Македонија
Таки Фити : Треба да се заборават поранешните штетни практики на привилегирање на бизниси блиски до власта

Последната сесија од вториот дел од форумот „Две години влада – Одоговорно пред граѓаните“, посветен на приоритетите на Владата, беше посветена на економијата, и на неа зедоа учество претседателот на Академијата на науките и уметностите на Северна Македонија – МАНУ, Таки Фити, претседателот на УО на НЛБ Банка ад Скопје, Антонио Аргир и Коста Петров, претприемач.
Претседателот на Академијата на науките и уметностите, Таки Фити истакна дека академијата во своите документи ја има истакнато пазарната економија како носител на економскиот раст и развој и дека тој развој треба да дојде од реалниот сектор, со поддршка на политиките на Владата.
„Владата мора да обезбеди модерна стопанска инфраструктура, праведна и фер регулација на бизнисите, еднаков третман на фирмите во пристапот до јавните набавки и со сите облици на државна помош на стопанството“, потеннцираше академик Фити и додаде дека треба да се заборават поранешните штетни практика на привилегирање на бизниси блиски до владејачка структура.
Академик Фити потенцираше дека особено внимание во иднина треба да се посвети на реализацијата на јавните инвестиции, особено во патната инфраструктура, гасификацијата и енергетиката, со посебно внимание на заштитата на животната средина.
Како посебна препорака за идните приоритети на Владата, академик Фити ја нагласи неопходноста од промената на структурата на македонската економија за да им се даде предност на иновативните, современо ориентирани компании.
„Кај нас знаењето во економијата учествува само со 30 % во динамизирање на растот, во развинетите земји овој процент изнесува од 50 до 60%, и затоа е особено значајно тоа што го прави Владата, заедно со Фондот за иновации и технолошки развој во поддршката на иновативни бизниси“, рече претседателот на Академијата на науките и уметнстите на Северна Македонија – МАНУ, академик Таки Фити.
Антонио Аргир, претседателот на УО на НЛБ Банка АД Скопје, ја поддржа препораката на академик Фити за поддршка на иновативните бизниси и на економијата заснована на знаење, а посебно ја истакна вредноста којашто произлегува од стабилната политичка ситуација, од решените проблеми со соседите, од стабилни макроекономски политики кои резултираа со задолженост и стабилен банкарски сектор.
„Она што е клучно е да го золемиме нивото на реализација на капитални инвестиции, како клучни за краткорочните и долгорочни ефекти важни за економијата. Мојата препорака за еден од идните приоритети на Владата е да ги засили политиките за борба против одлевањето на младите стручни потенцијали од земјата.
Претседателот на УО на НЛБ Банка АД Скопје Антонио Аргир сугерираше дека фокусот во иднина треба да биде ставен на дополнителен поттик на домашните, извозно ориентирани компании, кои во рецесијата се покажаа како најрезистентни на економските кризи.
Во својот дел од учеството во вториот дел од форумот „Две години влада – Одоговорно пред граѓаните“, посветен на приоритетите на Владата на Република Северна Македонија на економијата, претприемачот Коста Петров нагласи дека за прв пат во историјата на државата имаме успешни бизниси кои се резултат на љубов и макотрпна работа, и на поддршката на Владата на малите и средни компании.
„Овие претприемачи се факторот кој може да ја промени бизнис реалноста на Северна Македонија, и многу е важно да продолжат политиките и економските програми за да бидат уште понепосредни вклучени во процесите кои ќе го направат нашиот живот подобар“, нагласи Петров, и ја поддржа неопходноста од поголема соработка на гигантите со старт ап компаниите, како и неопходноста од поголемо учество на жените во политиката и во бизнисот.
Премиерот Заев, како резиме на денешниот форум „Две години влада – Одговорно пред граѓаните“, се заблагодори за интересот и активното учество на учесниците на настанот, кои како претставници на општеството и граѓаните, го дадоа својот придонес за критички осврт кој е од голема помош за идните активности на Владата.
„Оваа Влада покажа дека сака да учи и да се корегира. Владеењето на правото да го видиме во пракса, борбата против омразата и против корупцијата да ги видиме во пракса и на дело. Мора да се осврнеме на ранливите категории на граѓани. Тоа е обврска на сите. Мора да го дигнеме квалитетот на живот на граѓаните“, нагласи премиерот Заев и додаде дека имплементацијата на законите ќе биде поуспешна ако се вградат и граѓаните со своите коментари.
„Овие форуми се своевиден брејнсторминг за иднината на нашето општество. Помага да се менуваме на подобро за да бидеме подобра Влада во следниот период“, потенцираше премиерот Заев на „Две години влада – Одговорно пред граѓаните“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во Кичево, поставен првиот млекомат за свежо млеко во државата

