Македонија
Таравари: МВР да не ги штити бандитите кои истепаа професори
Во историјата на Гостивар никогаш не се случило партиски војници да влезат во училиште и да тепаат професори, изјави градоначалникот на Гостивар, Арбен Таравари, во врска со обвинувањата и тврдењата на Алијансата на Албанците дека активисти на ДУИ истепале професори во гостиварската гимназија.
„Насилството кон двајца професори од страна на поранешен затвореник, телохранител и возач на Невзат Бејта, и од страна на синот на директорот на училиштето, кој исто така е познат како проблематичен. Тие влегле во училиштето вооружени, а целата ситуација била оркестрирана од страна на директорот на училиштето, кој изутрината му рекол на еден од истепаните професори – ќе видиш што ќе те снајде. Така и се случи, двајцата професори завршија со сериозни повреди во неврохирургија во Скопје“, рече Таравари.
Тој побара од Министерството за образование и наука да му се вратат ингеренциите на градоначалникот, а надлежните органи целосно да го расветлат случајот и сторителите да бидат соодветно казнети.
„Рековме дека одземањето на надлежностите во образованието ќе носи последици и ете ги гледаме последиците. Бараме од Министерството за образование и наука да ни ги врати овластувањата, да се суспендира директорот на гимназија како сценарист на овој напад, бараме од Министерството за образование да ја информира општината кои чекори се преземени за конкретниот случај. Ние како општина формиравме комисија која го истражува случајот, зошто дојде од овој насилен инцидент, а од МВР бараме да не ги штити бандитите и да го расветли случајот. Јас сум многу убеден дека ако тој ден напаѓачите беа активисти на Алијансата на Албанците, тие ќе беа денес во затвор. Додека двете лица кои ги истепаа професорите слободно се шетаат и им се закануваат на граѓаните и на другите активисти на Алијанасата за Албанците“, изјави Таравари
Таравари нагласи дека не сака одмазда, но инсистира на тоа надлежните органи да ја извршуваат својата должност во корист на правдата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Општина Карпош: Сите училишта во општината имаат фотоволтаични системи
Општина Карпош ги опреми десетте основни училишта на своја територија, со фотоволтаични централи кои произведуваат електрична енергија за свои потреби, соопштија од таму.
„Локалната самоуправа ја реализираше оваа иницијатива, откако претходно ја реновираше и кровната конструкција на сите училишни установи. Во случајов, училиштата и детските градинки во Карпош се енергетски ефикасни објекти, со оглед на тоа што истите имаат поставено термичка изолација, прозорци со трослојно стакло, а некои од нив се загреваат на системи од обновливи извори на енергија.
Општина Карпош е првата локална самоуправа во Македонија која постави хибридни колектори на детската градинка „Мајски цвет“ во Тафталиџе 2, кои служат за производство на електрична енергија и топла вода. Поточно, овие колектори произведуваат струја со моќност од 3,2 kw, а преку искористување на сончевата енергија се произведуваат и 300 литри санитарна топла вода, која се користи за потребите на кујната на оваа детска установа“.
Според планираната динамика, како што најавуваат, Општината ќе ги опреми и останатите детски градинки, кои заедно со основните училишта ќе бидат енергетски ефикасни и финансиски одржливи институции.
Македонија
Како ќе живеат 5000 луѓе на простор предвиден за 1500 кај „Треска“, Белчева јавно го праша Герасимовски зошто не го спроведе конкурсот
Јана Белчева-Андреевска, досегашна советничка во Советот на Општина Центар, која на овие избори влезе во Советот на Скопје јавно го праша градоначалникот на Горан Герасимовски зошто не го спроведе конкурсот кој е одлука на Советот за уредување на земјиштето на просторот на поранешна „Треска“. Преку објава на социјалните мрежи Белчева – Андреевска праша и зошто ниту ниту Уставен суд, ниту Министерството за транспорт тогаш водено од СДСМ не се охрабри да го спаси градот од таква катастрофа.
