Македонија
Симболично отворен Малиот битолски Монмартр – без гости и без детски џагор

Како никогаш досега, плоштадот пред Малиот битолски Mонмартр во Старата битолска чаршија, остана без смеата и дружбата на децата учесници од целиот свет, на денот на отворањето 24 мај, на оваа, надалеку позната детска ликовна манифестација.
39-тото издание на Малиот битолски Монмартр се отвори скромно, без учесници, но со препознатливиот белег-музиката од Тоше и желбите, следното, јубилејно 40-то издание, да биде повторно полно со деца.
Градоначалничката на Општина Битола, Наташа Петровска, ја додели годинешната Гран-при награда на фестивалот, наменета за 17 годишната Мариа Дума од Букурешт,која наместо лично, му беше дадена на почесниот конзул на Романија во Битола, Александру Мамакис.
„По 39 пат го одбележуваме Малиот битолски Монмартр, манифестација која е исклучително значајна за нашиот град, манифестација која што ја отвора Битола кон светот, меѓутоа и светот го носи во Битола. Бројот на цртежи кои што пристигнаа годинава, покажува дека така било и во изминатите години. За жал, годинава ќе го немаме џагорот на децата низ нашите сокаци, меѓутоа она што го имаме се нивните насмевки, нивната душа и дел од нивните срца во нивните цртежи, за што им сме бескрајно благодарни. Во оваа прилика, сакам да се обратам и до чичко Коста, в’година ни доаѓаат 40 години од Малиот битолски Монмартр. Она што како град му го должиме е да го одбележиме достојно, величенствено, онака како што доликува и се надевам дека околностите нема да се како сегашните, за да можеме со една свечена манифестација да оставиме траг и белег на 40 годишнината која што наближува. Како град му должиме и во годините кои што следуваат, да ја негуваме оваа манифетација, затоа што е навистина траен белег за Битола и за битолчани“, рече градоначалничката Петровска.
Елена Хаџиантоновска, ќерката на Коста Хаџиантовски, идејниот творец на Малиот битолски Монмартр, кој годинава не беше дел од манифестацијата поради здравствени причини, истакна дека е жално што по прв пат од основањето пред 39 години, се одржува без детските ликовни творци.
„Битолските улици нема да бидат насликани, градот нема да биде преполн со деца и затоа на овој ден се доделува само Гран при наградата. Годинава пристигнаа над 15.000 творби од целиот свет. Од сите пристигнати, изложивме 717 најдобри цртежи“, рече Хаџиантоновска.
Почесниот конзул Акександру Мамакис, примајќи ја наградата Гран при, изрази голема благодарност до Малиот битолски Монмартр, а на градоначалничката Петровска и врачи монографија која што е работена со помош на амбасадата на Романија и почесниот конзулат во Битола, поврзана со влашкото население во Битола и во потпелистерските села.
Симболично, со вивнување на балоните кон небото, децата од Малиот битолски монмартр, заедно со градоначалничката, испратија желби за поубаво утре, со многу повеќе детски насмевки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Анеглов: Пожарот на Готен не може да загрози ниту едно село

