Македонија
Средба на претседателот Џафери со генералниот секретар на ЦЕИ, Роберто Антоњоне

На денешната средба на претседателот на Собранието, Талат Џафери, со генералниот секретар на Централноевропската иницијатива (ЦЕИ), италијанскиот сенатор Роберто Антоњоне, кој престојува во работна посета на Република Македонија, беа разменети повеќе информации и мислења околу досегашната и идна соработка на нашата земја во рамките на ЦЕИ.
Претседателот на законодавниот дом, посакувајќи му добредојде на гостинот, упати честитка по повод неговиот избор за генерален секретар на ЦЕИ во периодот кога се одбележуваат 30 години од формирањето на оваа иницијатива и притоа изрази уверување дека со успешното затворање на спорот со Република Грција, како и нашето членство во НАТО и ЕУ, на некој начин во голема мера полека ја исполнуваме и мисијата на ЦЕИ, а тоа е пред сѐ европското интегрирање на регионот на Западен Балкан, како и зајакнувањето на соработката и добрососедската политика како клучни фактори за развој на земјите од Балканот.
Претседателот Џафери, исто така, го потенцираше фактот дека улогата на парламентарната соработка во рамките на ЦЕИ е од големо значење и нагласи дека парламентарната делегација на Собранието на Република Македонија активно ќе продолжи да учествува во работата на парламентарната димензија на ЦЕИ и во наредниот период затоа што со тоа се отвораат многу можности за директна и непосредна комуникација и соработка меѓу државите на сите полиња.
Генералниот секретар на ЦЕИ, сенаторот Роберто Антоњоне, изрази задоволство од средбата со претседателот Џафери и упати честитки за големиот успех што го постигнавме како држава во решавање на спорот околу името со Република Грција и отворањето на нашиот пат кон Европа и изрази надеж дека овој пристап на решавање на отворените прашања меѓу соседите ќе биде пример за сите други земји во регионот.
Тој, исто така, нагласи дека ЦЕИ како иницијатива за поврзување и интегрирање на земјите од регионот кон европските вредности, претставува еден вид алатка преку која државите полесно може да ја артикулираат и реализираат својата политика за стабилизација и интеграција. На крај, генералниот секретар на ЦЕИ изрази уверување во успешното продолжување на досегашната соработка и нашата партиципација во рамките на институциите на ЦЕИ. Двајцата соговорници ѝ посакаа на Италијанската Република успешно претседавање со ЦЕИ во 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски-Спајиќ: во фокусот посветеноста на европската интеграција на Западен Балкан

Во пресрет на утрешниот Самит ЕУ – Западен Балкан, денеска министерот за надворешни работи и надворешна трговија, Тимчо Муцунски, оствари средба со премиерот на Црна Гора, Милојко Спајиќ.
Двајцата се дел од овогодинешната група добитници на признанието „Млад глобален лидер“ (YGL) на Светскиот економски форум – мрежа која веќе две децении обединува исклучителни личности под 40 години кои предводат позитивни промени ширум светот.
Програмата за млади глобални лидери е симбол на колективна акција и визија, поттикнувајќи нови форми на лидерство во ера на глобални трансформации. Тоа што двајца политичари од Западен Балкан се дел од оваа заедница е потврда за промените што оваа генерација ги носи во регионот, информираат од МНР.
На средбата се разговараше за зајакнување на билатералната и регионалната соработка, како и за потврдување на заедничката посветеност на европската интеграција на Западен Балкан – како дел од визијата за обединета, просперитетна и силна Европа.
Македонија
МВР: Од 1 јули летен режим на сообраќај за тешки товарни возила

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, соопшти МВР.
Забраната се однесува за следните термини:
петок од 17:00 – 22:00 часот
сабота од 09:00 до 19:00 часот
недела од 09:00 до 22:00 часот
Во деновите со екстремно високи температури, определени од Министерство зa здравство, забраната ќе важи и од понеделник до четврток во период од 11:00 до 17:00 часот.
Специјален сообраќаен летен режим за тешки товарни возила се воведува и на патниот правец А2 Скопје – Охрид – Скопје во периодот од 01.07.2025 до 01.09.2025, и тоа:
Од понеделник до четврток од 11:00 до 17:00 часот, само во денови со екстремно високи температури определени од Министерството за здравство:
петок од 17:00 – 22:00 часот
сабота од 07:00 до 12:00 часот и од 18:00 часот до 24:00 часот и
недела од 07:00 до 22:00 часот
– Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
Македонија
Пренасочување на возилата поради сообраќајка на патот Демир Хисар – Кичево

Од 19:10 часoт има пренасочување на сообраќајот на патниот правец Р1305 Демир Хисар – Кичево поради случена сообраќајна незгода, возилата ќе бидат пренасочени преку с.Единаковци, соопшти АМСМ.
Сообраќајот на државните патишта се одвива непречено, по суви коловози.
Според последното известување од АМСМ, интензитетот на сообраќај на патните правци надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.