Во центарот на Кичево денеска официјално беше ставен во употреба првиот млекомат за свежо млеко во Македонија.
Жителите на Кичево и околината имаат модерен пристап до свежо кравјо млеко произведено од Земјоделската задруга „Крнино“ составена од членови од Манастирот „Св. Богородица Пречиста“.
Млекоматот е обезбеден со средства од Европската Унија преку проектот АгроСмарт, спроведуван од МРФП – Македонската развојна фондација за претпријатија, Хемера и ЦЕП Можности.
„Млекото што се нуди преку млекоматот е свежо, со зачувани природни хранливи својства, без додатоци и конзерванси и во контролирани хигиенски и температурни услови, а освен млеко, потрошувачите имаат можност да си купат и сирење“, рече Станоја Станојовски од Манастирот „Света Богородица Пречиста“, која е дел од Земјоделската задруга Крнино.
„Млекоматот е пример како треба да се одвива модернизацијата на македонските фарми и да се осовременува продажбата на локалните земјоделски производи со достапните средства од Европската Унија“, рече Лазар Неданоски од Македонската развојна фондација за претпријатија, која го спроведува проектот АгроСмарт, финансиран од ЕУ.
На настанот присуствуваше и Цветан Трипуновски, министер за земјоделство, шумарство и водостопанство, кој рече дека модернизацијата на земјоделството е во фокусот и на политиките и програмите на Министерството.
Дел од промоцијата беше и посета на фармата со крави во близина на манастирот „Света Богородица Пречиста“, каде е инсталирана линија за молзење крави и млекарата за производство на млечни производи.
Македонија
„Мицкоски му дели задачи на Орце како што ѝ делеше и на Арсовска“, велат од СДСМ

„Христијан Мицкоски повторно сака да биде во улога на шпицен градоначалник и им дели задачи на кандидатите за градоначалници на ВМРО-ДПМНЕ. Овој пат на Орце Ѓорѓиевски, исто како што беше случајот со Данела Арсовска“, велат од СДСМ.
„Скопјани добро се сеќаваат: кога Мицкоски и Арсовска делеа задачи и бизниси, сè им функционираше. Заедно ветуваа бесплатен превоз, а Мицкоски највуваше 100 нови електрични автобуси, па дури и фабрика за производство.
Но, се скраа за рацете во медот и го заглавија главниот град во хаос.
Последниве четири години со ВМРО-ДПМНЕ на власт во Скопје видовме што значи тоа, целосно игнорирање на интересите на граѓаните. Видовме што значи партијата и партиските интереси да се стават пред здравјето на луѓето, видовме што значи заради политички инает да се уништи градот, претпријатијата и со тоа животот на граѓаните.
Денеска ја гледаме истата шема. Со Мицкоски и Ѓорѓиевски скопјани може да очекуваат нови разочарувања, нов хаос и нови бизнис-договори на грбот на граѓаните.
Скопје заслужува повеќе. Скопјани очекуваат решенија, искреност и политики што носат резултати. Очекуваат чист, уреден, културен град со градоначалник што ќе работи со визија и план, а не нова Арсовска по диктат на Мицкоски“, соопшти СДСМ.
Македонија
Минатата недела „пајакот“ кренал 99 возила во општина Центар

ЈП Паркинзи на Општина Центар во соработка со Сообраќајната полиција-Скопје во периодот од 17.08.2025 до 24.08.2025 година, со помош на специјалните возила „Пајак“ отстранија 99 непрописно паркирани возила кои го попречувале нормалното и безбедно одвивање на сообраќајот.
ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.