Македонија
Таравари на средба со Бејли, градоначалникот ги презентирал проблемите во образованието

Градоначалникот на Гостивар, Арбен Таравари, се сретна со американскиот амбасадор, Џес Бејли. Како што соопштија од Општината, Таравари му ги презентирал проблемите со кои се соочува во неговиот мандат, а особено во секторот образование.
„Како главно вознемирување, градоначалникот Таравари ја посочи горчливата вистина – постојаниот пад на квалитетот на живеење во земјата, каде што не се исклучок ни жителите на општина Гостивар. Како најпогодени области, Таравари ги посочи образованието, здравството и социјалната заштита, каде што погрешните политики во повеќегодишното лошо владеење, сé повеќе ги вади на површина последиците“, се вели во соопштението.
Меѓу главните проблеми, се додава во соопштението, Таравари ги спомна и скратениот буџет на општината, блокадите од страна на советниците кои доаѓаат од редовите на партиите што ја контролираат централната власт, одземањето на надлежностите во образованието како последица на несуштинската децентрализација. Конкретно, Таравари го запознал амбасадорот Бејли и за длабоката, како што се вели во соопштението, ДУИ-зација на образованието во општина Гостивар.
„Таравари изрази подготвеност да седне со сите релевантни фактори за да се подготви соодветна стратегија за деполитизирање на училиштата и образованието“, велат од Општината.
На средбата, Таравари и Бејли, разговарале и за референдумот на 30 септември. Во тој правец, градоначалникот Таравари го изразил неговото стравување за мал одзив на референдумот поради, како што се вели во соопштението, масовното заминување на населението, особено на младите од Гостивар и околината, појава мошне присутна и на ниво на земјата, особено кај албанската популација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нормализиран сообраќајот од и кон Граничниот премин Блаце

Министерството за внатрешни работи ја известува јавноста дека вечерва е нормализиран сообраќајот на патниот правец Стенковец-ГП Блаце.
Граѓаните можат непречено да се движат во двата правци, а нормално функционира и граничниот премин Блаце, велат од МВР.
Македонија
(Видео) Повеќе од 45 тони вода исфрли полицискиот хеликоптер во гаснењето на пожарот во Чучер Сандево

Полициски хеликоптер Бел-412 денеска повторно се вклучи во гаснење на пожарот во општина Чучер Сандево, соопшти МВР.
„И покрај тешките услови за гаснење непристапен терен и непрегледност поради чад, полицискиот хрликоптер исфли над 45 тони вода во подршка на екипите на терен за ставање под контрола на истиот“.
Македонија
(Видео) Сè уште активен и надвор од контрола пожарот кај Чучер Сандево, со интервенција од воздух ќе се продолжи во утринските часови

Пожарот кој е активен на територија на Чучер Сандево и покрај интервенциите од воздух, за жал сè уште е надвор од контрола, информираат од ЦУК.
Во текот на денешниот ден, на терен, како што појаснуваат надлежните, интервенирале сите расположливи сили и средства — општински служби, физички и правни лица, како и екипи од БППЗ, ДЗС, МВР и ЦУК.
„Сите капацитети се ангажирани, но условите на теренот се исклучително тешки.
Голема е вознемиреноста кај населението, бидејќи чадот се проширува низ целата општина и селата Чучер, Мирковци, Глуво, Бразда, сè до Бутел. Истовремено, регистриран е и нов пожар во атарот на село Кучевиште, кој зафаќа голема површина и се наоѓа во близина на куќи“, според објавеното на социјалните мрежи.
Во раните утрински часови, како што појаснуваат, беше пружена воздухопловна поддршка со три летала, а попладнето со уште еден воздухоплов.
Поради временските услови, се очекува пожарот во текот на ноќта делумно да се стиши, што би овозможило поефикасно дејствување на теренот утре.
За утре е планирано акциите да започнат уште во 5:00 часот, со ангажирање на сите институционални и општински сили на целата зафатена површина, со поддршка од два воздухоплова на МВР. Во вечерните часови, екипите ќе останат на терен и ќе интервенираат согласно приоритетите и потребите, соопштија надлежните.