Македонија
Спасовски: Инвестираме за уште подобра физичка подготвеност на 700 полициски службеници и над 100 припадници на Армијата
Денеска, министерот за внатрешни работи, Оливер Спасовски, заедно со дел од раководството на Министерството за внатрешни работи го посети Полицискиот центар „Ѓорче Петров“, базата на Единицата за брзо распоредување, каде што беше промовиран фитнес-парк на отворено, проект во соработка со Агенцијата за млади и спорт, во вредност од 3 милиони денари.
Потребата на Одделот за специјални полициски операции за реконструкција на кошаркарското игралиште и поставување фитнес-опрема во кругот на Полицискиот центар „Ѓорче Петров“ беше преточена во проект што беше одобрен од страна на Владата на Република Северна Македонија во текот на 2021 година, а предвидува фитнес-зона и реконструкција на кошаркарското игралиште со поставување осветление. Деновиве, од страна на Агенцијата за млади и спорт, беше заокружено поставувањето повеќе фитнес-справи и елементи за физички активности, а оваа година се очекува и завршување на повеќенаменското игралиште, исто така реализирано од Агенцијата за млади и спорт.
Министерот Спасовски оствари средба со директорот на Агенцијата за млади и спорт, Наумче Мојсовски, и со раководителот на капиталните инвестиции на Агенцијата за млади и спорт, Гордана Цекова, на која беше информиран за следната фаза од планот на реализација, која опфаќа завршување на кошаркарското игралиште, кое се наоѓа до фитнес-зоната, како и поставување тартан-патеки во Полицискиот центар „Ѓорче Петров“ и во касарната „Илинден“.
„Особено се гордеам што сите проекти што ги договоривме, откако сум на чело на МВР, целосно се завршени благодарение на заедничкиот напредок на сите во тимот. Кога тимот има идеи и енергија за реализација, резултатите се лесно видливи и прифатени. Соработката, која почна со Агенцијата за млади и спорт оваа година, ќе продолжи и во следните фази и проекти, кои ќе влијаат на вкупната физичка подготвеност на полициските службеници што ги користат. Оваа фитнес-зона ќе може да ја користат околу 700 полициски службеници и над 100 припадници на Армијата на Република Северна Македонија“, истакна министерот Спасовски.
За време на средбата, министерот Спасовски на директорот Мојсовски во свое име му врачи дрес од македонската ракометна репрезентација со негов потпис во знак на заедништво и поддршка за македонските репрезентативци на претстојното Светско ракометно првенство, кое се одржува во Шведска и Полска.
Директорот на Агенцијата за млади и спорт, Наумче Мојсовски, истакна дека ова е прва инвестиција од Агенцијата за млади и спорт за државни институции, со уверување дека ваквата соработка ќе продолжи и во иднина.
„Со задоволство ја реализиравме оваа фитнес-зона со која директно ќе влијаеме на физичката подготвеност на полициските службеници задолжени за безбедноста на секој граѓанин. По ваква успешна прва фаза на соработката оваа година, го завршуваме и кошаркарското и повеќенаменско игралиште овде во ПЦ ‘Ѓорче Петров’, со план за изградба на тартан-патеки овде и во касарната „Илинден“. Соработката е веќе отворена, успешна и само ќе ја продлабочуваме“, истакна директорот Мојсовски.
По средбата, присутните ги посетија и спомен-собата на Единицата за брзо распоредување, при што Мојсовски се потпиша во спомен-книгата поставена таму, и фитнес-паркот на отворено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Филипче е човек кој има криминален багаж зад него, исто како Заев“, велат од ВМРО-ДПМНЕ
„Продолжената рака на Заев, Филипче е човек со криминален багаж зад него. Филипче е човек кој има голем број на афери кои се поврзани со него. Филипче беше член на Влада и не одговараше за модуларната болница, за провизиите од вакцините, за Онкологија и други афери“, соопшти ВМРО-ДПМНЕ.
„Филипче е дел од системот кој го уништуваше здравството изминатите години, а на грбот на граѓаните се богатеше.
