Македонија
Стоилковски: Јавно приватно партнерство во последниве пет години се поврзува само со бројни афери
„Во текот на годината редовно сакале или не и она што не е баш пријатно за слушање излегуваат бројни афери поврзани со криминал и корупција и лукративност, а тоа и ќе биде една од темите на денешната трибина. Последиците од таа корупција и негрижата добија видливост во времето на пандемијата. Пандемијата ја покажа целосната политизација, корупција и едноставно немање на протоколи барем во првите година ипол или две од КОВИД-19“, истакна Наум Стоилковски, портпарол на ВМРО-ДПМНЕ на денешната трибина насловена „Состојбите во здравството“ организирана од ВМРО-ДПМНЕ.
Стоилковски додаде дека кога се говори за јавното здравство тоа опфаќа многу поголем спектар на учесници отколку само доктори, а тоа се сестри, болничари, лаборанти, медицински персонал, кои што исто така се дел и ја креираат сликата за здравството, а тие за жал се недоволно почитувани од страна на оваа влада.
„И ќе дадам лична оценка за министерството за здравство во делот на јавно приватно партнерство наместо да се добијат поквалитетни услуги, самиот термин јавно приватно партнерство во последниве пет години се поврзува само со бројни афери. Кај нас се поврзува со стерилизација на хируршките инструменти, понатаму приватизација на Брза помош, исто така една лукративна идеја која што се појави во Владата водена од СДСМ и ДУИ, па дури стигна и до момент на набавка на медицински хеликоптери, а притоа еден проект како Клинички центар пет години се најавува односно на секои шест месеци, а нема ниту основен проект направено“, појасни Стоилковски.
Стоилковски додаде дека речиси две години немаше протоколи пропишани за борбата односно справување со КОВИД-19. Дури не само што државата немаше доволен број на вакцини, туку немаше ниту доволен број на тестови за детектирање на вирусот КОВИД-19.
„Во извештајот на ЕК се вели дека Македонија е делумно усогласена со правото на ЕУ за заразни болести. И понатаму има во делот за вакцинацијата дека третиот бран на пандемијата го доведе капацитетот на здравствениот систем до неговите граници за зафатеност на болнички кревети до 90%, а вакцинацијата започна во февруари 2021 година. Според националниот план е предвидено 60% од населението да се вакцинира до крајот на 2021 година. До почетокот на октомври 2021 година целосно вакцинирани во Македонија биле само околу 35% од населението“, истакна Стоилковски.
Стоилковски потсети дека покрај немањето на протоколи и немање на вакцини се поттикна недовербата кај граѓаните кон јавното здравство, но и кон вакцинацијата.
„На оваа трибина се разгледа по неколку месеци извештајот на ЕК за јавното здравство во Македонија. Но се разгледаа и состојбите во јавното здравство. И се дојде до заклучок дека е потребна реорганизација во јавното здравство во Македонија за да може да одговори на предизвиците и тоа мора да биде проследено со една континуирана и специјализирана обука која што има застанато неколку години“, посочи Стоилковски.
Стоилковски додаде дека јавното здравство е разорано од власта со криминал и корупција, лукративни моменти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова на средба со швајцарскиот претседател Пармелан во Дубаи
Претседателката Гордана Сиљановска-Давкова, во рамки на учеството на Светскиот самит на владите во Дубаи, оствари средба со претседателот на Швајцарската конфедерација, Ги Пармелан.
„На средбата беше реафирмирано високото ниво на партнерство меѓу двете држави, што се основа на пријателство, заемна доверба и почит. Претседателката изрази уверување за натамошно продлабочување на политичкиот дијалог на највисоко ниво. Во таа насока, претседателката упати покана за официјална посета на претседателот Пармелан“, соопштија од Кабинетот на Сиљановска-Давкова.
Таа се заблагодарила за проектната помош во различни области, со што Швајцарија е меѓу најголемите билатерални донатори во нашата држава.
