Македонија
Спасовски: На пат сме да го расчистиме случајот со бомбите во Кавадарци

МВР соработува со сите меѓународни партнери, кои се известени за заканите за бомби во државата, посочи на денешната прес-конференција министерот за внатрешни работи, Оливер Спасовски.
„Сите меѓународни партнери се известуваат за дојавите за бомби. Ги споделуваме информациите и податоците што ги имаме со цел да добиеме помош. Најчесто станува збор за ВПН-конекција во која вие не можете да добиете точна ИП-адреса, туку се појавуваат илјадници ИП-адреси во светот од тој провајдер. Сега сме на пат да го расчистиме случајот во општина Кавадарци, се преземаат сите можни мерки“, изјави Спасовски.
Како што рече министерот, Секторот за меѓународна полициска соработка е во постојана комуникација со Интерпол и Европол. Тој очекува дека деновиве ќе се одржи и Советот за координација на безбедносно разузнавачките служби, на кој се очекува да се разменат сите податоци што ги имаат Агенцијата за национална безбедност, Агенцијата за разузнавање и Комитетот за борба против тероризмот.
Работиме со партнерите, но не секогаш е едноставно да дојдете до решението, рече Спасовски.
И денеска во Скопје пристигнале дојави за бомби во неколку основни и средни училишта во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Денес сончево време со температура до 28 степени

Времето денес ќе биде сончево и топло со мала до умерена облачност. Ќе дува умерен, а долж Повардарието повремено засилен ветер од северен правец. Попладне ќе има услови за краткотраен локален дожд и појава на ретки грмежи.
Минималната температура ќе биде во интервал од 2 до 10, а максималната ќе достигне од 21 до 28 степени.
Во Скопје, сончево и топло време со мала до умерена облачност. Попладне во делови од котлината ќе има услови за слаб дожд. Ќе дува умерен, а во делови од котлината повремено засилен ветер од северен правец.
Минималната температура ќе се спушти до 8, а максималната ќе достигне до 28 степени.
Македонија
Колони возила и утрово на граничниот премин со Грција

Големи колони има и утрово на граничниот премин со Грција, на излез од државата.
Од АМСМ велат дека времето на чекање на „Богородица“ е околу 30 минути. Зголемена фреквенција на возила, рано утринава имаше и на „Табановце“.
Гужвите наа грчката граница почнаа од вчера, со оглед на тоа што денешниот 1 Мај е неработен ден, а дел од граѓаните го поврзаа празникот се претстојниот викенд.
Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.