На територијата на целата земја денеска има шест активни пожари, а најтешкиот и најспецифичен е пожарот на планината Готен, на тромеѓието помеѓу општините Василево, Берово и Радовиш. Директорот на Дирекцијата за заштита и спасување Стојанче Ангелов во попладневната изјава за медиумите потенцира дека и покрај специфичноста, пожарот не може да загрози ниту едно село.
– Денеска досега се забележани повеќе од 12 пожари на отворен простор. Од нив шест се активни, останатите се изгаснати. Од овие шест имаме неколку кои се исклучително тешки за гаснење. Најтешкиот, најспецифичниот пожар е пожарот кој се одвива на планината Готен, на тромеѓето помеѓу општините Василево, Берово и Радовиш. Овој пожар создаде одредена вознемиреност кај населението но, категорично тврдам дека не може да загрози ниту едно село. Од страната на Радовиш, пожарот полека се спушта, се движи споро, во зависност од насоката на ветерот кој релативно често дува на ова подрачје, изјави попладнево директорот на Дирекцијата за заштита и спасување Стојанче Ангелов.
Рано утрово таму подолго време дејствувал еден полициски хелихоптер, но без некои значајни резултати.
– На лице имаме повеќе од 150 луѓе почнувајќи од локалните пожарникари со поддршка на соседните ТППЕ, повеќе екипи на Национални шуми и локално население. Исто така овде на терен се седум пинцагуери и тоа од страната на Радовиш. Останатите се од беровската страна, рече Ангелов.
Поради тешко пристапниот терен фокусот на екипите, како што вели Ангелов, е ставен на пресретнување на овој тежок за гаснење пожар на шумските патишта кој што се протегаат низ оваа планина.
– Веќе неколку дена таму работат булдожери кои го чистат патот, го прошируваат за пожарот кој кога ќе дојде кај нив да не може да помине на другата страна.
Тежок пожар, како што вели Анеглов, има и кај Желино кој постојано се става под контрола, се гасне, но повторно се пали.
– Се поставува прашање, кој е оној кој упорно го потпалува пожарот на територијата на Општина Желино кој денеска се движи во насока на Еребино. Денеска таму дејствува еден Ер Трактор на дирекцијата за заштита и спасување, а упатен е и еден Хермелин и еден БТР на ДЗС, кој што треба да дејствуваат доколку огнот тргне кон Еребино или кон некое од блиските села. На лице место е тетовската ТППЕ поддржана со екипи на Национални шуми, но и локално население, потенцира Ангелов.
Третиот пожар е на територијата на Македонски Брод и врз него се дејствува со еден Ер Трактор и со локални сили од земја. Исто така во текот на ноќта изби еден пожар и помеѓу опоштините Кавадарци и Прилеп, и уште едена активен пожар има на територијата на Мариово. На овие пожари дејствуваат локалните пожарникари со поддршка на соседните ТППЕ.
-Нашата цел е да не дозволиме ширење на овие тешки за гаснење пожари бидејќи температурата на воздухот е исклучително висока. Дува слаб ветер којшто дополнително помага за брзо ширење на огнот, но високата температура којашто кај нас е околу 40-от и над 40-от степен дополнително го усложнува гаснењето на овие пожари, вели Ангелов.
Потсетува на најавата на УХМР дека во текот на утрешниот ден се очекуваат поројни врнежи на целата територија на државата. – Се надеваме дека некои од овие локални врнежи ќе паднат на подрачјата на овие тешки за гаснење пожари, изјави директорот на ДЗС.
Македонија
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце

Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје поради сомневање за алсиикување исправа.
„Во обид да влезат со приоритет, С.С., кој го управувал возилото ’голф’ со скопски регистарски таблички, во кое се превезувале, на полициските службеници од ФРОНТЕКС им рекол дека е дипломат, приложувајќи патна исправа наводно издадена од Европски полициски комитет, а на македонските полициски службеници им рекол дека е вработен во МВР, но не ја носел службената легитимација. При дополнителна контрола на лицето и возилото биле пронајдени патни исправи, една биометриска страна за патна исправа, два пластични печати, четири лични карти и други предмети. Поради основано сомнение за сторено кривично дело „фалсификување исправа“ по чл.378 од КЗ, пронајдените предмети се одземени, а лицата лишени од слобода“, соопшти МВР.
Против двете лица ќе бидат поднесени соодветни ријави по расчистување на случајот.
Македонија
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот

Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години главниот град го остави во урнатини. Скопје се сеќава на 26 јули 1963 година, ден кој засекогаш го промени ликот на градот, трагедија која одзеде над илјада животи.
„Овој ден буди чувство на тага, но секогаш ќе се памети и по човечноста и хуманоста на сите кои помогнаа во најтешките моменти“, велат од Град Скопје.
Во рамки на одбележувањето 62 години од земјотресот, вечерва во 20:00 часот во Музејот на Град Скопје ќе биде отворена изложбата „Скопје за време на земјотресот и потоа“.