Посочила на важноста на поддршката што Швајцарија ја дава за стратешките определби на нашата држава, што според неа ја демонстрира швајцарската посветеност за стабилност, развој и европска иднина на нашиот регион.
Соговорниците го споделиле мислењето за важноста на бројната македонска заедница во Швајцарија како важна нишка во развојот на односите меѓу двете држави.
Претседателката повикала на натамошно интензивирање на економската соработка и зголемување на трговската размена, вклучително и зголемување на швајцарските директни инвестиции.
Сиљановска-Давкова изразила сочувство за трагедијата во ноќниот клуб во Кран Монтана на новогодишната ноќ и загубата на човечки животи, како ужасен потсетник на трагедијата во Кочани, што остави трајни рани во македонското општество.
Двајцата претседатели размениле мислења и за актуелните случувања на глобален план.
Македонија
Утре променливо облачно време со температура до 11 степени
Времето утре ќе биде променливо облачно со умерен до засилен ветер од југоисточен правец. Попладне и во текот на ноќта ќе има локални врнежи од дожд, кои ќе бидат пообилни во југоисточните делови. На повисоките планини врнежите ќе бидат од снег, информира УХМР.
Минималната температура ќе биде во интервал од 2 до 7, а максималната ќе достигне од 7 до 11 степени.
Во Скопје, променливо облачно со умерен, повремено засилен ветер од југоисточен правец. Кон крајот на денот, а особено во текот на ноќта ќе има повремени врнежи од дожд. Минималната температура ќе се спушти до 4, а максималната ќе достигне до 10 степени.
Од утре следува период на променливо облачно време со повремени локални врнежи од дожд со променлив интензитет. На повисоките планини врнежите ќе бидат од снег. Ќе дува слаб до умерен, а во текот на утрешниот ден засилен ветер од југоисточен правец. Температурите ќе бидат во пораст.
Македонија
Министерот – глумец контра правата на културните работници, велат од Левицата
Министерот за култура, Зоран Љутков е тотално отсутен и очигледно незаинтересиран за условите и правата на своите довчерашни колеги – културните работници. Веднаш по стапување на функција, тој го сврте грбот на сѐ што значи култура во Република Македонија, реагираат од Левица.
„Министерот очигледно не ги разликува колективните договори, нивната важност и примена. Му укажуваме дека Колективниот договор за култура не е еден од најдобрите во Република Македонија, напротив далеку од тоа. Истовремено, Општиот Колективен договор за јавниот сектор, кој е донесен подоцна, важи за сите вработени во културните институции и неговите одредби задолжително се применуваат.
За на јавноста да и биде појасно, најголем проблем со испразнетите буџети произлегува од членот во Општиот колективен договор кој предвиде зголемување на платите на културните работници од 10 проценти, почнувајќи од септември 2023 година. Министерството за култура најпрвин го имплементираше ова право и ги зголеми платите за подоцна да донесе решенија со кои истотот зголемување го суспендираше..
За да биде поуверлив во своите настапи, министерот-глумец дури сам си ги спонзорира на социјалните мрежи своите настапи од собраниската говорница, нешто налик на самопромоција, имајќи во предвид декана културните работници повеќе не им се интересни неговите улоги“.
Ароганцијата, додават од оваа партија, оди дотаму што министерот јавно коментира судски одлуки од собраниска говорница и тоа, како што велат, на неправосилни пресуди кои културните работници ги добија во прв степен. „
Но, познавајќи го карактерот на владеачката партија и нејзините тесни врски со судството, сосем е можно повисоките судови да ги укинат првостепените пресуди, а не да ги поништат како што тврди неинформираниот министер.
Но, самиот факт што министерот за култура ги изложи своите колеги на судски процеси треба да му биде јасена слика дека води политика спорот на интересите на културата и културните работници. Да не заборавиме и дека министерот ги остави културните работници без плата за време на празниците, без никакво соопштение или објаснување“.
Левица го повикува министерот, како што истакнуваат, да се вразуми и конечно да ги заштити стекнатите права на културните работници.

