Право на глас на осмите Локални избори 2025 в недела имаат 1.832.415 гласачи, од кои 1.717.803 во земјата и 112 илјади запишани во посебниот избирачки список со лица во странство, 2.162 затвореници или во притвор и 450 гласачи во старските домови. Гласање во дијаспората нема, но доколку лицата кои се на привремена работа или живеат во странство допатуваат во земјата ќе можат да го остварат своето право на глас.

Во Градот Скопје вкупната бројка на гласачи е 474.304 илјади. Од општините најмногу граѓани со право на глас има во Куманово – 94.041, во Гостивар 82.893, Тетово 87.878, Битола 77.253, скопски Аеродром 68.772, Струга 62.711 и Прилеп со 62.053 гласачи. Најмалку, пак, има во Лозово 1.905, во Вевчани 2.092, Новаци 2.429, во Конче 2.716 и во Ранковце 2.921 гласач.

Според Изборниот законик се гласа на 3.480 избирачки места, но годинава имаме шест избирачки места каде што нема население, па така ќе се гласа на 3.474 избирачки места. Според информации од ДИК, 125 избирачки места се со помалку од 10 гласачи кои ќе го остварат своето право на глас во најблиското гласачко место. Осум избирачки места имаат по десет гласачи, шест со по 11, 18 со 12 гласачи, а три со по 13 гласачи…

Најбројно избирачко место во земјата е во Бутел. Станува збор за избирачкото место 2915 со 1432 гласачи. Во 70 избирачки места има над илјада гласачи, и секаде каде што имало можност поради функционалност на гласањето, избирачите се распоредени во соседни избирачки места.

Најстариот гласач во земјава запишан во Избирачкиот список е роден 15 мај 1918 година, додека најмладиот кој ќе има можност да гласа ќе стане полнолетен на самиот ден на гласање на 19 октомври.

Вкупен број на гласачи со 18 години запишани во Избирачкиот списокот е 25.603.

Локалните избори 2025 се осми од независноста на државата, а четврти на кои се избираат градоначалници и советнички листи во 80 општини и Градот Скопје. Ќе се гласа за 309 кандидати за градоначалници и 576 кандидатски листи за членови на општинските совети или за вкупно 10 490 кандидати.

На изборите учествуваат 22 партии, 19 коалиции и 119 групи на избирачи односно независни кандидатури.

Најмногу кандидати за градоначалници има за Градот Скопје – 16.

Фероинвест ја изведе првата батерија во Македонија, која, согласно новите законски одредби, има градежна дозвола, согласност за приклучок на мрежа и лиценца за складирање електрична енергија.

Батерискиот систем е поставен на фотонапонската електрана во Гиновце, во близина на Крива Паланка, која е во делумна сопственост на сестринската компанија Централинвест, заедно со неколку деловни партнери.

Електраната има инсталирана моќност од 4,5 MW (мегавати) и батериски систем од 6,1 MWh (мегаватчаса), со кој секојдневно управува Фероинвест преку сопствен систем за програмирање и контрола.

Искуството од првите недели од работењето на батеријата покажува дека е постигната двојно повисока цена за продажба на електричната енергија во споредба со фотоволтаична електрана без батерија. Ова значи дека батеријата ќе се исплати за 3 години, а ќе има и значително подобрена исплатливост на самата електрана.

Батеријата овозможува електричната енергија да се складира во текот на денот, кога има високо производство од сонце, а пазарните цени се ниски, и да се користи или продава во ноќните часови, кога нема сончево производство, а побарувачката на енергија и пазарните цени се драстично повисоки.

На овој начин батериите создаваат добивка за производителот, односно за електраната, а истовремено му помагаат на електроенергетскиот систем на Македонија, штитејќи го од преоптоварување со прекумерни количини енергија во критичните часови од денот. Овој тренд, кој произлегува како последица од инсталирањето на поголем капацитет на фотонапонски електрани од реално потребниот, Фероинвест го согледаде уште пред две и пол години и започна со истражување и инвестирање во развој на батериски системи.

Најнапред истите ги инсталира на сопствени проекти, а во моментов работи и на батериски системи за други инвеститори, со капацитет од над 50MWh, кои ќе почнат со работа од нова година.

Во Македонија се инсталирани над 1.000 MW фотонапонски електрани, за кои ќе бидат потребни околу 2.000 MWh батериски системи. Фероинвест ќе учествува во значителен дел од овие проекти, и како изведувач  и како инвеститор.

                                                                                                                                                         Комерцијален текст

Средношколците од цела Македонија имаат уште осум дена да ја пријават својата бизнис идеја и да освојат 1.000.000 денари, во натпреварот „Средношколец милионер“, организиран од Brainster NEXT колеџот и NU академиите за талентирани ученици.

Пријавувањето е сè уште отворено и бесплатно на milioner.mk (milioner.mk), , а според податоците од Бреинстер групацијата, веќе се пристигнати значителен број на оригинални и иновативни предлози од средношколци ширум земјата – и нивниот број се зголемува од ден на ден, како што наближува крајниот рок за пријавување.

Натпреварот има за цел да ја поттикне креативноста, иновативноста и претприемачкиот дух кај младите, како и да покаже дека добрата идеја може да започне во училишна клупа, а да заврши како успешна приказна.

„Натпреварот е отворен за сите средношколци од прва до четврта година, без оглед дали доаѓаат од државните и приватните средни училишта. Она што го бараме од нив е една креативна идеја за бизнис, но и желба за стекнување знаење и искуство кое ќе им биде пренесено од искусни ментори во делот на претприемништвото“, објаснува Анастасија Илиевска од Бреинстер некст.

Натпреварот Средношколец милионер има неколку фази од која првата е фазата на пријавување идеи, која трае до 26 октомври. Од сите пријавени ќе се одберат 50 идеи, кои ќе одат на јвано гласање на страната milioner.mk, после што јавноста ќе ги одбере 20- те финалисти кои продолжуваат понатаму.

На 29 ноември финалистите после процес на работа со менторите, ќе треба да ја презентираат идејата пред инвеститори преку „elevator pitch“ за само 90 секунди. Од тука ќе се селектираат 10-те финалисти, кои во финалето на 30 ноември во просториите на Бреинстер некст и НУ академиите ќе се борат за победа, а стручното жири ќе избере една идеја која ќе добие 1.000.000 денари.

„Сакаме искрено да ти поттикнеме подеднаво и средношколците, но и наставниците и родителите да ги поттикнат младите да се пријават со својата бизнис идеја, затоа што лоша бизнис идеја нема – можат да аплицираат со секоја идеја која ја имаат на milioner.mk “, појаснува Илиевска.

Организаторите велат дека добитникот на 1.000.000 денари нема да биде обврзан да ги вложи парите во бизнис идејата со која победил, ниту пак Бреиснтер ќе бара удел во бизнисот долколку победникот реши да ја реализира бизнис идејата. Заинтересираните средношколци за милионската награда имаат рок за пријава до 26-ти октомври.