Белчева – Андреевска потсети на вистината за планот за „Треска“.
„ 1. Планот кој се релизира на 30.000м2 не соодветствува со Генералниот план за градот ,па наместо 1500 жители на локацијата се овозможува да се населат повеке од 5000 жители.
2. При подготовка за градба се исечени 105 дрвја кои градби со подземни нивоа не можат да ги надоместат.
3. Градоначалникот потенцира дека не продава државно земиште, а за реализација на планот приватизирани се неколку илјади квадрати државно земјиште.
4. На местото каде по планот е предвидено јавно зеленило од 7.000м2 се наоѓаат објекти од 2000м2 корисна, но легализирана површина кои Општината треба да ги откупи за да го реализира единственото зеленило. 1200м2 од тие обекти се во соственост на инвеститорите на ‘Треска’ кои дополнително можат да се офајдат со дополнителни 960.000 евра. Обидот тоа да се избегне иницирано од ‘Шанса за Центар’ во актуелниот момент не беше подржано од градоначалникот.
5. Награденото решение на Конкурсот за ‘Треска’ го ревидираше планот согласно Генералниот план, со тоа го заштити јавниот интерес и ги отстрани добар дел од неговите недостатоци. Правото на градба на приватниот имот не им беше одземено на инвеститорите туку беше регулирано да се одвива според правилата на Урбанистичко планиранье.
За конкурсот не се залудно потрошени парите. Напротив. Конкурсот беше доказ дека ако се направи триаголник на соработка: политичари со визија и со примарна цел-јавниот интерес; ангажман на докажани стручни и професионални лица; и соработливи инвеститори флексибилни за договор и свесни за јавниот интерес, а не само алчни, е тогаш може да се менува развојот на просторот. Но укинувањето на конкурсот на ‘Треска’ еднострано и незаконски од градоначалникот е доказ како политичката моќ не се користи за одбрана на јавниот интерес“, објави Белчева – Андреевска и во прилог стави линк од обраќањето на архитектот Миодраг Радоњиќ, претседател на конкурсната комисија и актуелен претседател на Академијата на архитекти на Македонија кое е целосен демант на тврдењата на актуелниот градоначалник.
Македонија
ЈП „Паркинзи на Општина Центар“ со нови информативни табли и можност за плаќање со QR-код
Јавното претпријатие за јавни паркиралишта „Паркинзи на Општина Центар“- Скопје, денеска успешно реализираше поставување на нови информативни табли со современ дизајн и вграден QR-код кој овозможува едноставно и брзо плаќање на паркинг услугата со платежна картичка.
Во рамки на напорите за дигитализација и модернизација, претпријатието денес започнува со замена на сите информативни табли со нов, модерен дизајн, како и поставување дополнителни табли за подобра информираност и полесна ориентација на корисниците. Новите табли содржат јасно означени податоци за зоните, тарифите и начинот на плаќање, а QR-кодот овозможува директен пристап до безбеден систем за електронско плаќање, без потреба од најава, регистрација или испраќање SMS порака, соопштија од таму.
Со едно скенирање, корисниците можат брзо и удобно да ја извршат уплатата, што претставува чекор напред во модернизацијата на услугите за паркирање во oпштина Центар.
„Воведувањето на QR-код системот е дел од нашата стратегија за дигитализација и поедноставување на услугите за граѓаните. Со ова решение, секој возач може за неколку секунди да го плати паркирањето без апликации, без регистрации и без дополнителни чекори. Нашата цел е да обезбедиме модерно, ефикасно и кориснички ориентирано паркирање во oпштина Центар,“ изјави Душко Коцевски, директор на ЈП Паркинзи на Општина Центар.
Овој проект е дел од континуираните активности на ЈП ПОЦ за унапредување на јавните услуги, подобрување на искуството на корисниците и воведување на иновативни дигитални решенија во интерес на граѓаните и посетителите на општина Центар.

