Македонија
Спасовски: Борбата против недозволената трговија со оружје е стратешки приоритет

Министерот за внатрешни работи, Оливер Спасовски, се обрати на 17. регионална средба на мрежата на експерти за огнено оружје во Југоисточна Европа – СИФЕН, при што истакна дека борбата против недозволената трговија со оружје е издигната на ниво на стратешки приоритет на МВР.
На почетокот од своето обраќање министерот Спасовски се заблагодари за поддршката што Европската Унија ѝ ја дава на Агенцијата за контрола на мало и лесно оружје во Југоисточна и Источна Европа – СИСАК (SEESAC) во делот на активностите за разоружување и контрола на оружјето, што од 2013 година во континуитет ја помага мрежата SEEFEN да ги реализира овие значајни средби по целиот регион.
„Уверен сум дека состаноците на SEEFEN поттикнуваат не само продлабочување на регионалната соработка во развојот на вештини и координација во борбата против недозволена трговија и нелегално поседување огнено оружје туку и посилната соработка со Европската Унија, нејзините земји членки и специјализираните агенции на Европската Унија, како и клучните меѓународни актери во областа, кои се редовни учесници на настанот“, истакна министерот Спасовски. Тој додаде дека сите присутни на конференцијата, особено високите полициски истражители, балистичките експерти, претставниците на граничната полиција, обвинителите и царинските службеници од целиот регион, тежнеат кон истакнување на добрите пракси, размена на знаење од научените лекции, споделување информации за новиот модус операнди и патот напред како директен придонес кон спроведувањето на патоказот за одржливо решение за нелегалното поседување, злоупотреба и трговија со мало и лесно оружје и нивна муниција во Западен Балкан.
Истакнувајќи ја важноста на глобалните и националните активности, здружени со добро координираната национална и регионална соработка на сите агенции за спроведување на законот, министерот Спасовски информира дека Република Северна Македонија во изминатите години активно работеше на спроведување активности во процесот на воспоставување систем на сеопфатна контрола на оружјето во согласност со целите утврдени во Националната стратегија за мало и лесно оружје и акцискиот план.
„Во рамките на спроведување на целите од патоказот, Националната комисија за мало и лесно оружје, односно Министерството за внатрешни работи и другите надлежни институции, активно работат на усогласување на законската регулатива од областа на мало и лесно оружје и експлозивни материи со европската регулатива. Активно се работи и на спроведување сите планирани активности во насока на остварување поголеми резултати во подигнувањето на јавната свест за опасностите од злоупотреба на огнено оружје, спречување на трговијата со оружје, како и воспоставување ефикасни системи за размена на информации“, рече министерот Спасовски.
„Борбата против недозволената трговија со оружје е издигната на ниво на стратешки приоритет на Министерството за внатрешни работи и како резултат на плански и насочено интензивирани активности во областа, постигнати се значајни резултати за што доказ се зголемениот број откриени кривични дела и зголемување на вкупните количини заплени со оружје, муниција и распрскувачки материи, а позитивни резултати се постигнати и во делот на сузбивањето на организираните облици, кои се поврзани со недозволената трговија со оружје“, го заокружи своето обраќање министерот Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во Македонија 18 пожари на отворено

Во текот на изминатото деноноќие, на ден 20/21.08 на територијата на Македонија имаше вкупно 18 пожари на отворен простор, од кои активни се три пожари, а под контрола и изгаснати се 15 пожари, информира Центарот за управување со кризи.
Активни се пожарите во Јасен (мешана шума), во Општина Маврово и Ростуше восело Церово и во Општина Прилеп во село Беловодица.
Под контрола и изгаснати се 15 пожари, и тоа:
1. Општина Гази Баба: ул. Перо Наков б.б (ѓубриште);
2. Општина Петровец: с. Средно Коњаре (ѓубриште);
3. Општина Петровец: с. Средно Коњаре (ниска вегетација и ѓубре);
4. Општина Струга: с. Драслајца (ѓубриште);
5. Општина Тетово: с. Сараќино (ниска вегетација);
6. Општина Желино: с. Стрмница (ниска вегетација);
7. Општина Чишиново-Облешево: с. Облешево (ниска вегетација);
8. Општина Неготино: с. Криволак, во близина на мостот пред касарна (ниска вегетација и напуштена нива со овоштарник);
9. Општина Тетово: на патот Тетово – с. Брвеница (ниска вегетација);
10. Општина Гостивар: с. Чегране (ниска вегетација);
11. Општина Гостивар: с. Дебреше (ниска вегетација);
12. Општина Крушево: с. Светомитрани (ниска вегетација);
13. Општина Радовиш: с. Раклиш (ниска вегетација);
14. Општина Студеничани: с. Драчевица (сува трева и грмушки);
15. Општина Долнени: с. Лажани (ниска вегетација);
Македонија
Гужва на границите, на Табановце и Богородица се чека по 20-тина минути

Интензитетот на сообраќајот на патиштата надвор од градските средини е зголемен.
Поради летните одмори, се бележи зголемена фреквенција на возила, на ГП „Табановце” времето на чекање за влез и излез е околу 20 минути, за. На ГП „Богородица” времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата, информира АМСМ.
Поради пожар во националниот Парк Јасен, пак, регионалниот пат Р1106 Македонски Брод – Скопје затворен е за секаков вид на возила.
Сообраќајот на останатите државни патишта се одвива непречено, по суви коловози.
Македонија
Без вода дел од Центар

Од ЈП Водовод и Канализација известуваат дека денеска поради изведување на водоводен приклучок ф-100 мм на улицата Маџирмаало 11, општина Центар, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности.