Македонија
Со брза интервенција на пожарникарите изгаснат пожарот во близина на бензинска пумпа

Противпожарните екипи попладнево успеаја да го изгаснат пожарот што избувна во близина на бензинска пумпа во скопската населба Радишани.
Благодарение на брзата интервенција на пет пожарникарски екипи спречени се ширењето на пламените јазици и поголема материјална штета.
Според информациите од терен, припадниците на Противпожарната бригада пожртвувано се качувале на камиони, автомобили и на оградите во близина со цел што побргу да го спречат ширењето на огнот.
Пожарот избувна во објект околу кој имаше бујна вегетација, а според изјави на очевидци, тој настанал од искра при сечење железо.
Граѓаните во паника ги преместуваа своите возила паркирани во близина на пожарот и бензинската пумпа, која поради навремната интервенција од службите, остана надвор од дофатот на огнот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Карпош и Сарај денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 13.00 часот, корисниците од ул. Пелистерска 4-1/8. (општина Карпош)
– во периодот од 09.00 до 14.00 часот, корисниците од улиците бр. 3 и бр. 5 како и околните објекти во нивна близина во Сарај.(општина Сарај)
Македонија
Без вода дел од Центар

Од ЈП Водовод и Канализација известуваат дека денеска поради дефект на улицата Димитрие Чуповски бр.10 без вода ќе останат корисниците од улицата Никола Вапцаров лоцирани на потегот од Министерство за правда до Плоштад Македонија, општина Центар.
Водоснабдувањето ќе биде прекинато во периодот од 08.00 часот па се до отстранување на дефектот.
Македонија
Променливо облачно со повремени локални врнежи од дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 5 до 11, а максималната ќе достигне од 9 до 16 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 13 степени.
Времето во наредните денови
До среда ќе преовладува променливо облачно време со повремени локални врнежи од дожд. Ќе дува умерен до засилен северен ветер (локално над 60 km/h), а температурата ќе се задржи под просекот за овој период од годината. Од четврток времето ќе биде стабилно и суво со пораст на дневната температура.