Филипче е човек кој нема кредибилитет да биде политички лидер и е потрчко на неговиот ментор Зоран Заев. Филипче прави како што ќе каже Заев и тоа е се што треба да знаете за него.
Филипче не може да понуди ништо ново на политичката сцена, нема решенија на проблемите кои тој со Заев ги создадоа во Македонија. Филипче има политика на уништување на стандардот за живеење во Македонија.
Филипче е синоним за корупција и криминал. Филипче е завршена приказна за Македонија!“, се наведува во соопштението на ВМРО-ДПМНЕ.
Македонија
ДУИ го осуди именувањето на Богојевски за раководител на Агенцијата за европски образовни фондови: Ова е провокација
„Демократската унија за интеграција најостро ја осудува одлуката на Владата за именување на Петар Богојевски за раководител на Агенцијата за европски образовни фондови – институција што има за цел да ги приближува младите кон европските вредности, а не да ги навредува и понижува“, велат од ДУИ.
„Именувањето на човек кој целата своја јавна и политичка кариера ја изгради со навреди и омаловажување кон Албанците, претставува директна провокација не само за Албанците во Северна Македонија, туку и за самата европска идеја во земјава.
Посебно иронично и трагично е тоа што истиот овој поединец беше предмет на кривична пријава токму од партиите на Влен во Владата – а денес, со нивна поддршка, е награден со водечка функција.
Овој чин е јасен сигнал: навредите кон Албанците не само што не се санкционираат, туку и се наградуваат со државни позиции.
Тоа претставува опасна порака дека секој што сака да гради политичка кариера, доволно е да ја понижува албанската заедница.
Дополнително, доверувањето на управувањето со европски фондови на човек кој не само што упатувал навредливи пораки до Албанците, туку и до самата Европска унија и нејзините вредности, претставува понижување и за европските партнери и за даночните обврзници на ЕУ, кои ги финансираат овие програми.
ДУИ повикува на итно повлекување на оваа срамна одлука и враќање на сериозноста во процесите што се однесуваат на европската интеграција, образованието и соживотот.
Владата не смее да си дозволи да ја претвори државата во сцена за евтини провокации, на штета на соживотот и европската перспектива“, се наведува во соопштението на ДУИ.
Македонија
„Последната песна ја снимавме неколку дена пред да загине“: се огласи Врчак по загубата на Андреј од ДНК во трагедијата во Кочани
Последната песна со Андреj. Јас до вечерва не можев да слушам музика, пишува Раде Врчаковски – Врчак кој беше добар пријател со членовите на бендот ДНК.
„Не можев ниту на фејсбук да гледам ништо. Уште не можам, уште закрепнувам. Ама пред малку ја пуштив да ја слушнам последната песна со Андреј што ја снимавме неколку дена пред да загине – кога му го слушнав гласот ме врати во живот. Цела љубов и позитивна енергија на Андреј ми се врати во душата, а цела тага ми се претвори во уште поголема љубов“, пишува Врчак по трагедијата во Кочани.
Политика, мито и корупција има позади пресудата за смртта на Теодора, оценува семејството Ристовски
Семејството на Теодора Ристовска која беше смртно прегазена во 2022 година иразува благодарност до јавноста, медиумите и премиерот Христијан Мицкоски...
Бројот на загинати во уривањето на покривот на ноќниот клуб „Џет Сет“ се искачи на 184
Бројот на загинати во уривањето на покривот во ноќниот клуб „Џет Сет“ во Санто Доминго се искачи на најмалку 184,...
Кина со години се подготвува за царините на Трамп, вели уредник на „Економист“
Кина внимателно и долгорочно се подготвуваше за царините од Вашингтон и има низа краткорочни и долгорочни контрамерки, тврди Дејвид Рени,...
Трамп: Ако пропаднат преговорите со Иран, ќе следи воена акција
Американскиот претседател Доналд Трамп ја отфрли можноста за исклучување воена интервенција против Иран, додека високи американски претставници се подготвуваат за...
