Македонија
Со доделување награди и признанија одбележан Светскиот ден на науката за мир и развој на УКИМ
Универзитетот „Св. Кирил и Методиј“ во Скопје го одбележа Светскиот ден на науката за мир и развој – 10 Ноември, кој, по две пандемиски години, се одржа со физичко присуство во аулата на Ректоратот на Универзитет.
Традиционално, Универзитетот го одбележува Светскиот ден на науката со промоција на најдобрите научници и уметник на Универзитетот за достигнувањата реализирани во изминатата календарска година. Годинава, овој настан беше збогатен со доделување плакета за посебен придонес во развојот на научноистражувачката дејност на Универзитетот и исклучителни достигнувања во целокупната кариерата.
Доделени се награди на најдобри ученици и уметник во 2021 година:
Во научното подрачје на природно-математичките науки со врвни резултати за 2021 година е избрана д-р Рената Ќуштеревска, вонреден професор на Природно-математички факултет
Во научното подрачје на техничко-технолошките науки со врвни резултати за 2021 година е избран д-р Петре Ламески, вонреден професор на Факултетот за информатички науки и компјутерско инженерство.
Во научното подрачје на медицинските науки со врвни резултати за 2021 година е избран д-р Игор Спироски, вонреден професор на Медицинскиот факултет.
Во научното подрачје на општествените науки со врвни резултати за 2021 година е избрана д-р Виолета Цветковска, вонреден професор на Економскиот факултет.
Во научното подрачје на хуманистичките науки со врвни резултати за 2021 година е избрана д-р Лидија Тантуровска, научен советник на Институтот за македонски јазик „Крсте Мисирков“,
За најдобар уметник за 2021 година е избрана м-р Дарија Андовска, редовен професор на Факултетот за музичка уметност.
Доделени се плакети за посебен придонес во развој на научноистражувачката дејност и интернационализација и афирмација на Универзитетот „Свети Кирил и Методиј“ во Скопје, и тоа:
1. На проф. д-р Трајче Стафилов, редовен професор (во пензија) на Природно-математичкиот факултет, во знак на признание за посебен придонес, во две категории:
· за исклучително достигнување во кариерата и објавени повеќе од 100 научни труда афилирани на Универзитетот, индексирани во базата Web of Science (199 заклучно со 2021),
· за исклучително достигнување во кариерата и меѓународно признаена извонредност преку застапеност во листата на Универзитетот „Стенфорд“ за 2 % најцитирани научници на планетата за целата кариера, заклучно со 2021.
2. На проф. д-р Марјан Гушев, редовен професор на Факултетот за информатички науки и компјутерско инженерство, во знак на признание за посебен придонес, во две категории:
· за исклучително достигнување во кариерата и објавени повеќе од 100 научни труда афилирани на Универзитетот, индексирани во базата Web of Science (158 заклучно со 2021)
· за најголем број научни публикации на Web of Science во изминатата деценија 2011 – 2020.
3. На проф. д-р Лилјана Гавриловска, редовен професор (во пензија) на Факултетот за електротехника и информациски технологии, во знак на признание за посебен придонес, во две категории:
· за исклучително достигнување во кариерата и објавени повеќе од 100 научни труда афилирани на Универзитетот, индексирани во базата Web of Science (116 заклучно со 2021),
· за раководење најголем број меѓународни проекти во периодот на интегриран универзитет 2009 – 2021 година.
4. На академик проф. д-р Љупчо Коцарев, редовен професор (во пензија) на Факултетот за информатички науки и компјутерско инженерство, во знак на признание за посебен придонес, во две категории:
· за исклучително достигнување во кариерата и објавени повеќе од 100 научни труда афилирани на Универзитетот, индексирани во базата Web of Science (106 заклучно со 2021),
· исклучително достигнување во кариерата и меѓународно признаена извонредност преку застапеност во листата на Универзитетот „Стенфорд“ за 2 % најцитирани научници на планетата за целата кариера, заклучно со 2021.
5. На проф. д-р Гоце Спасовски, редовен професор на Медицинскиот факултет, му се доделува во знак на признание за посебен придонес, во категоријата:
· за исклучително достигнување во кариерата и објавени повеќе од 100 научни труда афилирани на Универзитетот, индексирани во базата Web of Science (114 заклучно со 2021).
6. На проф. д-р Иван Грозданов, редовен професор (во пензија) на Природно-математичкиот факултет, во знак на признание за посебен придонес, во категоријата:
· за исклучително достигнување во кариерата и меѓународно признаена извонредност преку застапеност во листата на Универзитетот „Стенфорд“ за 2 % најцитирани научници на планетата за целата кариера, заклучно со 2021.
7. На академик проф. д-р Леонид Грчев, редовен професор (во пензија) на Факултетот за електротехника и информациски технологии, во знак на признание за посебен придонес, во категоријата:
· за исклучително достигнување во кариерата и меѓународно признаена извонредност преку застапеност во листата на Универзитетот „Стенфорд“ за 2 % најцитирани научници на планетата за целата кариера, заклучно со 2021.
