Македонија
Солана, Робертсон и Нимиц меѓу дипломатите кои ќе добијат признанија по повод 30 години од независноста
Република Северна Македонија годинава одбележува 30-годишен јубилеј од независноста, прогласена во 1991 година.
По тој повод, од МНР информираат дека министерот Бујар Османи, донел одлука да врачи признанија на 30 странски државјани, високи функционери од ЕУ и НАТО, државници, дипломати и познавачи на нашата држава и регионот.
„Со овој чин, придаваме симболично признание за оставениот белег во консолидација на нашата самостојност, поддршката и помошта во заокружување на евро-атлантската перспектива, како и зацврстувањето на мултиетничката, мултикултурна и мултиконфесионална кохезија на нашата држава и општество“, појаснуваат од ресорното министерство.
МНР ја објави и целосната листа која ги опфаќа следните личности:
РОБЕРТ БАДИНТЕР, претседател на Арбитражната комисија на Мировната конференција за Југославија
ЛОРЕНС БАТЛЕР, амбасадор на САД (2002-2005)
ЕРХАРД БУСЕК, специјален координатор на Пактот за стабилност за Југоисточна Европа (2002-2008)
МАКС ВАН ДЕР ШТУЛ, висок комесар за национални малцинства на ОБСЕ (1993-2001) – постхумно
СЕР БАРНИ ВАЈТ СПУНЕР, британски генерал и командант на НАТО во нашата земја (2001)и член на Охридската група
ЖЕЉУ ЖЕЛЕВ, претседател на Република Бугарија (1990-1997) – постхумно
КЛАУС КИНКЕЛ, министер за надворешни работи на Сојузна Република Германија (1992-1998) – постхумно
НИКОС КОЅИЈАС, министер за надворешни работи на Хеленска Република (2015-2018)
АЛЕН ЛЕ РУА, специјален претставник на ЕУ (2001-2002) и член на Охридската група
ШТЕФАН ЛЕНЕ, директор на директоратот за Балкан, Источна Европа и Централна Азија во Генералниот секретаријат на Советот на ЕУ (2002-2008)
АНА ЛИНД, министер за надворешни работи на Шведска и претседавач со Советот на ЕУ (2001) – постхумно
ТАДЕУШ МАЗОВЈЕЦКИ, специјален известувач на Комисијата за човекови права на ООН – постхумно
ЏОН МЕКЕЈН, американски сенатор – постхумно
МЕТЈУ НИМИЦ, личен претставник на Генералниот секретар на ООН (1999-2019)
ЛОРД ПАТЕН, европски комесар за надворешни работи (1999-2004)
ЏЕЈМС ПЕРДЈУ, претставник на САД во нашата земја (2001)- постхумно
РЕИНХАРД ПРИБЕ, директор за Западен Балкан во Генералниот секретаријат за надворешни работи (2001-2004) и за проширување (2005-2006) на ЕУ
РОМАНО ПРОДИ, поранешен премиер на Италија и претседател на Европската комисија (1999-2004)
КОНДОЛИЗА РАЈС, државен секретар на САД (2005-2009)
ОЛИ РЕН, европски комесар за проширување (2004-2010)
Лорд ЏОРЏ РОБЕРТСОН, генерален секретар на НАТО (1999-2004) и претседавач на Охридската група
ДАНИЕЛ СЕРВЕР, универзитетски професор
ДЕЈВИД СЛИН, поранешен британски дипломат
ХАВИЕР СОЛАНА, висок претставник на ЕУ за заедничка надворешна и безбедносна политика (1999-2009) и член на Охридската група
ЖАН ФРАНСОА ТЕРАЛ, амбасадор на Француската Република (2000-2003)
ПИТЕР ФЕЈТ, личен претставник на генералниот секретар на НАТО (2001)
ЕРВАН ФУЕРЕ, специјален претставник на ЕУ и шеф на Делегацијата на Европската комисија (2005-2011)
КРИСТОФЕР ХИЛ, амбасадор на САД (1996-1999)
РИЧАРД ХОЛБРУК, помошник Државен секретар на САД за европски и канадски прашања (1994-1996)- постхумно
ХИКМЕТ ЧЕТИН, министер за надворешни работи на Република Турција (1991-1994)
ХАНС ЛОТАР ШТЕПАН, историчар и амбасадор на Сојузна Република Германија (1993-1997) – постхумно
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Коњановски: Заеднички да ја дочекаме Новата година кај Офицерскиот дом
На неколку часа сме пред Новата година, a старата за момент ни донесе ново новогодишно зимко руво. Снегот кој го имавме во текот на ноќта беше вистински украс на преубавата предновогодишна Битола. Ќе биде ладно, но топло во нашите срца, порача битолскиот градоначалник Тони Коњановски.
