Македонија
Средба Петровска – Чернохова: Северна Македонија и Чешка ја продлабочуваат одбранбената соработка
![](https://makfax.com.mk/wp-content/uploads/2023/02/thumbnail_Petrovska-Chernochova-3.jpg)
Министерката за одбрана, Славјанка Петровска, денеска со пречек со високи воени почести ја почна својата официјална посета на Чешката Република, во чии рамки оствари средба со чешката министерка за одбрана, Јана Чернохова.
Двете министерки се согласија дека неодамна потпишаниот договор за ремонт на хеликоптери помеѓу двете влади ќе ја зајакне и интензивира билатералната и одбранбената соработка помеѓу државите.
„Неодамна склучениот договор за ремонт на два хеликоптера на Армијата на Република Северна Македонија претставува уште еден доказ за интензивирање на нашата соработка во одбраната, но и на нашата блискост во алијансата“, истакна Петровска.
На средбата, оценувајќи ја билатералната соработка со Чешката Република како одлична, министерката Петровска истакна дека Чешка не е само наш близок НАТО-сојузник, туку е и гласен поддржувач на европската интеграција на Северна Македонија.
„Чешка е доследен и гласен поддржувач на евроинтеграцијата на Северна Македонија и за тоа сме благодарни и сметаме на чешката поддршка и во иднина“, потенцира Петровска и додаде дека евроинтеграцијата на Северна Македонија и другите држави од Западен Балкан ќе даде позитивен импулс и за безбедноста на регионот.
„Сегашната геополитичка реалност ја наметнува потребата од забрзување и поттикнување нова динамика во процесот на евроинтеграцијата на Северна Македонија и другите земји од Западен Балкан бидејќи ќе се ублажат негативните влијанија на Балканот и воедно ќе се создадат поповолни услови за решавање на отворените прашања“, истакна Петровска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Левицата: Две години Град Скопје е заложник на меѓусебната војна на ДПМНЕ и Арсовска, а резултатот е очигледен – хаос и колапс на градот во секоја сфера
![](https://makfax.com.mk/wp-content/uploads/2021/03/levica.png)
Веќе 6 месеца ДПМНЕ во Советот на Град Скопје не ги гласа Програмите за работа на јавните претпријатија под надлежност на Градот. Jавните претпријатија без овие програми не можат ништо да работат! Се поставува прашањето зошто и кому му оди во прилог инаетот што советничката група на ДПМНЕ во Град Скопје го води со актуелниот градоначалник, Арсовска, се вели во соопштението на Левица.
„Градоначалникот како извршен орган не може и не смее да презема дејствија без одлука на Советот, а откако ДПМНЕ „се скара” со сопствениот кандидат за градоначалник, не дозволува во Советот на Град Скопје да биде донесена било каква одлука во корист на граѓаните, освен БУЏЕТОТ на Градот и одлуките за платен паркинг во трговските центри во Скопје. Веќе две години Град Скопје е заложник на меѓусебната ,,војна” на ДПМНЕ и Арсовска, а резултатот е очигледен – хаос и колапс на градот во секоја сфера. Иако ДПМНЕ има мнозинство во управните одбори на јавните претпријатија во Скопје, тоа не ги спречува истите одлуки кои нивните членови ги гласаат во управните одбори, советниците на ДПМНЕ да не ги гласаат во Советот на Градот Скопје“, велат од партијата.
Скопје
Герасимовски: Признанијата доаѓаат, „Енергија Центар“ наградена за најголем придонес во искористување обновлива енергија
![](https://makfax.com.mk/wp-content/uploads/2024/06/WhatsApp-Image-2024-06-20-at-13.13.49_74fe2fb5.jpg)
Трговското друштво „Енергија Центар“ за производство и продажба на електрична енергија кое го основаше Општина Центар доби награда за компанија која во изминатите 12 месеци дала најголем придонес кон одржливоста и искористувањето на обновливи извори на енергија. Наградата ја додели Факултетот за електротехника и информациски технологии (ФЕИТ), Универзитетот „Св. Кирил и Методиј“ во Скопје, (УКИМ),) и ЕВН Македонија односно проектот TRANSIT каде учество земаат претпријатија со дејност во полето на енергетиката и обновливите извори на енергија. Градоначалникот на Општина Центар Горан Герасимовски на доделување на наградата истакна дека со основање на „Енергија Центар“ Општина Центар вложува во долгорочни инвестиции за бенефит и на следните генерации.
„Сакам да искажам благодарност за оваа награда која воедно е и признание дека Општина Центар ги носи иновациите и дека преку користењето на обновливите извори на енергија вложува во проекти на долг рок, за бенефит на многу следни генерации. Преку „Енергија Центар“ нашата цел е да поставиме фотоволтаични централи на сите институции под капа на општината. Тоа се основните училишта, градинките и Јавното претпријатие „Паркинзи на Општина Центар“. А заштедите од намалените сметки за струја и од продажбата на вишоците електрична енергија да инвестираме во нови енергетски фасади, поголемо зеленило, инфраструктурни решенија и проекти кои ќе им бидат од корист на граѓаните“, изјави Герасимовски.
Герасимовски на денешниот Ден на енергија и одржливост кој го организира ФЕИТ каде беа доделени наградите исто така истакна дека покрај претпријатието Општина Центар отвори и „Енергетска канцеларија“ каде правните и физички лица може да се информираат за постапките и чекорите при поставување фотоволтаици.
Македонија
Мицотакис: Скопје да сфати дека не може да си игра со Атина за прашањето на името
![](https://makfax.com.mk/wp-content/uploads/2022/06/micotakis-x-epa.jpg)
Грчкиот премиер Кирјакос Мицотакис во интервју за радиото „Реал фм“ го коментира ставот на мандатарот за формирање влада, Христијан Мицкоски, во врска со употребата на името Македонија.
„Премиерот на Северна Македонија, ако од моментот кога ќе ја презеде должноста, инсистира на оваа реторика, ќе се најде во многу непријатна позиција кога ќе се сретнеме на НАТО-самитот“, рече грчкиот премиер.
Тој додаде и дека договорот од Преспа обезбедил едно име за севкупна употреба, а не двојна формула, и го повтори ставот дека оспорувањето може да создаде проблеми во односите со Грција, со НАТО и ЕУ, но и дека прашањето ќе го иницира на НАТО-самтитот во првата половина на јули.
„Секако, ќе го иницирам и мислам дека ќе имам многу сојузници во овој обид. Скопје да сфати дека не може да си игра со Атина за такво прашање бидејќи ако земјата се стремеше кон двојно име, прашањето ќе беше затворено пред многу години. Скопје влезе во НАТО токму преку договорот, кој има свои проблеми, меѓутоа обезбеди едно име за сите и ако ова се оспори, тогаш да знае Северна Македонија дека ќе има големи проблеми не само во нејзините билатерални односи со Грција туку и во односите со НАТО и Европската Унија кон која има амбиција во некој момент да стане членка“, рече Мицотакис.