Македонија
Советник од Карпош: ДПМНЕ и Левицата ги блокираат платите на вработените во градинките, училишта и администрацијата во Карпош

Поради блокадите на ДПМНЕ и Левицата, загрозена е работата на градинките, училиштата и на администрацијата на Општина Карпош, изјави советникот од редовите на СДСМ во Општината, Владимир Бислимовски.
На последната седница на Советот на Општина Карпош, вели тој, ДПМНЕ и Левицата не само што го блокираа донесувањето на буџетот туку ја блокираа и одлуката за привремено финансирање.
Со ова вработените во градинките, училиштата, администрацијата во Карпош, вработените што се грижат за водоводите, хигиената, одржување на локалните институции не може да земат плата.
„Со што овие луѓе им згрешија на Мицкоски, ДПМНЕ и на Левицата, па вака да ги казнуваат? Затоа е и овој протест денеска на некои од вработените, кои се соочуваат среде празници да бидат без пари, да не можае да си ги платат сметките, да не може да одвојат за своите деца. Ова што го прават ДПМНЕ, Левицата и Мицкоски не е политика. Ова е предизвикување пакост и штета на работниците и граѓаните поради лични хирови на Мицкоски“, рече Бислимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.