„Време е заедно да одбројуваме и да ја дочекаме новата година. А има ли поубаво место од епицентарот на забавата-платото пред величествениот Офицерски дом. Денов изминува со детска програма за нашите најмлади и убава дружба со музичката програма во Старата чаршија.
Ве поканувам вечерва заедно да празнуваме, да се веселиме, да се дружиме
на главната сцена.
Вечерната програма пред Офицерскиот дом започнува во 20:30. На почеток забава со Борче Наумовски, потоа „Кабаре за раѓањето и вечноста“, „Баркод бенд“ и од 23:00 до 1:00 часот по полноќ со групата „Нокаут“. Оттаму ќе ги испратиме планинарите и љубителите на планината кои
традиционално и годинава ќе бидат први на први на врвот „Пелистер“. Да бидеме заедно, обединети, во новогодишно заедништво“.
Македонија
Лимани: 2026 година ќе биде година на уште посилен ангажман за задржување на младите во земјата, за поддршка на семејствата
Годината 2025 беше година на предизвици, но и на конкретни резултати. Заедно работевме на зајакнување на социјалната заштита, проширување на услугите во заедницата и поддршка на најранливите граѓани, вклучително и лицата со попреченост.
Во центарот на нашите политики беа децата, преку инвестиции во нови градинки, зајакнување на системот за заштита на децата и промовирање на згрижувачките семејства како најхумана форма на грижа, истакна министерот за социјална политика, демографија и млади, Фатмир Лимани.
„Со одговорност и почит, ja унапредивме и грижaта за постарите лица, создавајќи нови услуги, центри за активно стареење и поголема финансиска сигурност за генерациите што ја изградија нашата држава.
Исто така, инвестиравме во младите – во нивниот развој, вработување и активно вклучување, затоа што тие се енергијата и носителите на иднината.
Семејството останува столб на нашето општество, а демографијата – огледало на колективната надеж. Затоа, 2026 година ќе биде година на уште посилен ангажман за задржување на младите во земјата, за поддршка на семејствата и за градење инклузивни политики во образованието, вработувањето, домувањето и социјалната благосостојба – политики што не оставаат никого зад себе и ја враќаат вербата дека иднината може и мора да се гради тука.
Да посакаме повеќе раѓања отколку заминувања, повеќе насмевки отколку несигурност, повеќе доверба отколку сомнеж.
Да изградиме заедно општество што се грижи за најмладите, ги почитува постарите, ги поддржува најслабите и им дава крилја на младите“, кажа Лимани.
Македонија
СДС лаже за политички прогон, судиите и обвинителите во случајот „Сокол“ се кадар и мрежа на Заев, велат од ВМРО-ДПМНЕ
Кога СДС обвинува за политички прогон од ВМРО-ДПМНЕ, во случајот со криминалот на Филип Андонов Сокол треба да кажат дека судијата кој го осуди е поврзан со судиите и обвинителите кои го замрзнуваа имотот на ВМРО-ДПМНЕ и се изживуваа со наши членови со години додека СДС беше власт, велат од ВМРО-ДПМНЕ.
„Судијата која изрече пресуда за Филип Андонов Сокол е син на Јавната обвинителка, Елизабета Јосифовска, која беше дел од СЈО и го замрзна имотот на ВМРО-ДПМНЕ.
Истиот овој судија е поставен од кадарот на Заев, Иван Џолев, со само една година стаж во одделот за организиран криминал во Кривичниот суд.
Додека обвинителка во предметот на Сокол е Валентина Беслимовска истата што го повлече обвинението за Зоран Заев и го амнестираше“.
Од партијата на власт прашуваат, како овие судии и мрежа обвинители се дел од мрежа на ВМРО-ДПМНЕ.
„Луѓето кои хараа со Заев и Филипче можат да бидат само дел од системот на СДС и никако поинаку“.

