Македонија
Стоилковски: Заев треба да побара оставка од Курто Дудуш

Зоран Заев, наместо да побара оставка од Курто Дудуш, тој вчера побара да ја слушнел другата страна од приказната зошто и дали имало оправдана причина некој да биде незаконски затворен, тепан, измачуван и навредуван од Дудуш, изјави портпаролот на ВМРО-ДПМНЕ, Наум Стоилковски.
„Па зарем постои доволно добра причина и оправдување човек да биде повикан и бесправно лишен од слобода во градоначалнички кабинет, а потоа измачуван, тепан и навредуван со најпогрдни зборови“, рече Стоилковски.
Опозицијата обвини дека Зоран Заев во случајот со Дудуш докажал дека е носител на криминогеното и насилничко однесување на власта.
„Тој е поддржувач, одобрувач и заштитникот на сето тоа. Одговорност за овој случај, како и за многу други пред тоа, ќе има кога Зоран Заев ќе падне од власт и кога ќе се ослободат и полицијата и Обвинителството од партиските стеги.
За жал, тоа е менталната матрица на еден аболиран криминалец како што е Зоран Заев. Тој ќе искине и железни опинци само за да ги заштити, поддржи и поттикне криминалот и беззаконието на своите партиски пулени“, рече Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Прекинато водоснабдување во дел од Општина Карпош

Од ЈП Водовод и Канализација известуваат дека денеска поради дефект на шибер од ф – 80 мм на ул. Руѓер Бошковиќ бр. 15, во периодот од 09.00 часот па се до отстранување на дефектот без вода ќе останат корисниците лоцирани на потегот од бул. Осми Септември до раскрсница со ул. Никола Тесла. (општина Карпош).
Македонија
Мицкоски ќе се сретне со Орбан во Будимпешта

Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба.
Мицкоски во рамки на посетата ќе се сретне со унгарскиот премиер, Виктор Орбан.
Македонија
Сојузниците од НАТО треба да трошат по 5 отсто од БДП за одбраната, му рекол Рубио на Муцунски

Државниот секретар на САД, Марко Рубио на средбата со шефот на македонската дипломатија, Тимчо Муцунски, нагласил дека е неопходно сојузниците во НАТО да дадат поддршка и да постигнат 5 отсто издвојување за одбраната, соопшти Стејт Департментот во соопштение по средбата.
Двајцата ја потврдиле силната врска меѓу Соединетите Американски Држави и Северна Македонија и ги истакнале заедничките интереси во однос на регионалната стабилност, економската соработка и НАТО.
Тие разговарале и за можностите за проширување на економската соработка, вклучувајќи ја трговијата и инвестициите.
Муцунски по средбата соопшти дека е потврдено стратешкото партнерство со САД, а нашата држава продолжува да дава активен придонес како кредибилен сојузник, со инвестиции повеќе од 2 отсто од БДП во одбранбениот сектор.