Македонија
ССНМ пред Шахпаска укажа на ризиците со кои се соочуваат медиумските работници

Министерката за труд и социјална политика, Јагода Шахпаска, денес се сретна со претставници на Самостојниот синдикат на новинарите и медиумските работници (ССНМ), и се зборуваше за потребата од поголема социјална и економска сигурност на новинарите и медиумските работници и унапредување на нивните работничките права.
Од страна на претставниците на ССНМ беа посочени предизвиците со кои се соочува оваа фела, ризиците за здравјето на медумските работници, условите за работа, работата во смени и прекувремената работа, исполнителноста на обврските од страна на работодавците на договорите за вработување и потребата од предвремено пензионирање, односно бенефициран стаж.
Министерката Шахпаска изрази подготвеност за дијалог и соработка со сите засегнати страни при подготовка на измените и дополнувањата на нацрт-верзиите на Законот за ПИО и Законот за работните односи и укажа на повеќе решенија што би биле вградени во законски рамки. Воедно, таа изрази силно уверување дека Министерството за труд и социјална политика и релевантните институции ќе бидат партнери при надминување на предизвиците што беа дискутирани на средбата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Аеродром и Сопиште

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, корисниците од ул. Црноризец Храбар. (општина Аеродром)
– во периодот од 09.00 до 14.00 часот, корисниците од ул. 11 во Горно Соње. (општина Сопиште)
Македонија
Променливо облачно со слаб северен ветер, попладне врнежи од дожд

Променливо облачно со слаб до умерен ветер претежно од северен правец. Попладне ќе има локални врнежи од дожд, кои во текот на ноќта ќе се прошират насекаде и наместа ќе бидат пообилни. Минималната температура ќе биде во интервал од 4 до 14, а максималната ќе достигне од 15 до 20 степен.
Во Скопје, променливо облачно со слаб северен ветер. Кон крајот на денот, а особено во текот на ноќта ќе има врнежи од дожд. Минималната температура ќе се спушти до 10, а максималната ќе достигне до 19 степени.
Времето во наредните денови
До петок под влијание на влажен бран ќе има врнежи од дожд, кои наместа ќе бидат обилни. Вкупно од овој бран се очекува на повеќе места да наврнат над 30 l/m², а локално и над 50 l/m². Поради продор на постудена воздушна маса од север и засилен северен ветер, во четврток на повисоките планини врнежите ќе преминуваат во снег, а поради натамошно спуштање на студен воздух, во петок ќе има услови да преминуваат во снег и на некои од повисоките места. На повисоките планини ќе се формира снежна покривка.Температурата на воздухот значително ќе опадне. Во деновите од викендот ќе има стабилизирање на времето со пораст на дневната температура
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект на приклучна цевка на булеварот Партизански Одреди бр. 59а, без вода ќе останат корисниците лоцирани на десната страна на потегот од булеварот 8-ми Септември до Франклин Рузвелт. (општина Карпош)
Водоснабдувањето ќе биде прекинато во периодот од 09.00 часот па се до отстранување на дефектот.