„Левица оспорува договор помеѓу социјални партнери, односно институција и синдикат и изразува непочитување кон нив, како и кон целата јавност со обидите за манипулација и собирање политички поени“, истакнуваат од МОН.
Македонија
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани

Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле заљубени, некои требаше да се заљубат, некои од нив имаа и сопруги и сопрузи и мали дечиња и штотуку родени дечиња. Кој сега ќе се радува на нив? Некои од децата не дочекаа полнолетство, некои не дочекаа матура, некои требаше да дипломираат и да станат академски граѓани кои ќе работат чесно како што ги учеле нивните семејства.
Не прашува ли некој нас како ги минуваме деновите, напиша на социјалните мрежи Јулија Златкова, мајка на момче кое загина во дискотеката „Пулс“ во Кочани.
„Какво е чувството да знаеш дека детето никогаш повеќе нема да се врати дома, да ги видиш неговите убави очи, неговата убава насмевка, да го слушнеш како се смее , да дочекаш уште еден Велигден со него. Еве ќе ви кажеме, живееме за да одиме на гробишта, да си помуабетиме со нашите деца, да им раскажеме колку тие фалат дома .
Ќе се навршат уште малку 40 дена, 40 црни денови без нашите сонца, без нашите анѓели чии кревети од тој ден останаа празни, а нашите срца и души засекогаш завиени во црнило.
Времето поминува, но правдата како што се чини нема изгледи дека ќе излезе на виделина.
Зарем немате ни малку човечност во вашите души?
Зарем толку сте ефтини што со пари се купувате?Ееееј вие убијци на нашите деца!
Зарем нашите невини деца требаше да ја платат цената на вашата алчност и корумпираност? Со нивните штотуку расцветани животи? Вие сте дно на дното! Никој од нас не растел дете да стане херој, туку да стане човек. Вие ги убивте нашите деца! Ееее убијци, многу од вас се исто толку виновни како и сопственикот на Пулс-монструм, почнувајќи од премиер, министри, разно- разни инспектори, па се до обичните полицајци, сите сте гледале, ама не сте виделе ништо! При очи сте биле слепи! Срамота! Бедни сте, ситни души кои за проклети пари на душа ќе ги носите нашите убиени и многу повредени деца! На душа. Само што вие душа немате.
Затоа Ви кажуваме, дека ние родителите и блиските на нашите починати чеда, ќе продолжиме да излегуваме и понатаму, секоја сабота и се надеваме дека на крај нема да останеме единствено само ние, доколку на нашите сограѓани им досади да не следат нас, кои ја бараме правдата за нашите убиени чеда. Но ќе продолжиме да излегуваме и да ги потсетуваме челниците на оваа скапана држава дека сме тука и до наш последен здив ќе ја бараме правдата за сите починати и повредените на 16.март , бидејќи ние си ги закопавме нашите деца поради нечии грешки, поради тоа што некој бил корумпиран, поради тоа што ја злоупотребил својата функција за пари, за корист за личен бенефит.
Правдата мора да излезе на виделина!
Нашите безгрешни деца мора да бидат осветени!
Ние родителите, нема да дозволиме виновниците да останат неказнети!!!!!!!!
Нашите деца ги нема повеќе, но можеби поради нашиот бунт кон овој трул државен систем ќе се смени нешто, па идните генерации ќе имаат побезбедна иднина од нашите деца.
Вечна Ви слава Ангели, утре наместо да кршиме јајца дома како секоја година претходно, ќе ви донесеме јајца на Вашите вечни почивалишта“, пишува Златкова.
Македонија
На Табановце се чека до половина час а на Богородица и Дојран до 15 минути

Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини Дојран и Богородица време на чекање за излез е 10 – 15 минути, а на граничниот премин Табановце времето на чекање за влез и излез од државата е 20 – 30 минути.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.