Америка тврди дека го почитува суверенитетот на Панама во Панамскиот канал
Соединетите Држави го почитуваат суверенитетот на Панама во Панамскиот канал, изјавија панамскиот министер Френк Абрего и американскиот министер Пит Хегсет...
Трамп: Кси е еден од најпаметните луѓе во светот, тој точно знае што треба да направи
Американскиот претседател Доналд Трамп денеска изјави дека ќе паузира некои од своите нови царини на 90 дена и дека дополнително...
Макрон: Франција би можела да ја признае Палестина
Францускиот претседател Емануел Макрон изјави дека Париз може да ја признае палестинската држава во јуни, додавајќи дека за возврат некои...
Трамп зборуваше за одлуката да ги стопира царините три месеци: „Луѓето стануваа малку нервозни“
Претседателот на САД, Доналд Трамп рече дека последниве денови го следел пазарот на обврзници и укажа дека тоа било еден...
Трамп ги стопира царините на 90 дена за сите освен за Кина
Американскиот претседател Доналд Трамп штотуку објави дека ги суспендира царините на 90 дена за сите, освен за Кина. „Врз основа...
Германија го укинува забрзаното доделување државјанства, го ограничува и бројот на работници од Западен Балкан
Денес формираната владејачк црно-црвена коалиција на конзервативните демохристијани и социјалдемократите на Германија се согласила во коалицискиот договор да го откаже...
(Видео) Кажале дека бараат часовник што го изгубил затвореник додека си играл со кучката Цеца, а барале кокаин и марихуана во топка, кривични за штипски затворски полицајци
Директорот на Управата за извршување на санкции, Александар Пандов, поднесе кривични пријави против неколкумина затворски полицајци од затворот во Штип...
Определен 30 дена притвор за директорот на Геријатрија
Судот им определи 30 дена притвор на директорот на ЈЗУ Специјализирана болница за геријатриска и палијативна медицина во Скопје, Мухсин...
ССМ на состанок во Владата: Дојдовме да им кажеме на функционерите дека треба да живеат на минималец ако не ги зголемат платите
Делегација од Сојузот на синдикатите на Македонија (ССМ) точно напладне влезе на состанок со претставници од Владата. Претседателот на ССМ,...
Четворица од повредените лица во пожарот во Кочани денеска се враќаат од странство
Министерството за здравство информира дека денеска се враќаат четворица од повредените лица во пожарот во Кочани, кои се лекуваа во...
„Трошки за работниците наместо вистинско зголемување на платите, Владата ги извиси граѓаните“, велат од СДСМ
„Наместо вистинско и реално зголемување на платите, владата ги извиси работниците. Власта им фрла трошки на работниците со покачување од...
„Десетици нови дестинации од двата домашни аеродрома и преговори за десетина нови авиолинии“, велат од ВМРО-ДПМНЕ
„Владата предводена од ВМРО-ДПМНЕ работи на привлекување нови авиокомпании и нови авиолинии. Во фокусот е развој на авиосообраќајот и зголемување...
(Видео) Мециновиќ побара да не се носи закон за медиуми без дискусија со медиумите
„Јас барам точката седумнаесет, а тоа е предлог на Законот за изменувањето и дополнувањето на Законот за медиумите во прво...
ДУИ: Изјавите на Изет Меџити се шокантни и длабоко вознемирувачки
„Изјавите дадени вчера од Изет Меџити, еден од раководителите на една мала партија во рамки на владината коалиција, се шокантни...
Состојбата на другите четворица пациенти од пожарот во Кочани во „Пирогов“ и понатаму е сериозна, но стабилна, изјави Аргирова
Состојбата на другите четворица пациенти во „Пирогов“ сѐ уште е сериозна, но стабилна. Ова во „Денот почнува“ го изјави раководителот на...
„Сам нека си ги одгледува кокошките“: кинеските социјални мрежи преполни со пораки против Трамп
Додека Кина се подготвува за царини од 104 отсто на голем дел од извозот во Америка, на кинеските социјални мрежи...