На настанот пред присутните се обратија ректорот на Универзитетот „Св.Кирил и Методиј“ во Скопје, проф. д-р Никола Јанкуловски, проректорката за наука, проф. д-р Валентина Гечевска, добитничката на награда за 2021 година, проф. д-р Лидија Тантуровска, и добитниците на плакета на Универзитетот, академик проф. д-р Љупчо Коцарев и проф. д-р Лилјана Гавриловска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Во потрага по храна, мечка се качи на тераса од семејна куќа во Тетовско
Мечка се качила на тераса од семејна куќа во тетовското село Отуње.
Членовите на семејството биле во внатрешноста на куќата, па со мобилен телефон ја снимиле мечката качена на маса каде имало оставено храна, пишува „Тетово инфо“.
Според објавеното и во другите блиски села како Сетоле и Једоарце летово биле забележани слични примери на камери за видеонадзор.
„Мечките во потрага по храна, се движат низ селото, уништуваат сандаци со пчели и слично“.
Македонија
ОЈО со детали за големата акција: 13 лица под истрага за даночно затајување, перење пари и даночна измама, тргувале со горива
Денешната акција спроведена на повеќе локации низ државата е резултат на двегодишна предистражна постапка што ја водеше Основното јавно обвинителство за гонење на организиран криминал и корупција во тесна соработка со Управата за финансиска полиција, соопшти обвинителството.
Постапувајќи по кривичната пријава, надлежен обвинител од ОЈО ГОКК донел Наредба за спроведување на истражна постапка против 13 лица, меѓу кои се и четворица косовски државјани и една државјанка на Република Хрватска.
Осомничените се товарaт дека од 2014 до 2023 година организирале и учествувале во криминална група со цел стекнување противправна имотна корист преку даночно затајување, даночна измама и перење пари со што осомничените го оштетиле Буџетот на државата во големи размери. Групата креирала мрежа од правни субјекти преку кои се вршела продажба и фиктивна трговија со нафтени деривати, се изготвувале фактури со невистинита содржина, со цел да се избегне плаќањето на даночни обврски и да се оствари незаконски поврат на ДДВ. Преку правни лица што не поседуваат дозволи за трговија со нафтени деривати се вршела набавка, транспорт и продажба на Еуросупер, Еуродизел и Екстралесно гориво, со намера да избегнат целосно или делумно плаќање на законски предвидените даночни обврски. Продажбата во поголем број случаи се одвивала без издавање на фискални сметки и фактури, а средствата прибрани во готово не биле евидентирани во сметководствената документација. Осомничените странски државјани, кои формално биле назначени за одговорни лица во повеќе осомничени правни субјекти, немале регулиран престој во земјава, што организаторите на групата го користеле како начин за прикривање на нивната поврзаност со криминалното дејствување.
Воедно, организаторите на групата, од продадените нафтени деривати во готово пуштиле во оптек, примиле пари и извршиле пренос на паричните средства со намера да го прикријат нивното движење, со што се стекнале со противправна имотна корист во големи размери, а за која знаеле дека е прибавена со кривичното дело Даночно затајување, при што сториле и кривично дело Перење пари и други приноси од казниво дело.
Јавниот обвинител ценејќи дека се исполнети условите до судијата на претходна постапка при Основниот кривичен суд Скопје достави предлог за определување на мерка притвор за сите осомничени. До сега се обезбедени седум лица за кои е прифатен предлогот на обвинителството и судот со Решение им определи мерка притвор во траење од 30 дена, за останатите – петмината странски државјани и еден македонски државјанин мерката притвор ќе биде определена во отсуство.
Македонија
Муцунски-Јан Копман: разменети мислења за спроведувањето на реформската агенда, во фокусот и иницијативата „Роаминг како дома со ЕУ“
Министерот за надворешни работи и надворешна трговија, Тимчо Муцунски, денес и утре престојува во работна посета на Брисел, Кралството Белгија. Во рамки на посетата, денеска оствари средба со генералниот директор на Директоратот на Европската комисија за проширување и источно соседство, Герт Јан Копман.
На средбата беа разменети мислења за спроведувањето на реформската агенда, посветеноста на Владата да испорачува видливи резултати од реформските процеси, како и за Планот за раст како дел од пошироката европска поддршка за регионот. Муцунски нагласи дека Владата во изминатата година демонстрираше сериозна посветеност во исполнувањето на обврските од реформската агенда, постигнувајќи значителен напредок, особено во областите на дигитализацијата, владеењето на правото и борбата против корупцијата, при што истакна дека овие приоритети остануваат во фокусот на Владата и во наредниот период.
Се разговараше и за регионалната соработка, при што беше нагласена активната улога и придонесот на Република Северна Македонија во рамките на регионалните иницијативи, како и кон стабилноста и безбедноста на целиот регион.
