Македонија
Скопје повторно ќе биде град на соживот, соработка и солидарност, порача Арсовска од Сарај

„Скопје повторно ќе биде град на соживот, соработка и солидарност. Скопје ќе има ред во сообраќајот. Достапен и ефикасен јавен превоз. Ќе биде град во кој ќе нема заборавени населби и населени места. За сите населени места во Сарај ќе донесеме посебна програма со ургентни приоритети со кои ќе се решат клучните проблеми во делот на инфраструктурата, водовод, канализација. Конечно ќе се изгради нов кружен тек на влезот на Сарај и ќе се поврзе Матка со автопатот и обиколницата. Со целосно бесплатен јавен превоз за граѓаните на Скопје и 250 нови еколошки автобуси во еден мандат, сите населени места ќе бидат поврзани со квалитетен автобуски превоз”, истакна независната кандидатка за градоначалник на Скопје Данела Арсовска на денешната средба со граѓани во општина Сарај.
Арсовска во разговор со граѓаните се осврна и на многу ветувања кои на жителите им беа ветени во текот на изминатите години од актуелната градска власт.
„Сарај е очигледно заборавена општина од градот Скопје. Ви беше ветен нов кружен тек на влезот на Сарај за регулирање на сообраќајот. Оној кој денес ќе ви ветува нови проекти, пред четири години тука пред вас вети ревитализација на спортско рекреативниот центар ’Сарај’ и езерото Треска. Денес гледаме дека тоа не е реализирано за граѓаните на Сарај и граѓаните на Скопје. Истиот тој пред четири години ви вети поврзување на Матка со автопатот. Нема ништо и од тоа ветување. Ви вети и водоводна и канализациска мрежа во населените места во Сарај. Денес гледаме дека и тоа е лага, сè уште во Сарај има места кои немаат асфалтирани улици, немаат чиста вода за пиење. Овие големи ветувања – се и големи разочарувања“, потенцираше Арсовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Николоски: Во Ѓорче Петров со поддршка од Светска банка целосно ќе се реконструираат улици

Александар Николоски, потпретседателот на ВМРО-ДПМНЕ, денес се обрати заедно со кандидатот за градоначалник на општина Ѓорче Петров од ВМРО-ДПМНЕ, Александар Стојкоски. Николоски се осврна на проект, кој е дел од поширока програма за изградба и реконструкција на локални патишта, со поддршка од Светска банка, а ја нагласи и идејата за развој на индустриска зона околу обиколницата, со цел да се отворат нови работни места во близина на местото на живеење на жителите.
,,Навистина е задоволство да се присуства на почеток на овој проект, особено што до води до една преубава црква стара повеќе од 100 години. Мислам дека со завршувањето на проектот, целиот овој дел од општината ќе добие свој нов лик којшто ќе е во корист на жителите кои што тука живеат, а секако отвори можности и други да доаѓаат и тука да живеат, затоа што се работи за едно навистина прекрасно место“, вели Николоски.
Николоски истакна дека улицата на која се работи во моментов е дел од договорот со Светска банка за финансирање и изградба на локални патишта. Како што вели тој, во општина Ѓорче Петров има многу проекти од двата повици на Владата предводена од ВМРО-ДПМНЕ, за поддршка на локалните самоуправи. Тој додаде дека во подготовка е буџет за општини кои се, како што вели тој, шампиони во она што го работат.
,,Ќе продолжиме да ја поддржуваме општина Ѓорче Петров, тука имавме доста проекти и во првиот повик и во вториот повик. Александар е одличен градоначалник, и еден од најдобрите градоначалници кои што ги има државата и треба такви градоначалници да се поддржуваат, дека веднаш после завршувањето на локалните избори, а тука работата ќе биде завршена уште во недела, во првиот круг. Очекуваме да достави нови проекти кои што ќе бидат надвор од овие буџети, односно спремаме еден специјален буџет за поддршка за неколку општини кои што се навистина шампиони во она што го работат, а Ѓорче Петров тука предничи, и Александар како градоначалник, така што дополнително на овие проекти ќе имаме и нови проекти кои што градоначалникот ќе ги достави“, кажа Николоски.
Николоски нагласи дека идејата е да се развие индустриска зона околу обиколницата, и на тој начин граѓаните би можеле да имаат работа блиску до нивното место на живеење.
,,Продолжуваме во оваа насока да работиме секаде онаму каде што можеме. Знаете дека се работи тука во близина и обиколницата, вчера имаше увид од страна а градоначалникот и на директорот на ЈП Државни патишта, таа многу значи за комуникацијата на жителите од овој крај на општината и ќе продолжиме да ја развиваме, идејата е да се развие една индустриска зона околу обиколницата како луѓето би можеле и својата работа да ја најдат блиску до местото на живеење“, заклучи Николоски.
Македонија
Герасимовски: Гласот на жените е клучен за силен и стабилен Центар

Градоначалникот и кандидат за нов мандат во Општина Центар, Горан Герасимовски, во разговор со Савка Тодоровска, борец за женски права и претседател на Националниот совет за родова рамноправност, истакна дека локалната самоуправа и во наредниот период активно ќе ги поддржува сите проекти посветени на родовата еднаквост и положбата на жените.
Општина Центар, во соработка со Националниот совет за родова рамноправност, во изминативе години обезбедуваат, како што беше истакнато, бесплатни советодавни услуги од психолог, правник и социјален работник за ранливите категории граѓани, особено за жените жртви на семејно и родово-базирано насилство.
„Послабиот пол е нашата најсилна страна, во семејството, општеството и во општината. Како локална самоуправа целосно ги поддржуваме сите иницијативи кои ја зајакнуваат положбата на жените, промовираат еднакавост и обезбедуваат заштита од насилство“, истакна Герасимовски.
Тодоровска ги повика жените да се вклучат во локалните избори и активно да учествуваат во демократските процеси кои ја обликуваат иднината на општината во која живеат.
По повод месецот октомври, посветен на борбата против ракот на дојката, Герасимовски и Тодоровска апелираа до жените да бидат одговорни кон своето здравје и редовно да прават превентивни прегледи.
Македонија
Алиу во Гостивар: Нова сала за ортопедија и трауматологија во болницата, првите операции заедно со тимот од Клиниката за ТОАРИЛУЦ

Министерот за здравство, Азир Алиу денеска ја посети Општата болница во Гостивар.
– Извршено е рановирање на Ургентниот центар, инвестиција во вредност од 4 милиони денари. Првпат Гостивар добива хируршка сала за ортопедија и трауматологија и оваа новина е многу значајна за жителите на Гостивар и околината, имајќи предвид дека повеќе нема да има потреба да патуваат до Скопје за вакви интервенции. Новата сала е комплетно опремена со најсофистицирана апаратура во вредност над 9 милиони денари. По тој повод, денеска сме тука заедно со д-р Игор Мерџаноски од Клиниката за ТОАРИЛУЦ. За денеска се закажани првите 5 операции во новата сала кои се вршат во соработка со тимот од Клиниката за ТОАРИЛУЦ, а покрај од Гостивар веќе се закажани за операција и пациенти од други градови, истакна Алиу.
Во болницата во Гостивар, како што информираат од министерството, во тек е постапката за вработување 37 лица од медицински и немедицински кадар, која ќе продолжи веднаш по изборите, а вработени се и 28 специјализанти од различни области.