Соговорниците се осврнаа и на актуелните геополитички и безбедносни предизвици во Европа. Во таа насока беше потенцирана важноста од продолжување на поддршката за Украина и потребата од заеднички, координиран пристап во справувањето со последиците од руската агресија.
Во фокусот на разговорот беше и иницијативата „Роаминг како дома со ЕУ“, насочена кон постепено укинување на трошоците за роаминг помеѓу земјите од Западен Балкан и Европската Унија. Одлуката за оваа иницијатива се очекува да биде донесена на почетокот на следната година.
Муцунски уште еднаш ја потврди цврстата посветеност на Република Северна Македонија кон процесот на европска интеграција како еден од стратешките приоритети во надворешната политика. Тој ја истакна и целосната усогласеност на државата со Заедничката надворешна и безбедносна политика на ЕУ, како и значењето на стратешкото партнерство со Европската Унија во областа на безбедноста и одбраната.
(Видео) Во потрага по храна, мечка се качи на тераса од семејна куќа во Тетовско
Мечка се качила на тераса од семејна куќа во тетовското село Отуње. Членовите на семејството биле во внатрешноста на куќата,...
Голема акција на Финансиската полиција: уапсени седум лица за даночни измами и перење пари, го оштетиле буџетот за 430 милиони денари
По двегодишна опсежна предистражна постапка, во текот на денешниот ден Управата за финансиска полиција спроведе акција во која беа извршени...
Предложен притвор за таткото што тепаше играчи на фудбалскиот натпревар во Штип
Основното јавно обвинителство Штип денеска поведе итна постапка против едно лице за кривично дело – Насилство. Осомничениот извршил грубо насилство...
Застрашувачки снимки од напад врз болница во Газа, меѓу загинатите има и новинари
Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во...
Поскапуваат бензините и дизелот
Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика,...
Алиу на средба со д-р Кедев: Сите што имаат информација за евентуални неправилности да се обратат до Министерството
Министерот за здравство Азир Алиу денеска оствари средба со д-р Сашко Кедев, на која беа разменети информации во врска со...
Зеленски: Украина високо ја цени непоколебливата солидарност на Северна Македонија во поддршка на нашата слобода
Украина високо ги цени непоколебливата солидарност и силниот глас на Северна Македонија во поддршка на нашата слобода, достоинството и правото...
Тешко повредена жена во Автокоманда, маж ја удрил во главата со гајба полна со стаклени шишиња
Основното јавно обвинителство Скопје поведе постапка против едно лице за кого постои основано сомнение дека сторил кривично дело – Тешка...
Русија уништи 21 украински дрон во текот на ноќта, два летаа кон Москва
Руските одбранбени единици уништија 21 украински дрон во текот на ноќта, објави руската државна новинска агенција, повикувајќи се на податоци...
Канада отворена за испраќање мировни сили во Украина
Канадскиот премиер Марк Карни му рече вчера на украинскиот претседател Володимир Зеленски дека ги поддржува барањата на Украина за силни...
Мерц: Никој повеќе не треба да има илузии, Германија е во структурна криза
Германскиот канцелар Фридрих Мерц призна дека справувањето со економските предизвици се покажува како многу поголем предизвик отколку што првично очекувал....
На Табановце за излез од државата се чека 30-ина минути
Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е...
Вкупно девет пожари на отворен простор, активен еден, а два се под контрола
На територијата на државата денеска до 18:00 часот имало вкупно девет пожари на отворен простор, од кои еден е активен,...
Лавров ги соопшти условите на Русија за постигнување мир во Украина
Рускиот министер за надворешни работи Сергеј Лавров денеска ги изложи клучните услови на Русија за постигнување мир во Украина, предлагајќи...
Мицкоски очекува историска победа на ВМРО-ДПМНЕ на локалните избори, приоритет ќе биде хигиената во Скопје
Она што го направи ВМРО-ДПМНЕ и Коалицијата овие два дена, претставува, навистина, новитет на политичката сцена во Македонија. Добро е...
Во возило откриени 15 мигранти од Египет и Сирија
Вкупно 15 мигранти од Египет и Сирија се пронајдени синоќа во возило на регионалниот пат Богданци–Гевгелија, на место викано „Македонија...
Вучиќ најави намалување на цените на јајцата, зеленчукот, овошјето, млечните производи…
Претседателот на Србија, Александар Вучиќ, објави денеска дека од идната недела ќе се ограничат маржите во трговските синџири, што ќе...
Палестински камерман убиен во појасот Газа
Палестинската новинска агенција (ВАФА) објави дека израелските војници убиле палестински камерман во северниот дел на Појасот Газа. Камерманот Калед ал...
Пратениците се одморија, од утре почнуваат со редовни активности во Собранието
Пратениците од утре официјално почнуваат со работа по годишниот одмор. Претседателот на Собранието, Африм Гаши за утре закажа неформална средба...
Зеленски вели дека постои вистинска можност да заврши војната во Украина
Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја. Тој, по...
